السلام عليكن هاد الأيام ناوية إن شاء الله نشري توب باش نعمل بيه صالون عصري فوسط الدار و فبالي نعمل توب ف violet لكن بقيت حايرة واش هاد اللون يجي مناسب مع الصالون اللي جا قبالتو و قلت ما يفيدني غير البنات اللي فهاد المنتدى و هادي صورة وسط الدار 
و هادي صورة الصالون اللي جا قبالتو 
j,f hgjghl’ hglkhsf e,f
صالونك غزال تبارك الله حتا انا كيعجبني لفيولي بزاف ومكرهتش نديرو فدار كاملة هههههههههه انا متلا يلا كان عندي بحال صالونك كنضن فيه البرتقالي ياك واقيلا غادا ندير الماغون ايوا منعرف هادشي لي بان ليا حيت كيتواتاو فنضري نتي تسناي والبنات غادي يزيدو يفيدوك هاها غير نضري انا ههههههههههه وتبارك الله على ذوقك
أنا في نضري ماشي ضرووووري ديري شي حاجة مواتية مع لون الصالون الثاني ، تقدري ديري الفيولي علاش لا ، ولا الي بغيتي لوو آخر يجيك مناسب مع البرتقالي لي عندك ، كاين البيج ويكون داخلين فيه ألوان بحال الكرونة والمارون وكاين لي فيه زواقات بهاد البرتقالي
صالونك زوين.راه تيجي زوين الموف انا عندي صالون رومي موف جاء زوين و لكن مادريش كلشي موف يكون داخل فيه شي لون فاتح بحال موف بارد او الغوز….تقدري ديري الاخضر او التيركواز المهم الوان ساطعة. حتى الاحمر والاسود تيجي زوين…و بالصحة مسبقا
انا فنضري ماشي مهم صلون ضروري اتنسق مع صلون اخر ديري لون لبغيت هداك بحد والاخر بحد ولا تقدر تم در فتيات اجوك مزيانين جلس مغربي وجلس اروبي ا .تي احبيب اندك الفيانص ف الحيط مزوق حولي الا درت شي فراش ميكونوش زواق بزاف ف التوب باش ميجيش مرون ديري شحج اكون فيه وحد اللون تبان زوين وخفيف فالشوف انا غنحول نعطيك شي صور عندي صور بغيت غير نفيدك والله ولكين مكنعرفش دخلهم ممكن تعونيني نحطهم ليك
أختي أنا عندي صالون بلدي ليموني و درت صالون قبالتو بالموف و البيستاش و بلان كاسي و الله حتى اللي شافو تيعجبو أنا غنزل تصاورو تشوفيهم بالنسبة للصالون اللي بالتيركوا و المارون كان عندي فالأول و داه راجلي ملي تحولات ليه الخدمة للدار اللي كاري فمدينة أخرى أما الصالون الموف فيالله فرشتو 20 يوم دابا راك شفتي مازال ماخديت حتى الديكورات يالله بدلنا السكنى و مرة مرة مع الخدمة ماتنساليش نخرج ناخد شي حاجة و آخر الأسبوع تيجي راجلي يالله خاصك تقابليه نتمنى نكون فدتك و مانفختش ليك راسك بالهضرة ههههههه
شكرا بزاف لكل واحدة و بارك الله فيكم أنا غناخد بعين الإعتبار الآراء ديالكم
المشاركة الأصلية كتبت بواسطة ouakili 
انا فنضري ماشي مهم صلون ضروري اتنسق مع صلون اخر ديري لون لبغيت هداك بحد والاخر بحد ولا تقدر تم در فتيات اجوك مزيانين جلس مغربي وجلس اروبي ا .تي احبيب اندك الفيانص ف الحيط مزوق حولي الا درت شي فراش ميكونوش زواق بزاف ف التوب باش ميجيش مرون ديري شحج اكون فيه وحد اللون تبان زوين وخفيف فالشوف انا غنحول نعطيك شي صور عندي صور بغيت غير نفيدك والله ولكين مكنعرفش دخلهم ممكن تعونيني نحطهم ليك بارك الله فيك أختي شكرا بزاف بالنسبة للصور أنا كندخل لهاد الموقع https://imageshack.us/ redimention de l’imageاختاري 320* 240 و اكتبي الإيميل ديالك فالمكان المخصص كليكي على cant apload من بعد كليكي على parcourir غيتفتاحلك dossier اختاري منو صورة و كليكي على heberger maintenant غضهرلك الصورة هبطي لتحت مكتوبة direct link سليكسيوني اللي مكتوب حداه و اعمل copier و أجا دابا للسيت د أناقة مغربية و اعمل الرد على الموضوع اللي خصك و اختارب الأيقونة اللي كاينة لفوق اللي فيها إدراج الصورة و عمليcopier
ختي أنا فنظري مهم بزاف يكون ل ألوان متناسقين يعني نتي عندك صالون فل أورنج خاصك ديري شي لون لي يتواتا معاه خصوصا أنه جاي قبالتو لفيولي غادي يجي بعيد بزاف ومتناقض
https://my.imageshack.us/v_images.php حاولت نعطيك فكر كياش انه تفرشي مرح الدار ديالك نتمن تقدر تشوف الصور فيهم لمتنسق مع الصالون وفهم للا لمهم انه ميكونش الفراش فيه زواق بزاف حيت كف ما قلت ليك نتي اندك الفيونس ف الحيط مزوق يعني حسن اكون فراش عادي ولا جوج بحال المغو ولا المغو واللموني اجيك زوين ولا الموف وعطيطك تم وحد الفطو باش نبين ليك انه ماشي مهم اكون نفس اللون ولا اكونو متنسقين