3afakom rana min dkholt chhar tani fwham wana makanakoll makanchrab wfiya dokha wkanred mchit ltebiba wkharjatli vitamine nchrbo ri kanchrbo kanredo wdaba rani halti hala 3afakom lijraliha bhali t9oli chno dart bach mab9atch fhad lhala
3t9oni ra lwham helkni salam
اختي غير صبري وكلشي غيفوت الله يخفف عليك و يثبت حملك يارب
والله يعطيك من صبر أيوب
مبروك عليك أختي والله يكمل عليك بالخير
حتى أنا دازت عليا فلوحم ديالي 2 مرات كان نفعني شويا واحد السيرو سميتو motilium
كان شويا يحبسلي الردان وكنت مكنقدرش نطيب المرقا أو ناكلها نهائيا كنت كناكل غير الخس وماطيشا بحال الفكرون هههههههههه وحتى فاش كنضطر نطيب كنت كنطيب بلا بصلة وبلا تومة تصوري شهرين ما قست فالبصلة والتوما هههههههه وهادا ساعدني شويا .
ولكن نبشرك كيف قالوا الأخوات غير تكملي 3 شهور غادي يبدا يجيك الجوع وتبداي شويا بشويا ترجعي لطبيعتك وغادي تكوني غزالة إن شاء الله. والله يكمل عليك بالخير وفاش تقبطي ولدك ولا بنتك بين يديك تنساي التعب كامل إن شاء الله.