ويعيد السيناريو نفسه للمرة التانية ليقول ربي قدرتي وحكمتي فوق كل شىء سبحانك يا عظيم

ودابة غنحكي ليكم على حملي التاني لي يلاه فرحت بيه غير لبارح المهم اخواتي من بعد ما ولدت ولدي ما نكدبش عليكم دازت غير شي شهرين أو 3 شهور بديت كنفكر تاني في الحمل خصوصا مني جتني أول حيض من بعد الولادة صافي من تم درت بالي بزاف مع الحمل دازت الشهور مني كمل ولدي العام ماكان والو مشينا عند ألطبيبة قالت مني مازال كترضعي من نقدر نبدا معاك حتى حاجة حينت مع الرضاعة الهرمونات كيكونو مخربقين زادء يمكن تكون الرضاعة هي لي حابسة ليك الحمل المهم بقيت هي هديك كل شهر كنتأمل يكون حمل وكنقول يمكن غير الرضاعة شادة لي مني كمل ولدي عام وشهرين فطمتو بقيت تاني كنتأمل كل شهر كل شهر مني ما كان والو قلت صافي المشكل ديال راجلي تاني هو لي مأخر الحمل مشينا تاني عند الطبيبة لتبدأ المعاناة من جديد المهم قلباتني قالت لي كلشي مزيان درت تحاليل ديال الهرمونات كلشي مزيان قالت لراجلي يدير تحاليل مني دارهم لقينا المشكل هو هو تحسن واحد شوييييية نسبة التشوهات نقسات شويييت ولات يمكن 80 والله ما عقلت المهم قالت لي مني تجيك الحيض جي عندي باش تبداي الحقن الصناعي فعلا درت الحقن في شهر 7 بالضبط نهار التاني في رمضان دازت 14 يوم هي تجيني الحيض الحقن فشل مني عيط للطبيبة ط§ظ„ظ„ظ‡ يسمح ليها قالت أجي نعطيك المنشطات باش تعاودي الحقن ساعة دارت واحد الخطاء عطلات علي المراقبة ديال التبويض خديت المنشطات نهار لي غنمشي ندير مراقبة التبويض الطبيب ديال اليكوغرافي ما بانت حتى بويضة مني شاف تاريخ لي جاتني فيه الحيض قال لي راه التبويض فااات والبويضات تفجرو و فات الفوت صافي حبسنا الحقن ما كملش عاود عطاتني شي تحاليل وقالت لت نعاود ليك الحقن من تمة عمرها ما بقات شافت وجهي حلفت ما نرجع عندها خديت رانديفو مع طبيبة أخرى نهار 2 في شهر ٩ يعني غير مأخرا شافت تحاليل ديال راجلي قالت لي هاد الطبيبة لي كانت كدير الحقن راها غير كتفلى عليك أولا لان السن ديالي ما كيسمحش كل ماكان السن أكبر كل ما نسبة الفشل كتكون أكتر تانيا المشكل ديال راجلي الحل الأمتل هو الحقن المجهري قالت لينا غتاخدو رانديفو ولكن راه كيتعطل معروف في فرنسا أخاسك شهوووور ولا اعوام عاد يوصلك الرانديفو ط§ظ„ظ„ظ‡ يرحم ليها الوالدين قالت لينا كاين واحد السبيطار في أسبانيا كيعطيوك الرانديفو في الوقت لي بغيتي تانيا النتايج ديالهم مزيانة فعلا عيط ليهم راجلي أستفسرو منو علا الحالة ديالنا قالو لينا امتى بغيتو أول رانديفو مني سولني راجلي امتى نمشيو أنا تصدمت قلت كيفاش نمشيو وحنا باقين ما معولين ما والو قلت ليه ماشي دابة حتى يفوت هاد الشهر ونعاودو نعيط ليهم وناخدو رانديفو في شهر 10 صافي قال ليهم حتا يدخل