الخوف من السياقة

السلام البنات انا عندي مشكل كبير مع ط§ظ„ط³ظٹط§ظ‚ط© و تنتمنى شي وحدة تكون دازت بهاد المرحلة و نجحات انها تتفادى الخوف
راجلي شحال هادي و هو باغني ندوز البيرمي لكن انا ديما تنأجل و تنقليه من بعد وهدا راجع للخوف الهستيري من ط§ظ„ط³ظٹط§ظ‚ط© وقرر انه يبدا معايا شوي نتعلم لاولويات ختكم غير تتكلس فالكرسي و تتبدا الخلعة تطلع مع الرجلين و ياريت شي وحدة تكون مرت من هاد التجربة تنصحني و على فكرة انا تنموت على ط§ظ„ط³ظٹط§ظ‚ط© لكن ط§ظ„ط®ظˆظپ غالب عليا

---

hgo,t lk hgsdhrm

راني بحالك شي حد يعتقنا المرة اﻻولى تعصبت وتخلعت ملي بركت فسيارة راجلي منتم ما بقيت عاودت

حتى أنا بحالك

كنقل عمرني نسوق عيا معايا راجلي بش يعلمني والو
ختي أصغر مني وتتسوق وتشد طريق
أنا كنخاف بزاف تيسحبلية ادى سقت غاندير كسيدة لله يحفض
دبى حتى بسكلتة مكنصدش نصوصها كنخاف نطيح هه

شوف هو لي خلاني ما بين خوتي ما عندي بيرمي ، وانا لي كنت كنسوق قبلهم ، غير اتكلو على الله ما حدكم صغارات ، والله الى كينفع ، كيخصك غير مشوار تقلبي على التاكسي او تطلبي الراجل يوصلك ، والوقت راها صعابت ، السيارة كتحمي المراة من شتى مواقف

السلام اخواتي خاصكم تعرفو ان لكل شيء. بداية و البداية داااءما تتكون متواضعة و لكن مع الارادة و العزيمة تتوصل فين بغيتي .انا قبل كنت تنكول مسنحييييييييل نقدر نسوق و منين تنلقى شي رونبوان فيه شي روينة كنبقى نكول كون كمت انا كون سكت السيارة و مشيت فحالي و خليتها و لكن دابا الحمد لله كنسوق بامتيااااز و كنحس بمتعة اثناء السياقة و مكنرناااااحش لشي حد يسوق بيا . الطاكسي كنبقى رااااادةمعاه البال ههههه

البنات لي خايفين من السياقةاييييه حسيت بكم مزيان امي عويشة المشكل ماشي فالسن غير توكلي على الله و زيدي معانا نشوفو ياكما تزعمنا شي وحدة و شكرا اختي سارة غادي نحاولو نحيدو الخوف بادن الله

انا شديت البرمي من 14 عام زعمت مكانش عندي حتى تخوف ولكن من بعد عام حسيت بشلل نتيجة الخوف من الحوادث ونسيت على كلشي وعندي تخوف دبا عندي مسؤلية وخاصني انسترجع القوة لكانت عاندي وزعمة ونحاول انتعلم ولكن الاسف باقي كنحس بالخوف

حتى كان عندي نفس المشكل شديت البيرمي ف 2024 و سقت 2024 يعني حتى تزوجت عادزعمني راجلي و كنت ديك ساعة مزال مزعمت عليه و بغيت نبين ليه راني كنعرف و زعمت راسي بزز مني و داك الخوف كنحاول نتحكم فيه بالتنفس العميق يعني فاش كنركب كتشدني القفقافة و كنقول مال هدوك لي لي كيسوقو حسن مني و بديت كنزعم راسي شوية بشوية و كنسوق غي مسافات قصيرة حتى شديت يديا خصكوم تهرسو داك الخوف بالممارسة و احترام القانون و سوقو غي بشوية و للي بقا مسدعك بالكلاكسون ف الطريق ماتسوقيييييييش ليه الا معجبوش الحال يضوبلك و يكمل طريقو و صدقوني غدي تيقو فراسكوم اكتر فاكتر بالممارسة و تسوقو بوحدكوم يعني ميكونش راكب معاكم شي واحد كيفهم بزاف يبقا مصدعك و يكريتيكي فيك حيت هاد القضية كتخليك تزيدي تخلعي. سوقو بشوية و بداو فمناطق كفيهاش الزحام و متكونش مسافة طويلة و لسقي بلاكة 90 لانها كتخلي الناس يتساهلو معاك و اهم شيء متسوقييييش للي كيستفزك بالكلاكسون* و اولا لي كيقولك اشمن سوقان هدا متديهاش فيه. و متفكروش فالحوادث لأنه لن يصيبك الا ما كتبه الله لك و خدمي القرآن فاش تكوني سايقة

عن طريق : samsung – GT-I9300

اهلا الفتيات
انا يالاه خديت البيرمي فشهر يناير هههههه ماشديتو حتى غفر لي الله بسبب الخوف اللي كان غالب عليا بحالكم ههههه
بالحق الله يطول فعمر الواليد هو اللي شاد بيدي دابا وكايزعمني نصوك. واخا الخلعة قاتلاني و كانبقا نعكز و نبدا نقلب على السبة باش مانسوكش و لكن الاب ديالي كايبزز عليا نخرج, و دابا الحمد الله دخلت المدينة و مادرت حتى زبلة هههههههه و مازال فيا الخلعة و مين كانسالي الصوكان كايخصني حمام و اللي يحك ليا, و كل 10دقايق نوقف الواليد حدا قهوة حيت بالخلعة كاتشدني البولة حاشاكوم و كل شوية اراو ليا نشرب و الواليد شاد لي الخاطر هالعار غير نصوك و ماندير حتى غلط هههههه
والحمد الله صكت فالناصيونال بين المحمدية و الرباط, صكت فطريق الروماني اللي كلها عكابي و فيراجات, و صكت فحي شعبي و ما ادراك ما الحي الشعبي هههههه مول البيكالا غادي مع الكاميو, مول الخضرة حاط فنص الطريق, ها اللي غادا و دايرا ولدها من جيهت الشانطي ايوا الحاصول روينة ههههه
والصراحة مازال معمري صكت بوحدي ديما معايا الاب ديالي ولا خويا, لكن و الله مانتفاك حتى نطلق يدي فالصوكان, حتى هادو اللي كايصوكو دازو من نفس المرحلة. اش طرا ليهم والو
غير السرعة اللي مامزياناش, و يلا الواحد مشا غير بشوية واخا كاع طرا كسيدة الا قدر الله ماغاديش يكون الضرر كثير. كيما كايكول الواليد الا شفتيها قفارت رجليك على الفران و الامبرياج و لا الفران امان
و بالتوفيق ومايكون غير الخير