أخواتي الخياطات محتاجاكم ضروري

السلام عليكم ورحمة الله وبركاته

أخواتي كيف حالكم اليوم جيت نطلبكم تساعدوني جزاكم الله خيرا بغيت نتعلم نفصل ونخيط
من مدة وانا كاندخل لهاد القسم نتفرج بالسوايع وتمنيت نتعلم لكن عندي التربية ومايمكنليش نمشي للنادي وانا ماكانعرف والو في هاد المجال فقررت نتعلم من المنتدى ايلا ساعدتوني

أولا الماكينة ماعنديش خبرة فيهم واصلا مانعرفش منين نشريهم قلبت في النت لقيت عرض على هاد الماكينة مولاتها طالبة فيها 1000 درهم وتاتقول جديدة

عافاكم عطيوني رأيكم واش نشريها ؟ واش ممكن نتعلم نفصل ونخيط غير من المنتدى ؟ وايلا ممكن تدلوني على المواضيع اللي نقدر نبدا بيها كمبتدئة

سمحوا لي على الازعاج وياريت نلقى ردود من اخواتي راني كانتسناكم

جزاكم الله خيرا

---

Ho,hjd hgodh’hj lpjh[h;l qv,vd

و عليكم السلام و رحمة الله و بركاته
زيديني عليك عندي مكينة و مكنعرفش ليها

عليكم السلام ورحمة الله

ان شاء الله اختي تتعلمي

بالنسبة للماكينة هاذ النوع زوين وفيه انواع غرز كثيرة ولكن عيبه الوحيد انه معظم الماكينة بلاستيك والعيب الاكبر انه الا تهرسات شي بياسة ماكتلاقيش فحالها

ولكن بانت ليا السمية سانجير واعتقد انه كاينين موزعين ديالها واكيد عندهم قطع غيار في حالة العطب

وماتشري حتى تديها عند تقني ثقة باش يشوفها واش مزيانة وعلاش ثقة باش ماياخدش منها شي بياسة .

الا عندك التيساع زيدي شوية لفلوس وشري بيكوز جديدة ماكاين ماحسن منها

والله الموفق للي فيه الخير اختي

أخواتي عافاكم عاونونا ولو بنصيحة تفكرو ماللي كنتو بحالنا باغين تعلمو وكاتدعيو مع اي واحد ايساعدكم
الله ايجازيكم بالخير واخا ماتجاوبوش انا سخية في الدعوات

اختي امة زعمي وخدميها وتعلمي انا عاد ناوية نشري وماكانفهم فيهم والو خفت نتزرف ونندم داكشي لاش بغيت الاخوات ينصحوني

هاني مازالا كانتسنا ياريت تجاوبوني قبل ماتبيع الأخت ماكينتها

اختي اش غادي نقول ليك عندي وحدة تقريبا بحالها جابها لية خويا من فرنسا ولكن انة باغة بيكوز خودي راي الاخت الي اقل ليك بيكوز احسن

جزاك الله خيرا على ردك أحتي ام ايوب وبلغك ما تتمنين انا ماكانعرفش شنو هي بيكوز ولا غيرها انا المباركة اللي لقيت هادي في الانترنت حيت كيما قلت ماكانخرجش وماكانعرف والو والاخت قالت الماكينة جديدة وانا المباركة اللي الراجل وافق نشريها
كانظن غانتوكل على الله وناخدها ونحضيها مايتهرس منها والو

بانتظار بقية الاخوات يزيدز يفيدوني وياريت روابط لدروس التفصيل باش نبدا

راني فرحانة غانولي نخيط واخا مازال ما بديت
أمة يا الله شمري ونتعاونو انا وياك دعي الله يسهل عليا في الماكينة

ختي شناهي بيكوز واش داك الماكينة القديمة ديال الرجل ؟؟ شنو مشكلة الماكينة اللي عندك ؟ زيدي فيديني بارك الله فيك

مرحبا ان ناجية نتعاونو ان شاء الله

البيكوز اختي هي ذيك الماكينة اللي كيخدمو بيها في الشركات والمعامل

هاذي صورتها خديتها من النت

اما ماكينة الرجل راه حتى هي مزيانة … مللي تزوجت قلت نشري ماكينة نتعلم فيها وخا غير نرقع ونخيط الخوامي والمسائل البسيطة

وشريت ماكينة ديال رجل سميتها الفا خديتها جديدة وخديت معاها موطور ديال الضو لاني ماكنعرفش نخدم بالرجل تقامت عليا بـ 800 درهم هي 700 والموطور 100

والحمد لله باقا مزيانة هادي 12 عام وهي عندي عمرها ماخسرت اللهم بارك

أم أيوب سيري الله يعطيك ما تمنيتي حتى انا ندير بحالك وناخدها ايلا لقيتها. ماتبيعيش ديالك ههههه
انا نشوف فين كايتباعو ونشريها هي وموطورها
فين ممكن نلقاها ؟ (انا ساكنة في تمارة)

أمة الله راني ماعرفتش فيناهو هاد قسم الاميلات عييت نقلب