الخياطات المحترفات دخلو عاونوني

صباحكم مبروك البنات شكون تعاوني بغيت نفصل جلابة انما باقي مزعمت حينت اول مرة نفصلها بغيت باترون يكون مفهوم وشحال ناخد نتاع السفيفة ديال جلابة والكابلي بغيت بلا جيوب يعني عادية الله يجعلها في ميزان حسناتكن الى مساعدوني بغيت نخيطها قبل العيد وشكرا

---

hgodh’hj hglpjvthj ]og, uh,k,kd

ها العار الى متطلوش وتهربو راني مزاوكة ساعدوني بغيت شرح مفهوم في الجلابة

اختي دخلي لدروس الاستاذة شموخ امراة راه فيها الشرح كافي اللهم يسر راه غير متنعرف لبانت اما نرسم ليك ونشرح ليك

ها هو الرابط
https://www.anaqamaghribia.com/vb/sho…d.php?t=224763

بالنسبة للسفيفة الى كنت طويلة 8 متر قاداك ويقدر يشيط بالنسبة للكابلي 3 وقيات الى بغيتي لون واحد والى بغيتي 2 الوان دير 2 وقيات من اللون الغالب ووقية من اللون الاخر والى بغيتي للعقاد شوفي واش بغيتي جاكار عادي او مزوق خودي 3 وقيات ارض ووقية زواق والى بغيتي الفينسيون اي الضرس شوفي واش بغيتي تديري الفينسيون بالكابلي او بالطرسان الى بالطرسان 2 وقيات كافيين والى بالكابلي ديري 2 وقيات من لون و2 من لون على حساب نوع الضرس لي اختاريتياللهم يسر

شكرا اختي على الشرح ربي يجازيك كل خير انا طولي62 شحال تجيني في السفيفة

اختي خودي 8 متر الى باغا تديرها فالدورة ديال الاسفل او 7 متر الى مفيهاش سفيفة فالتحت

شوفي اختي هاد الفيديو اقدر افيدك. اما بالنسبة للسفيفة و ترسان الاخت ماما 2 الله اجازيها بالخير قامت بالواجب.
https://www.youtube.com/watch?v=qjbcJ…Rx_HlOiUScmqvg

هادا الجزء الثاني
https://www.youtube.com/watch?v=aJ8Na4dXw0M

شوفي فيديوات اخرين لنفس الخياط غادي انفعوك.

نتمنى ليك التوفيق اختي غير دائما نصيحتي انه فحالة الفشل لاقدر الله يجب عدم الاستسلام اللهم يسر

الله يفتح عليكم بالخيرات في هاد العواشر اختي ماما انا ولله الحمد عندي ارادة وخا نفشل في الفصالة كنبقى حتى نجيبها