يوم الخطوبة

---

d,l hgo’,fm

السلام عليكم ورحمة لله وبركاته

حبيبة لله يكمل عليك بالخير إن شاء لله يكون كلشي كيف تتمناي يارب

إن شاء لله يفيدوك الأخوات نخليو الموضوع هنا

انا قداميت هههههههههههه 16 عام د الزواج واقيلا معندي باش نفيدك ههههههههههه

98 مشاهدة ولا حتى رد زعما حتى وحدة مامزوجة ولا سبق ليها تخطبا ا ا ات يا ا ا ا الانيقات )؛

الله اكمل بالخير الاهم هو انك تلبسي شي حاجة انتي تلقاي راسك فيها عندك تلبسي التجين هههه الا متلا قفيطن خفييييف باش تقدري تحركي عادي بلا ماتبرزط ماتقويييش المكياج باش مايقولوش مصبوغة ماتهضريييش بزاف وقولي الميمتك ماتسخركش قدامهم بزاف لانو بنادم تيتلف ويبدا عايدبز لهذا وصي ميمتك باش الي حطيتيها انت فهاداك والي نسيتيها اجيبوها هما بلا مايعيقو يعني اعاونك مايخليوكش بوحدك تطيري راك التلفي اوا هادشي الي جاني فبالي والله اكمل اعليك بالخير

انا اختي مازال مامازوجاش ادعيو معايا
المهم اختي لبسي شي قفطان ومن الاحسن ايلا ما كانش فيه لجزام ومتكتريش المكياج تدخلي عندهم على طبيعتك حتى ايلا كنتي من النوع اللي مكيديرش المكياج بقاي هكداك حيث هدوك الناس هما معا من غادي تكملي حياتك وفي ما يخص الاكل اللي غادي توجدولهم متشريوش داكشي تاع المحالات كلشي يكون صنع الدار ومكرهناش تكوني انتي اللي مطيبا كلشي
والله يكمل عليك بالخير ودعي معايا

فيك الخير و البركة احبيبة الله يجازيك كل خير يكفي دعيوتك الزوينة بارك الله فيك ان شاء الله يفيدونا الاخوات

السلام اختي
اول حاجة الله يكمل عليك بالخير انا حاسسسسسسسسسة بيك بزاف حيت حتى انا يلاه دوزت داك المتحان ونجحت هههههه الحمد الله شوفي نتي قبل راه غتكوني مشيتي الحمام و فليل ديري روز مطحون و الماء ديال مطيشة وخليه شوية و مسحي بالزيت البلدية وغسلي بالصابون ديالك المعتاد وصلي 2 ركعات و دعي ربي اكمل عليك بالخير ونعسي مرتاحة غتحسي براسك مزيان المهم من الأحسن ماطيبي ت حاجة ولله داك نهار راه ديالك خصك تكوني بحال الأميرة راه كلشي ولا كيتباع ولا الى عندك شي خالتك حادكة ولا شي حد ف لفمي اوقف معاك انا هكاك لدرت المهم الهدرة بزآآاف اهوووووو لقلو شلوح مضحكي بزاف كلشي بلميزان عبري عاد هدري هدا مكيعنيش تعبسي وجهك تكون فيه البتسامة واحد الملاحضة متحطيش رجل فوق رجل كلسي عادي و اللباس لبسي قفطان خفيف ضريف صايبي شعرك حيت غيبغو اشوفوك كلك ويآآآآاك
ديري المكياج كريم اساس يكفي وحبسي الى عندك شي نقرة لبسيها ذهب بلاش حيت غتوحلي نهار تكلسو تفقو اش غيجبو ليك انا نهار جاو لبست كاع ذهبي وملي درنا العقد و كلسنا انا و عكوزتي وراجلي كتكولي خاص هادي خاص هادي نطق راجل كال ذهب و كالت عكوزتي الله اخليها ليا وخا هكاك عزيزة عليا كالت بلاش راه كلها ذهب لمهم نتي فهمة شنو بغيت نوصل ليك حاجة خرى صداق عنداك تجبديه ليهم تفقي نتي و رجلك ونصحك حتى راجل ماتجبديش معاه هادشي خليه هو اجبدو ومتكلفيه حيت عمرو مغينسها فهمتي حاجة خرى الى كنت نتي و ماماك بحال صحابات ومدسرين على بعضياتكم مطبقيش داكشي كدمهم عندي بزآآف منقول ف هاد الباب المهم الى عجبوك نصائح ديالي وتقبلتهم نتواصلو حسن باش اكون اخد و رد كنتمنى ليك السعادة
في أمان الله

الله الله الله اخييييييرا لقيت لي تنصحني بالتفصيل الممل هههههه الله يجازيك اختي و يكمل عليك بالخير يا ربي ، والله فرحتني بهاد النصائح ديالك ، بالنسبة للبس حتى انا بحالك ناوية نخيط شي قفطان خفيف و لكن قلت ندير الحجاب ديالي عادي واخا غي العيلات ولا ضروري نوريهم شعري زعما ها ا ا هو راني ماشي قرعة ههههه و الاكل شنو وجدتو ليهم عاودي لي اختي عافاك هههههه

الله يكمل بالخير ويرزقك السعااااااااااااااااااااادة ويدوز كلشي على خير

ههههه ضحكتيني آخر حاجة نديرها هي نلبس دجين ف هاد النهار ههههه ، فعلا اختي فكرة القفطان مفروغ منها ضروري ان شاء الله ، و خاصني نوصي الوليدة باش تميك عليا داك النهار ههههه بارك الله فيك احبيبة على انصائحك القييمة الله يجازيك بالخير