شهر 10 ونعاود نتاصل بيكم باش نقول ليكم امتى نجيو صيفتو لينا في ألأميل واحد الورقة عمرناها في جميع المعلومات علينا صافي أنا مع كنت خدمت تلهيت وليت معمرة راسي غير بالخدمة والله العضيم البنات والله تم والله تم والله هادا هو الشهر الوحيد لي ما فكرتش فيه الحمل بتاااااااتا نسيت امتى جاتني الحيض ما عرفتش وقتاش كانت أيام ألأباضة تلهيت مع الخدمة لدرجة حتى لواحد النهار ونا نقول مع راسي من عرف امتى جاتني الحيض جيت نحسب لقيت 25 يوم باش فاتني الحيض لقيت راسي راني في الوقت لي غيتجيني فيه الحيض تاني صافي نسيت تاني نهار 27 خاصها تجيني أنا الحيض من نهار لي بلغت من أول حيض لي في حياتي عمممرها ما فاتت لي 26 أو 27 يوم إلى تعطلات ما تفوتش لي 27 يوم لمهم بقيت عادي ما مسوقاش نهار 28(يعتبر أول اتيام التاخير ) ما جاتش نهار 29(تاني أيام التاخير) ما جاتش قلت مع راسي يمكن هاد المرة غتكمل لي 30 يوم ما كنقولش راها معطلة كنقول يمكن غتبدل وغتولي تجيني على 30 يوم 30 يوم( 3 أيام تاخير) ما جاتش عاد درت بالي بدا كيدخلني الوسواس صافي بديت كنتسطا واقيلة حاملة لا ما يمكنش واقيلا غير البرد نعاود نقول يا ربي نكون حاملة نعاود تاني نجاوب راسي اويلي مالي تسطيت كيفاش نكون حاملة واقيلت باقا غتهبط علي غير معطلة نهار 31(4 أيام تاخير ) بديت كنرد لبال لراسي اشنو لي تبدل في ما في وحم ما في والو خدامة عادي ما في عيا ما في دوخة حاشاكم كل مرة نقلب واش كاينة شي حاجة كنقول ما يمكنش كنخشي حاشاكم كلينيكس لداااخل كنقول يمكن غنلقى شي نقطة ديال الدم بش نقول صافي هاهي غتهبط ووالو ما كاينة حتا نقطة ديال الدم مني كنشوف الماء حاشاكم بيض كنقول صافي هاهي غتكب علي ونبقا نتسنا شويت صافي نشفت حتا داك الماء ما بقاش كينزل مني قلت مع راسي غادي نبقا نسطي راسي ونبقا نمرض في راسي أجي ندير تحليلة نهار (5 أيام التاخير) نهار سبت في ليل قلت لراجلي نوض دابة قلب علا فرماسيان ديال ليل وجيب لي تيست ما بقيتش صبرت عقلي كان غيخرج نهار 32 من الدورة(6 أيام التاخير ) لي هو لبارح ضرباتني الفيقة مع 5و نص ديال صباح بغيت ندير تيست قلت تاني لا خلي حتى لغدا إلا فعلا تأخير خلي حتى نكمل 6أيام ولا أكتر من التاخير باش إلا كان حمل يبان صافي مشيت غادا لتواليت وكنشوف في تيست كنقول واش نحلو ولا لا قلت لا صافي غنصبر حتى لغدا مشيت لتواليت توضيت وخرجت غسلت يدي و أنا نشرب الماء شربت نيت شي 2 كيسان كبار صافي وأنا نرجع نعس قلت صافي دابة شربت الماء بلا نعول ندير تحليلة ليومت حتى لغدا هي هاديك مشيت نعست مع ديك 8 ضرباتني الفيقت ما صبرتش قلت إلا ما درتش تحليلة ليوم هاد نهار غنتسطى وغنمرض قلت تاني اويلي أنا يلاه شاربة عرام ديال الماء ما كاملاش حتا 3سوايع ما غاديش تصدق لي