طلب لمحترفات التريكو

أنيقاتي المحترفات
عندي ليكم واحد الطلب
واش ممكن تعطيوني الطريقة كيفاش كيتخدم هاد الطربوش
وشكرا جزيلا مسبقا

---

‘gf glpjvthj hgjvd;,

31 مشاهدة و لا رد واحد
فينكم يا المحترفات و لا حتى المبتدئات اللي عارفين الخدمة ديال هاد الطربوش؟؟

الطربوش زوين. نتمنى يدخلو المحترفات ويعاونوك عزيزتي.بالتوفيق ان شاء الله

شكرا أختي راجية حسن الخاتمة
أتمنى من الأخوات يعاونوني
البنات كيضهر قتلم البرد غير كيقراو مقدرينش يحركو صبيعاتم و يكتبو

السلام اختي ام زياد على ما بان لي الطربوش مخدوم ب les cotes واحد على واحد تقريبا 20 سطر ؤ قلبي العيون كلها المسرح هدا في السطر 1. ا السطر الثاني بالمقلوب مع خدمي واحد العين ؤ فوتي العين للي موراها بلاماتخدميها ؤ كملي هكدا حتى التالي دالسطر،السطر 3 بالمسرح، السطر 4بالمقلوب ؤفي هاد السطر كتخدمي عكس السطر 2 يعني فوتي واحد العين عادخدمي للي موراها كرري حتى اخرالسطر ،،،، صافي كتبقاي تكرري هاد اربعة اسطرالى نهاية نتمنى نكون توفقت في الشرح
والله المستعان

جازاك الله خيرا أختي
وجعله في ميزان حسناتك

السلام اختي ام زياد هاهي الخدمة ديال الطربوش للى حطيتي راني بديا فيه

بارك الله فيك أختي على مجهودك
واش ممكن تعطيني عدد الغرز بالنسبة لقياس فتاة 13 سنة
و كيفاش الطريقة باش كيجي منفوخ من اللور
الله يجازيك ألف خير

اختي ام زيااد سمحيلي تعطلت عليك حيت كنت مسافرة لبلاد،ا بالنسبة للبوني 13 سنة على حسب الصوفة ؤ القطبان للي غتخدمي بهم ، انا خدمتها بصوفةموسطة ؤالقطبان 4.5 نظمت 90 دالعيون ؤ باش يجيك منفوخ زيدي العيون فالسطر الاول من بعد les cotes كل 5عيون زيدي 1عين كنتمنى ليك التوفيق ،غدي نزل ليك الطريقة ديال الزواقة بالمراحل ؤ بالصور في اقرب وقت

بارك الله فيك أختي على الإهتمام بالموضوع
الله يخليلك البنات