السلام عليكن أخواتي الحمد لله عاد ابنيت داري مازال مفصلنهاش الصالون غي جيني معندوش الحيوط في الجناب يعني غيجي ليه باب فقط حيت مبغيناش نقابلوه مع السيجور وراجلي مابغاش يتفاهم أمعايا حيت قال ليا يلاجاو عندي صحابي مخصهمش يشوفوك يعني ط§ظ„طµط§ظ„ظˆظ† غيبقى معزول بحال البيت عادي ونا معجبنيش الحال اشنو غندير
Ha y]dv td ih] hgwhg,k uh,k,kd
اولا مبروك الدار الجديدة تدخل اعليك بالرزق اختي في الحقيقة هادوك الميربا مابقاوش لامود انا عندي وبغيت انحيدهم ونزيدك انا مشيت عند واحد السيدة دايرة الصالة بالباب وحمقتني جات راءعة ومعزولة ونقية عاملة تلامط بيج وجات ظاوية رغما الباب مسدود اعليها ملي سولتها قالتلي الفكرة اديالي باش تبقا نقية خصوصا انها عندها الوليدات صغار وهدا هو راءي والله ايوفقك للي فيها الخير
السلام عليكم أختي فكرتيني في الصالات القدام اللي يكونو في الرياض ياك إلا كانت إمكانية تفتحي فيه شي سريجمات يطلو على السيجور و ديريلهم ريدوات قصار و حتا إلا جاك تيطل على الزنقة فتحو فيه سرجم يكون كبير يدخلك الضو و صبغيه بلون فاتح و طليمطات فاتحين باش يجيك ضاوي وميجيكش بياسا مقناطة
كيف قالت الاخت راه حتى لحيوط مبقاوش لامود راه كينين بيبان خاصين ديال الصالون كيجيو كحمقو كعطيو شارم اخر لدار و ديري خاطر مولا دارك
اختي انا الصالات ديال الضياف درت ليهوم الباب حيت خاصهوم اتسدو ومدخاش ليهوم الغبرة وراجلك عندو الحق وحتى دوك الحيوط صغار ديموداو
عمل باب تكون كبيرة وواسعة وشكلها زوين تكون بجوج دفات تبقى ديما مفتوحة حتى يكونو الضياف عاد شدوها
تبارك الله على افكار البنات كيف قالو تقدري تخلي الباب وتفرشيه بااوان مبهجةاوديري باب كوليس زجاج ملون او مضبب ميبنش الله يحنن قلب زوجك عليك
المشاركة الأصلية كتبت بواسطة أم رسيلة 
السلام عليكن أخواتي الحمد لله عاد ابنيت داري مازال مفصلنهاش الصالون غي جيني معندوش الحيوط في الجناب يعني غيجي ليه باب فقط حيت مبغيناش نقابلوه مع السيجور وراجلي مابغاش يتفاهم أمعايا حيت قال ليا يلاجاو عندي صحابي مخصهمش يشوفوك يعني الصالون غيبقى معزول بحال البيت عادي ونا معجبنيش الحال اشنو غندير اختي كلام راجلك صحيح .. من حقو يغير عليك .. راه خاصك يعجبك الحاااااااال .. و من جيها بحرا تمشي فدارك على خاطرك ماشي تبقاي محبوسة فالكوزينا او البيت
salamo alikom ana min raey lokht ligaltlik diri bab kbira oykon fih zaj mdabab rah yjik ghezal osatra raha mzyana othafdi hta ela salonak min lawsakh o ila jak zayad yalka fin yan3ass
واش عندك غير صالون واحد في الدار ؟ إيلا عندك 2 ديري لي في الطبقة لي ماتكونيش فيها هو لي ديال الرجال ، باش مايشوفوك ماتشوفيهم ، أنا هكدا درت وإذا ماكانش عندك ، ديري باب كبير يكونو فيه 2 من القنت للقنت ويكون خشب وزاج ملون كامل كيجي واعررر شفت الوالدة ديال مرت خالي عندها ، وحتى راجلي كان بغا هكدا عيا يهضر ، وأنا بغيت الصالون بلا حيوط محلول كامل عييت نهضر ، ماتفاهمنش ودرنا الحيوط القصار هههه