بغيت نسولكم البنات على ط±ظˆط¨ظٹظ†ظٹ لي تيكون في لافابو الكوزينة فين لي افضل واش لي مفيكسي في لافابو ولا لي في الحيط وفين لي صح ولي عندها ولقات مشكل من كلا الجانبين تقولي الله يخ
ليكم راني واقفة عليه في التركاب 
هادو نماذج من النت باش نوضح ليكم
hpsk v,fdkd td k/v; ??
افضل اللي مفيكسي فلافابو على الاقل الحيط يبقى ليك سليم مامحفرش باش حتى الى بغيتي تبدلي الروبيني تبدليه بسهولة وماتبقايش مرتابطة بالروبيني اللول اللي خسر بسبب الحفاري ديالو في الحيط عندي في المطبخ وحيت خسر ضروووري نجيب نفس النوع ونفس القياس لان الحيط مايمكنش يبقى هاكاك محفور الى بغيت نبدل شكل الروبيني في المطبخ لاخور درتو مفيكسي فلابو نهار يطلعلي فراسي ويدوزو حقو من الوقت نبدلو هو ولافابو ديالو ياربي ارزق غير الصحة والسلامة انا اختي بغيت نصحك بواااااااحد مولاي الروبيني حماقيت عليه ومالقيتوش راه دابا كاين في المطابخ الراقية واخر ماكاين وهو عملي جدا عرفتي فمرجان بلاصة الحوت شوفي السيد تما باش تايغسل الحوت واحد الروبيني عندوم خاص وغريب في الشكل ديالو هو هاداك اللي كانصحك بيه غير طبعا ديال المطبخ المنزلي تايكون اصغير وانيق في الحجم ديالو ولكن عندو نفس طريقة العمل والمبدا مبروك الدار اختي يدخلها ربي بالسعادة وزيادة الرزق
مبروك عليك اختي من الافضل اللي مع لافابو ميكونش لاصق في الحيط
أنا تنصحك بالروبيني اللي فالحيط حيت عندي اللي مفيكسي فلافابو الصراحة تيمحن ملي تنبغي نعمر قرعة الماء تنحصل خاصني حتى نميلها وايلا بغيت نغسل شي حاجة ديال المواعن وكانت كبيرة متدخليش تحت الروبيني وتنتمحن.من الأفضل ديريه فالحيط ويكون خارج شوية على الحيط باش إيلا بغيتي تغسلي المواعن ميزاحمكش الحيط،والرأي كلو ليك أختي.
لي لاصق في ليفيي أحسن أنا شريت واحد زوين وكنضن هو لي كتهضر عليه ياسمين جيراري
عن تجربة اللي لاصق في الحاءط احسن اما الاخر كببقا كيتحرك من بلاصتو مع قوة الاستعمال
المشاركة الأصلية كتبت بواسطة نبــع الحنـــان 
اختي عل حسب يلا كان عندك لافابو فيه التقبة ديال روبيني هدا للي وراتك الاخت احسن مشيك وموديرن وكيساعد محيت كيهبط ويطلع اما يلا كان عندك لافابو عادي غتطري ديري لعادي فالحيط انا عندي فالحيط كرهني كل مرة كيبقى يقطرفقلب الحيط وارا يديك للتزيار وكنضطر نشري واحد جديد
في الحايط احسن انا عندي احسن من الي لاصق في لافابو لانه تيتفارا ويبقى يدور ويلعب في بلاصتو اما لي في الحايط الى كان البلومبي معلم يدير ليه الجوان باش ما يخليهش يقطر لك وكاين فيهم اشكال زوينة 
اما الجديد واخر صيحات الروبينيات وهو على شكل عين 
اللي لاصق في الحاءط احسن