تجربتي مع التجميد في الزجاج

بديت مؤخرا كنجمد الأكل في قراعي ديال الزاج .الأيام الأولى كنت كنلقى شي قراعي تهرسو في الكونجيلاتور .وبعد بحث طويل في الأنترنيت لقيت أن ط§ظ„طھط¬ظ…ظٹط¯ في ط§ظ„ط²ط¬ط§ط¬ باش ينجح وميتهرسش لك الزاج خاصك تخلي 1/3 ديال القرعة خاوي . وفعلا نجحت بفضل الله العملية . مبقاوش القراعي يتشقولي بالثلج . فحبيت ننقل لكم طھط¬ط±ط¨طھظٹ المتواضعة بالصور:

هادو هوما القراعي فاش كنجمد الأكل. القرعة الكبيرة هاديك مشي للتجميد كندير فيها زيت الزيتون عوض البلاستيك.

ممكن اي قرعة تجمدي فيها حتى قراعي الكوفتير أو….

هذا هو قياس الفراغ لي خاصك تخلي باش تنجح لك العملية

هادي حريرة الشعير بالحليب والسانوج وحب الرشاد كانت مجمدة وسخنتها ورديتها في القرعة باش تشوفو القياس .

---

j[vfjd lu hgj[ld] td hg.[h[

كانت شي حاجة قليلة بحال قهوة أو شي سائل قليل كنستعمل هاد الصغار. بلحق ديما خلي فراغ .

ملي كنكون زربانة ونسيت مخرجتش القرعة تذوب. كنشد برمة كندير فيها شوية ديال الماء ونخشي فيها كسكاس صغيربالرجلين ونحيد الغلاقة يدل القرعة ونكفيها على فمها فوق الكسكاس ونديرها على عافية متوسطة كذوب دغية .والقرعة سبحان الله مكيوقع لها والو.ملي كنخرجها من المجمد كنغسلها بماء الروبيني ونحيد لها الغلاقة ونديرلها هاذ الطريقة.كانت تجربة شخصية غير راسي وماقال لي.حيث واحد النهار وحلت وزربانة فطاحت لي الفكرة فراسي قلت نجرب وصدقت تبارك الله .

كنخدم بزاج في فريكو

وممكن تجبدي وتخشي في المكرويف
لان لبلاستيك معا لوقت كيضبب وخاصك تبدليه عكس الزاج

تبارك الله عليك

ماشاء الله عليك لاتنصى الصلاة في وقتها ومرحبا بيك من جديد فالقس كتنورينا بأفكارك
وأكدي غيسولوك على لحريرة وأنا منهم فوجدي لمقادير هههه ياكما طيبتيها فطين تباركله عليك
يثبت حتا يأخذ حقه من المشاهدة

فكرة رائعة. اول مرة تنعرف انه ممكن نجمدو الاكل في وعاء زجاج. التجربة خير برهان. برافو عليك غامرتي بقريعاتك تاع الزجاج. احلى تقييم.

نعم احبيبة . وخا عندي تحفظ على الميكرويف لمخاطر الأشعة لي فيه .تبارك الله عليك ازين .

الله يبارك فيك احبيبة .

هههه ضحكتيني احبيبة بالقس .تبارك الله عليك وعلى روحك المرحة وجزاك الله خيرا على التثبيت.
بالنسبة للطين مبقا طين من دوك ليامات حبست لأنه صراحة مشي عملي بزاف اللهم الطجين الي لا يمكن الإستغناء عنه .

وليت نستعمل أواني إينوكس صحيين وكتغسلهوم ماكينة الماعن مزيان. وحتى باليدين ساهلين فغسيلهوم . المهم عملي بزاااااااااااااااااااااف .
هافاش طيبتها احبيبة

بالنسبة للحريرة ديال الشعير اجبيبة مزدت والو على الطريقة المتداولة عند جميع المغاربة . الشعير دورتو في الماء بارد بالطراب اليدوي حيث كيخلطو مزيان بلا ميتكور وكنديرلو مليحة والسانوج وحب الرشاد ونخليه حتى يطيب على عافي مهيلة .دائما طيابي على عافية مهيلة حيث هدي هي الطريقة الصحية باش المواد مكتفقدش الفيتامينات ديالها . صافي كنزيدو في الأخير الحليب .ملي كنبغي نشربو كندردر فوقو شوية حبة حلاوة والنافع مطحونين .بغيتي تزيدي شوية الزيت العود لابأس .ومرحباااااااااااااااااااااااا وزيد القدام احبيبة .