تحليلة قلت صافي بلاش غنمشي التواليت وما نديرهاش ما قديييييييتش نصبر قلت والله حتى نديرها ولي ليها ليها خديت قرعة مشيت حاشاكم لطواليت كنترعد نترعد نترعد كللي كنقفقف خرجت كنحل في تيست وكنترععععععد شافني راجلي قال لي راه هاد الحالة لي انتي فيها راه يلا كان حمل غطيحيه بهاد الخلعة لي فيك حليت التيست راجلي حدايا ما عقلتش عليه خشيت التيست في القرعة سبحااااان ط§ظ„ظ„ظ‡ العضيم يلاه دخلتو مع دخلتو مع الخطوط ب 2 طلعو في خطرة وحدة وواضحين اش غنقول ليكم عنقت راجلي ونبكي نبكي نبكي وندو في الدار ونغوت حمدتك يا ربي وشكرتك كنقولها وماحاساش براسي كنصولها بلغوات ندور في الدار ونشكر ط§ظ„ظ„ظ‡ راجلي بعدا عقل علا راسو حسن مني ديك ساعة مشا توضى وصلى شكرا وحمدا لله مني سالا عنقني وقالي باركة عليك من البكاء توضاي وصلي توضيت وصليت كل سجدة كنحط جبهتي ونبكيييي نبكي نبكي كنقول مع راسي شوف شحال الاخطاء كندير ورغم دلك ربي كيحن في وكيستاجب لي وكيحقق لي داكشي لي كنتمنى. البنات ما تقنطوش من رحمة ط§ظ„ظ„ظ‡ وما تفقدوش الأمل والله يرزقكم بالحمل السليم المعافى يا رب .دعيو معايا ربي يتم حملي على خير.ملاحضات مهمة بغيت نقولها ليكم هاد الشهر لي حملت فيه جميييع الأحتياطات لي كنت كنديرها من عقبل ضربتها كلها في 0 قلت مع راسي ياك غندير الحقن صافي علاش غنبقا غنبقا نمرض في راسي ما ناكلش هادي لا خاصني ناكل هادي خاص راجلي ما ياكلش هاد الحاجة ما مزياناش هادي مزيانة الدجاج مددة هادي ما كناكلوهش إلا نااااادرا هاد الأيام الأخرا وخصوصا هاد الشهر كلينا منو وبزاف كاع كلينا منو بلا قياس المونادا اش غنقول ليكم شربت منها حتا فوت عطيتها صلية كنت في أيام الاباضة ديما كنحاول نبعد علا البرودويات لي فيهم الريحة مني كنبغي نغسل هاد الشهر لا نسيت أيام الاباضة كعما عقلت عليها بقيت كنغسل بجيل ديالي عادي هاداك نيت لي فيه الريحة ومجهدة والغريييييييييب في الأمر سبحااان أله من ورى الحيض العلاقة مع راجلي والله العضيم كانت غير مرررة وحدة فقط وما عرفتش واش هادك النهار كنت في أيام الاباضة ولا لا زايد مني ساليت نضت هاديك ساعة توضيت وغسلت موالفة مكنودش ما كنغسلش ونبقى هازة رجلي لسما وما نغسل حتى لصباح هاد الشهر لي هملت كلشي وعشت حياتي عادي ودابة فعلا عاد آمنت بالفكرة ديال قوة التفكير في الحمل كتاخر الحمل شحال من وحدة كانت كتقول غير نسات فكرة الحمل وهي تحمل كنقول يمكن غير هدرة ما يمكنش ودابة فعلا تاكدت آخر كلامي غنقول من بعد ط§ظ„ظ„ظ‡ سبحانه وتعالى فعلا النسيان فكرة الحمل هي سبب حملي والله أعلم طبعا مع الدعاء ا الالحاح في الدعاء

,dud] hgsdkhvd, ktsi gglvm hgjhkdm gdr,g vfd r]vjd ,p;ljd t,r ;g anx sfphk; dh u/dl hggi hguqd dhu/dl dhuqd sfphk sdg