3afakom gololi chno raaykom

3afakom gololi chno raaykom
asalamo 3alaykom a khwatati f islam
yemken had chi li rat9raw daba rayjikom ghrib chwiya mais wellah hta rana ba9a mesdouma omamtey9ach
ana ra 3andi bnita 3andha 3layen 8 mois lmohim rajli dima msede3ni bach nzid newled mais ana gotlo belati chwiya hta tekber lbent dazet 3 mois bach wledt machralichi lfanid dyal man3 lhaml bach nehmel f saraha ana mabrit ngolo 3lach ola nzid m3ah felhadra golt safi li braha allah hiya li rada tkoun iwa whad chehar t3atlat 3liya l3ada chahriya golt safi 100 f l 100 rada nkoun hamla meni mchit dert test tla3 positif kat3arfo hesit b sadma ob9it ghi kanbki f saraha ana mazala mamesta3edach lhad l haml l darajat anani kansa wach ana hamla oba9a magoltha lhta hed f l3aila dyali kanhes brasi b9a fiya lhal bezaf machi fhal awal mara fach 3reft rasi hamla b benti matsewrouch halti
ri li brit howa neftah 9albi lchi had o n3awedlo bach nertah ra kanhas brasi mekhnou9a wellah 3afakom kola wahda tektebli ra’y dyalha wakha ghi twasini ghi b chi zouj klimat 3awnouni 3afakom ana brit net9ebel lfikra dyal anani hamla
semholiya bezaf tewelt 3likom kantsena rodoud dyalkom
chokran

---

3afakom gololi chno raaykom

اختي ليا الشرف انني نكون اول من جاوبك و لكن الحبيبة علاش مبغيتيش تحملي الناس كتقلب عليهم في السماء و الارض و انت مبغاش داك الكلام الي كتقولي مخاصكش تقوليه لان الحمل كله من عند الله و انت بحالي كتعترضي على مشيئة الله و انت من دابا تسعة اشهر بنتك تبارك الله تكون كبرات و منها تقابلي وليداتك في مرة و تبدلي ليكوش في خطرة انا بعدة كنهبال عليهم غادي نجيب واحد مورا واحد

حاجة اخرى احبيبة انت مكنتيش كتاخدي الفنيد يعني مئة مئة عارفة راسك غادي تحملي و كان عليك تكوني مستعدة نفسيا لهذه المرحلة و حرام عليك تقولي عليها صدمة اختي الولاد بركة من عند الله و محاس بيها غير الي فقدها

اختي فرحي و فرحي راجلك و عائلتك و متعترضيش لقدر الله لانك كتاخدي معاصي و قولي الحمد لله ربي مكتبكش عقيم

انا فرحانة ليك من قلبي الله يثبت حملك و يسر امرك احبيبة و يعطيك القوة باش تربي وليداتك و منها حتى هنا يكبروا معاك ميجيو يوليو شباب تباني بحال اختهم

اوا حيدي عليا ديك التغوبيشة و ضحكي

اختي الناس باغين لولاد وما لقاوهم ونتي كتبكي شوفي قولي الحمد لله واستغفري لمولاك وان شاء الله غدي ادوز كلشي بخير غير الصبر معرفتي الخير فين كين الله اكمل عليك بالخير ودعي معايا نحمل ههههههه اللهم تولدي وليداتك ونتي باقا صغيرة وتربيهم تربية صالحة نوضي غسلي وجهك واستغفري المولى عزوجل وقولي الحمد لله

zin atini lmsn dyalak bagha nhdar maak

اختي الله يثبت حملك و يكمليك بخير غيير حيدي من راسك ديك الافكار ديال انكي ممستعداش للحمل ووو راه الاطفال نعمة و ماحاس بيها غير الي منتظرها الحمد لله لي رزقك و الله يرزق اخواتنا في الله و يفرح قلبهم…وتصوري انني واقع لي بحالك حتى انا عاد ولدت من بعد عناااء و انتظار و راجلي منع عليا الكينة و اي وسيلة دمنع الحمل و مزال ماجاتني الدورة ههههه عنداكي نكون قفرتها ههههه هاكداك اوا ضحكي و ضحكي معاك داك الفنكوش او فنكوشة

