عازبات سن الثلاثين و ما فوق مرحبا بكن

السلام عليكم خواتاتي الحبيبات درني خاطري و ملقيت فين نفرغ و لمن نشكي من بعد الله سبحانه قلت نقلب على خواتاتي و نشكي ليهم همي سيمعو ليا و نسمع ليهم عارفة بلي مشي كل البنات مزروبين على الزواج و لكن لي عندها ام فحال الام ديالي غذا تحس بيا و غذا تفهمني فيما تجمعات مع شي مرا و فيما مشات عند صحاباتها تجي تعصبني و انا مبدي والو الزواج نصيب و ربي لي بيديه كلشي و يا خواتاتي نهار كامل و انا في هاد الهم بنت فلانة تخطبات بنت هادي ولدت و بنت ديك صغر منك و تزوجات و انا ديما تنقول ليها راه كلشي بالمكتاب و هي ديما قاهراني بهاد الموضوع نتمنى نتشاركو في هاد القضية و لي عندها نفس المعاناة ولقات ليها الحل تنصحها و كذالك البنات لي فاتو سن الثلاتين و جاهم رزقهم يفرحونا و يشجعونا و الله يجيب للجميع لي فيها الخير

---

uh.fhj sk hgeghedk , lh t,r lvpfh f;k

راحة اختي ماشي ساهل تبقاي تسمعي نفس سيناريو كل يوم الله يجيب ليك شي ولد ناس او ديري رقية الشرعية على شي عكس او صبري الله غادي يفرحك حتى انا ممزوجاش مزال عمري 19 ونتي اختي مشحال فعمرك

سلام عليكم أختي هد مكتب الله وقدر

كما قلتي الله اسهل عليك وعلينا بزوج صالح

اللهم أمين

اسال الله ان يرزقكي الزوج الصالح ويهدي امك هي مشافتش لي مزوجات وشبعانات مشاكل ولي مطلقات ولي ارملات مساكن كتشوف غ الفوق الله يهديها و صاف

اختي طلبي الله و كثري من الاستغفار و ان شاء الله ربي يفرج عليك وعليااااااا

السلام عليكم اختى اسال الله ان يرزقك بالزوج الصالح عاجل غير اجل يا رب و يفرح قلبك و كل بنات المسلمين

heta ana akheti kane3ani men nafes lmochekil walakine machi menomi men khoti o wahede jara
kola mera ihechiw lya lhedera
lah isehele 3lik o 3leya o 3la kol 3aziba

حتى أنا أختي كنعاني بحالك ولكن مشي لوالدة ديالي عمرها قاتلي شي كلمة الله يخليهالي أنا عائلة مبقتش كنمشي عند حد على ود لهدرة لكتجرح الله يفرج همنا و يحل عقدتنا يارب

الزواج قسمة ونصيب وكل حاجة بالأجل ديالها أنا ماتختطبت حتى لسن 38 سنة ودرت العقد في سن 39 سنة ودابا عندي 40 سنة وباقية جالسة في دارنا حيت زوجي في الغربة باقي ملتحقت بيه عمري مقنت من رحمة الله كنت ديما كنقول لنفسي ( علمت أن رزقي لن يأخذه غيري فاطمئن قلبي ) خاصنا نديرو اليقين ديالنا في الله عز وجل وربي مكينسى حتى أحد ، الله يسهل عليك أختي في الزوج الصالح وكذلك جميع الأنيقات يا ربي ، ومتقلقيش أختي من الوالدة ديالك راه كاع الأمهات بحال ماماك كيبقاو هازين همنا من وحنا صغار حتى كنكبرو و مكيتهناو حتى كيشوفو بناتهم في ديورهم

انا اسميتي سهير من مراكش عمري 30 سنة مازال ماتزوجت كاع بنات العائلة وصحاباتي تزوجي بقيت غير انا بعض مرات تيبقى فيا راسي ونزيد نبكي على حالي ونضرة ناس ماترحم اكيد فهمين وعييت مانقلب على زوج مناسب والو عييت وفوضت امري لخالقي.

السلام الحبيبة بلا متقلقي من ميمتك بغات لك غير الخير اختي انا تزوجت على تلاتين سنة وولدت وليداتي ولله الحمد وخ كلشي كان تيقوليا شكون داها فيك العصيدة نهار العيد ههههههههههه عطا الله لبنات صغارات وزوينات وموظفات وكان تيبقى يا الحال وتنضل نبكي اوا كلشي بالمكتوب الله يسهل عليك وتفرحي ماماك ان شاء الله وجميع العازبات يا رب