السلام عليكم ورحمة الله
نبدا ظ…ط´ط§ط±ظƒطھظٹ بشكر جميع المشرفات على هاد المسابقة، ونتمنى عملي المتواضع ينال إعجاب الانيقات، رغم اني مكنعرفش نخيط مزيان والاشغال ط§ظ„ظٹط¯ظˆظٹط© غير هواية فا قبلو عليا حيث انا ماشي محترفة.
العمل ديالي عبارة عن پوشيتة اساسها بوني دراس وطراف من الكرتون
المستلزمات: 2 طراف كرتون بحجم الهاتف، بوني عندي جديد ولكن كايزلق ماكانستعملوش فاهو الضحية باش طبقت الفكرة ديالي هههه، خيط، إبرة، كولا، مقص، فيلول،عقيق،سبيب،موس قاطع.
قطعت 2 طراف من الكرتون على حجم الهاتف.
خديت الجهة لي كاتبري من البوني، قطعتها وقسمتها على 2 وشِيَط شوية باش نزديهوم من التحت. و دخلت فكول وحدة طرف دالكارتون.
خيط الجوانب التحتانية.
من الثوب المتبقي من البوني قطعت 3 دوائر، كل دائرة قسمتها على زوج، وكل نصف دوزت ليبرة والخيط من جهة القرص (ماشي القطر) وزيرت الخيط باش يعطيني شكل ديال وريقة، وزديت 5 دلوريقات (اي 5 انصاف الدوائر ليقطعت) من بعد قطعت دائرة صغيورة من ثوب آخر ودرت فيها 2 ثقبات بطورنوڢيس (او اي اداة) ودخلت ليها فيلول، ولصقتها مع الوردة. والجهة المقابلة دالوردة لصقت فيها عقيقة. (يمكن ليكوم ديرو صدفة عوض العقيقة)
خديت 4 طريفات من الثوب ولصقتهوم فالجوايه الذخلانيين دالپوشيت (باش مايزلقش الپورطابل من الجناب)
دورت العقيق على العقيقة دالوردة، ودرتو حتى فالتحت دالپوشيط.
والسدادة صيبتها بالعقيق، شديت سبيب ودرت فيه 4 عقيق كبير و4 صغار، وحدة حدا وحدة وسديت بالرابعة الكبيرة وذخلت فكل جهة وحدة فلون وسديت بوحدة صغيرة وعاود دخلت فكل جهة وحدة فلون وسديت بالكبيرة التحتانية المقابلة (الشرح فالصورة اوضح) ولصقتها حتى هي بالكولا فوق الپوشيط.
وباش مايزلقش حتى من الفوق، خديت وحدة من هادوك باش كايتحزم البوني وخيط عليها العقيق ودوزت الموس القاطع العبار ليكفي السدادة ولصقتو فالجهة الذخلانية لورانية.
الشكل النهائي فالصور:
يمكن ليكوم تعلقوها
وكذلك الپوشيطة انيقة حتى فشي عراضة ^^
نتمنى تعجبكوم فكرتي البسيطة، وشكرا
lahv;jd td lshfrm hghulhg hgd],dm
لاسف تقييم ما بغاش يدوز