دبا راكي حاملة علاش مخنوقة وعلاش مخبيا على عائلتك يا ماشي عيب ولا حرام ولا اعتراض على قدر الله وفيقي و تهالاي فراسك وفي البيبي راه نعمة من عند الله تربي ولادك اكبرو معاكحسن ليك وربي يتبت حملك ويفكك على خير

khti matgoulich haka
rah sidi rabi 3tak na3ma onti ma7asach biha
sawlini ana ojmi3 lmontadirat lib7ali ygoulo lik 3la lmo3anat likan3aniw
mkhlina dwayat mkhlina 3choub mkhlina ta7aja omazal maktbhom 3lina lah had sa3a
o7aaaaaaaaaamdin lah ochakrino
onti li3tak 3iwad na3ma 2 maradyach omasdouma
noudi akhti odiri sajda dial chokr ofar7i ofar7i 7babk m3ak
olah ykabarhom fta3t lah

واختاه مبروووووووووووك والله يتبت حملك اما انك مبغاش ….الارزاق بيد الله احمدي الله كتيرا كتيرا كاين كتار كيتمناو وانا وحدة منهم الله يسهليك وتكون درية صالحة فيها منفعة لك فالدنيا والاخرة

salamo alikom akhawati kanchkorkom bezzzzzzzzzzaf 3la wa9fetkom m3aya o nasaih dyalkom raha fo9 rasi ana li brit t3arfo ra ana mame3tardach 3la l haml dyali bel3aks ana kanhmed allah wenchokro li n3am 3liya b lewlidat ghir okan kanmor bhala nafsiya li kantmenaha douz derya rana bhal chi wahed jah chi khbar mametwa93ouch ma3ref yedhak ma3ref yebki bel3aks akhwatati ana ra kanbi rajli bezzzzzzaf ofo9 matsewro okont dima kangolo ana bara menek bezaf dyal lewlad yemken ri had lekhbar jatni 3la refla omakontch mesta3eda liha kantleb mn allah ynewer li tri9i oyhayed 3liya had lram li ana fih ana rtahit bezaf l rodoud dyalkom ra khetkom kayna felghorba oma3andi m3amen nehder dakchi 3lach ftaht likom 9albi ogolt mafih bach hta na nertah mn dakhel dyali matsewrouch chehal fajitouha 3liya kanchkorkom bezaf okol wahda fikom katsena tehmel allah ysahel 3liha oyseme3ha khbar lkhir ana yalah jawni les résultat dyal le sang ana hamla f la 6eme semaine yarebi yetzad li weldi ola benti 3la khir lwahed ba3d lmarat kaykhaso yen3al chitan oy9ra chwiya dyal 9oraan iwa allah yesmah lina
mara akhra kanchkor ga3 lakhawat kola wahda b smitha
hada ra msn dyali
ihssan87elhaouet********.fr l l okht li telbato meni
kanchkorkom bezaf

اولامبروك عليك و الله يكملك بالخير ثانيا احمدى الله على نعمة الاولاد مانكدبش عليك انا فايتة علي تجربة كنت ناخد الفانيد و حملت وانا كان عندي ثلاثة ديال ادراري وما ابغيتش نولد ولكن قدرة الله كانت اقوى و مابغيتش و كنت غي نبكي و نطلب الله يسقطلي الله يسمحلي و لكن كنت كانحس بان الله عاقبني لانه فات علي العداب لا في الحمل ولا في الولادة كنت غادي نموت لولا الله ستر علاش اختي احمدي الله و شكريه وربي يسرلك كلشي ان شاء الله ويفرحك هده نصيحة من اختك في الله مبروك عليك و الف مبروك