السلام عليكم و رحمة الله و بركاته
كديرين اخواتي ان شاء الله بخير
الحمد لله بفضل النت تعلمت ط§ظ„ظƒط±ظˆط´ظٹظ‡ وليت ندير كل الغرز الاساسية و حتى الباترون كنعرف نقراه و نخدم انطلاقا منه
و بفضل اختي راجية و اختي نسمة صاوبت شحال من حاجة من خلال شرحهم و وقفتهم معايا نطلب من ربي يحقق رجاهم
المشكل دبا لي عندي ظ‡ط§ظ†ظٹ كنعرف ندير الغرز و نقرا الباترون و لكن بحال الفساتين و السبيبطات ما نعرف كيفاش نخدمهم
يعني بالنسبة للفساتين كيكون باترون العنق و الزواقة ديال لتحت و كنفهم كلشي و لكن كيفاش ننتقل من باترون العنق لباترون الزواقة ان شاء الله تكونو فهمتوني
بغيت نعرف المبدا ديال الخدمة باش اي باترون طاح فيدي نعرف نخدمه و نطلع فستان كامل مكمول
و بالنسبة للسباط نفس الشئ كيكون باترون القاعدة و باترون الزواقة و لكن كنصاوب باترون القاعدة و نوحل كيفاش نبدا التكملة ديال السباط
بالنسبة للمفارش ما عنديش مشكل معاهم الحمد لله كنشوف الباترون و ندرسو مزيان و نبدا و الحد لله كيطلع مزيان
يا ريت اخواتي تفيدوني كيعجبني نخدم بمبدا و بقواعد و نمشي عليهم
الله يسر ليكم الامور و ان شاء الله ما نكون تقلت عليكم
و اي دورة فالكروشيه فبيو عليا و راكم عارفين فين تلقاوني هههههههههههههههههههههه
بوسة كبيرة
hsjh]hj hg;v,adi ihkd [dj jhkd kw]u;l d[f
كيف دايرا لاباس عليك ,ايوا راني فرحتيني مني قلتي تعلمتي كل الغرز الاساسية ديال لكروشي وتعرفي تقراي الباترون ديالو .
تبارك الله عليك راكي عقلك خفيف انا لحظتها في المفرش ليقمت شويا بمساعدتك فيه ,اختي ماشاء الله عليك
اما بالنسبة باش تخدمي سبيبيط او كسيوة او طريبيش ؟
الى كان عندك الباترون عادي تبعي من البداية اي السطر الاول لهو السنسلة ,تقريبا كلشي الباترونات كيكتبو فهم السطر الاول ,الثاني الى السطر الاخير فما عليك اختي الا تبعي غير الارقام بالتتابع حتى النهاية ,وراه الى خدمتي اللكسيوة الاولى والثانية راه ان شاء الله الثالتة تخدميها بلا باترون غير تشوفي فها تمشي ليلميموار نيشان هههههه .
اختي بالنسبة لقلتي تقلتي علينا حشى وبلعكس راه على الراس والعين ومرحبا ههههههه ,نتمنى نكون فدتك واي تساؤل او مساعدة نحن في الخدمة ان شاء الله
ربي يحفظك و ينجيك و الشكر الجزيل ليك على المساعدة
فعلا اختي عرفت القضية ديال من اول السطر لاخر سطر و لكن فالبترون مكيديروش كيفاش نلصقو الصدر مع لتحت دياله
ما عرفتش واش سؤالي مفهوم و لا لا
اما الباترون كنكمله كله غير التلصاق لي باقي ما عرفت كيفاش المبدا دياله
وسؤالك مفهوم غير هيا كل كوديل وكيفاش كيلصق ,مثلا لكسيوة لخدامة فها انتي دبا شفتي منين بدات وكيفاش تلاقا للجزء الاول و الثاني ديالها ,وشوفي هاد لكسيوة كيفاش مبدية وكيفاش غادي تلاقى
https://www.anaqamaghribia.com/vb/sho…d.php?t=356735
شفتي راني مشكلة كنلقى اعمال غزالة فاليوتيوب والو واش نقشع شي حاجة فيهم او نفهم ضروري من الباترون المرسوم هو نمشي عليه
خودي وقتك في التجربة هي للي غتحل لك هد المشاكل
نتي دابا الحماسة مخلياك باغة ديري كلشي و هدا ماشي صحي
خودي وقتك كملي للي في يدك و من بعد جربي حاجة اخرى و الى حتاجيتها حنا معاك
المشاركة الأصلية كتبت بواسطة نسمة زكية 
السلام عليكم
هاد المشكله عندي انا الا ماكانش الباترون او خدم شي حد قدام و الله ما نفهمها
خاص نصور و نكبر و نبقى نحاول عاد نطيح فيها و ديك بقاي تحاولي كتعزني ما بقيت نديرها غير الباترون و لا بلاش
أختي قلب حنين راه كتبقى على حساب الموديل
طبعا الا كان عندو الباترون راه كتسهال الخدمة .وخصك تشوفي فالموديل وتلا حضي اتجاه الغرز باش مخدوم باش كيبان منين يتبدا واش الفوق ولا التحت ولا الوسط بحال الموديل لي حطيت
فالاول من الاحسن تبداي بموديل ساهل يعني ما فيهش قوة التقاطع شي مخدوم من الفوق شي من التحت هههههههههه يكون مخدوم فاتجاه واحد ومع الممارسة كتسهال عليك الخدمة
راه ياااااااااااااااما فسخنا الخدمة وعاودنا ولكن مع الارادة وعشق الكروشيه غادي تجيك عادية.وطبعا الا كانت ورشة راها كتسهل المأمورية
غير بداي بالبياسات الصغار وكل مرة خدمي شي حاجة تقيشرة مفرش قبعة باش تولفي على انواع الخدامي وتشوفي الاحتراف كيجي بوحدو