3500درهم واش تكفيني فالشهر

السلام عليكم انيقاتي
الموضوع ومافيه بغيت زعما نجرب واش نقدر نكون امراة مدبرة اولا مغنقدرش
المهم راجلي غيعطيني 3500ط¯ط±ظ‡ظ… فيها غير المصروف ديال الدار ومصروفو حتا هو ديال الگارو والقهوة والطونسبور ديالي الى بغين نمشي لدارنا او نمشي لشي بلاصة وعاد الا جات شي مرضة او شي ضيف
والصراحة مكنعرفش نمشي على برنامج كنعتمد على كل نهار ونهاره
تعاونو معايا بغيت زعما نشيط منها شي حاجة

---

3500]vil ,ha j;tdkd thgaiv j;tdkn

بالنسبة للتقدية ديال الخضرة والفواكه الوقت اللي خصاتني شي حاجة كنخرج نجيبها حيت قريب لي السوق وكنمشي الاغلبية فالعشية كتكون الاثمنة نازلة
التقدية الاخرى كنتقدا من الهري حدايا كيتقام ارخص
اللحم والدجاج والحوت كل مرة وكيفاش مرة كنشري بالكثرة وكندير ففريگو مرة حتا كنبغي نطيب عاد كنخرج نشري
المهم ماعنديش برنامج غادية عليه ماكنعجنش الخبز كنشريه

الحمام كنمشيليه 2 مرات فالسيمانة والا خرجت وبانتلي شي حاجة كنشريها خاصة لبنتي وكل احد كنخرجو وضروري مكنخسرو الفلوس كل مرة وشحال
ماعمرني عرفت شحال كنخسرو فالشهر حيت من غير السالير اللي كيشد راجلي كيدبر على مصروف اخر
القضية مرونة ياكو هههههه

السلام عليكم اختي بغيت نسولك علاش ما تعجنيش الخبز كيطلع حسن وانظف وارخص من ديال الزنقة ما شتيش داك الفيديو ديال 2 طوبات كياكلو فالخبز شوفيه راه فالمنتدى العام
هانتي ديري واحد العشية غير ديال الخبز عجني بكثر وديري فالمجمد وقتما بغيتي سخني وطلع عليك القضية حسن اختي ما تقلقيش مني انا غير بغيت نبهك للخبز ديال الزنقة

لا اختي الدنيا هانية وعندكالحق راني شفت داك الفيديو كيجيب العيف
غير العگز وصافي وراجلي مكيكولش الخبز الا برد واخا يكون ففريگو ولكن هادا ماشي عذر وعاد انا من النوع اللي مكنقدرش نمشي على برنامج واحد عندي الشقا على حساب الگانة ديالي ههههه ماشي الضسارة هادي

اختي ضحكتيني على الشقا بالكانة بعد الخطرات كيطلع ليك الزعف من كل نهار الشقا هانتي بالنسبة للمصروف انا وراجلي درنا واحد التجربة هاد الشهر على حساب المصروف والصراحة عجباتني بزاف حيت كتنضمي راسك مع الفلوس جيبي مجموعة ديال الاظرفة وكل ظرف كتبي عليه المصروف الي خاص مثلا هدا مصروف التقدية
هدا مصروف التقدية ديال الهري
هدا مصروف البوطة …. حتي تسالي وديري اما بنتكحاولي انك تشغي راسك كل مرة بحليوة او بيسكوي منها تاكلو منو مجموعين ومنها تخلي لبنتك الى بغات تدي معاها للمدرسة ومنها تقتاصدي على انك تشري من الزنقة

فكرة الاظرفة اختي زوينة نجربها ونشوف كيبقا فيا الحال كاين عيالات من قليل دارو الكثير وانا والو الله يستر الا مرضنا ماكنلقاو تحت منا والو
شكرا بزااااف اختي على اهتمامك نتمنى الانيقات يشاركونا بافكارهم اي حاجة تقدر تكون بسيطة فنظرهم راها مهمة عند ناس اخرين

فكرةالاظرفةاللي اقترحتها عليك الاخت فريزارا عجباتني غير طبقيهاوحاولي ماامكن تزيدي ضرفاخر للطواري وماتحليه الا للضرورةالقصوي وهاكدا ممكن توفري كنتمنا يعجبك الاقتراح ديلي

حتا هادي فكرة زوينة وعندي واحد السؤال نتمنى تجاوبوني عليه
بالنسبة للخروج واش حتا هو نديرله ميزانية خاصة به داخل فيها فلوس الطاكسيات او الا مشيت عند شي واحد والخرجة ديال الاحد تقريبا كنتغداو كل احد برا وعاد كنديو بنتي للالعاب تلعب
قلت مع راسي نولي نتغداو فالدار عاد نخرجو

هانتي ملي تبغي تخرجي بينتك الله يخليها ليك ديري واحد الحاجة انا ديما كنديرها صوبي شندويتشات متنوعة وكل واحد لويه فالاليمنيوم باش يبقى سخون وصوبي عصير فالدار وهانتي مغدية مخير حسن ما تمشي لشي قهوة يضربوك حتا للزنافر هادشي لي انا كندير وبنتك خلي ليها واحد المقدار ديال الاجتياجات ديالها بحال ديال البارك ومهم انه حتى فلوس الطرونسبور خزنيه و بلاش عليك الخرجات الغير مهمة الي غادي تخليك تخسري فيها الفلوس