وليداتنا وكلام الزنقه {انا معجب بيك}

السلام عليكم اليوم بغيت نطرح عليكم هاد الموضوع للنقاش ونتمنى التفاعل معاه
انا عندي بنيته يالاه كملت 3 سنين وماكنخليهاش تخرج ولا تلعب مع ولاد الجيران باش ماتعلمش الهدره الخايبه ، ومع دلك كل مره كاتقول كلمه كانقولها شكون قالك هكدا تقولي كانو يقولوها فالروض
شي مرات كاتكون كلمه كبيره والفضيحه تقولها لباباها
اشنو خصني ندير معاها واللي عندها هاد المشكل ولا مرت بيها اشنو ادير
اه نسيت نقولكم اخر حاجه قالتها واحد نهار رجعت من الروض وبقالت جالسه وتقول انا ظ…ط¹ط¬ط¨ انا ظ…ط¹ط¬ط¨ ههههههههه ماتقتش وبقيت واقفه حتى اتاكت قاتلي واحد الولد قالي انا ظ…ط¹ط¬ط¨ بيك هههههههههه ايو اشنو بقى

---

,gd]hjkh ,;ghl hg.kri Vhkh lu[f fd;C lu]m hkh jp; k;lhg

واش متاكدة اختي هادشي فالروض ههههه والعجب هدا صافي

والله ياختي
انا اتصدمت ههههههههه

ههههههههههه وهادو فالباك شنو يقولوا ههههه
اودي زمن شحال صعاب وتغير اختي تعياي تحضي متتعرفي منين يجيك هادشي

هههههههههههههههه حبيبتي لاعليك هههههه انا علميها من الصغر قالت شي حاجة خايبة لا ابنتي هاديك راها الهضرة الخايبة حشوووومة تقوليها

انت فهميها على قد عقلها مزااااااال صغيرة قضية معجبة كاينة هههههههههه راه تيجيبو الدفاتر فيهم قلب وفيه سهم الا سولي تيقولوا ليك انا لي رسمتوا منين جابو هادشي الله اعلم

ياختي فكرتيني فولد اختي قال ليه با سيدي قال ليه نعم لاخر على نيته قاله تمشي معايا بابا مسكين قال ليه فين قال ليه ز…………..الفيل ههههههههههههههههههههههه ناري تصدم ياختي بابا

وكان مزال غير صغير سمعها في الزنقة وسجلها اولي راه تيعا متحضي والوا ياختي

يا اختي هاد الجيل مطور و عارف العجب
انا الحمد لله بنتي ما لاقياش معها هاد المشكل و تبارك الله راه عندها 6 سنين تتعرف الكلام الخايب من المزيان
و ادا سمعات شي حد قال شي كلمة تتعرفها خايبة و تتقولي ماما تيقولو les gros mots
و تتعرفو عيب ما تتنطقوش
عرفتي مؤخرا لاحضتها تترسم قلب وفيه سهم هههه سولتها شكون علمك ترسميه قالت لي صحاباتي في المدرسة
و تعجبت ههه هادشي ما عرفنا نرسموه احنا حتى للاعدادي ههههه
جيل صعيب الله اعلم اش باقي تابعنا معههم

و الله أختي معرفت منقول أنا بنتي باقا يلا عندها عام و 5 أشهر و حتى أنا تنفكر لهاد المشكل للي تيتعرض لأي عائلة ملي تيخرجو ولادهم للزنقة أو تيصلو سن التمدرس
للي نقدر نقول أننا خاصنا نوعيو وليداتنا و نفموهم إيلا كان الكلام قبيح مخاصوش يتقال(ماشي تقولي ليها غيعذبك الله فهاد السن مخاصش الترهيب من الله عزوجل و إنما التحبيب فأنه نقولو خايب غيعذبنا الله هادي شي حاجة للي نبعدو عليها فهاد السن)
مثلا كنتخايل إيلا تحطيت فموقف بحالك و قالت لي بنتي هكا غنقولها شكون قالها ليك غتقول لي واحد الولد غنقول ليها و آشنو فهمتي منها أبنتي و نشوف واش فعلا فهماتها أو لا و نشرحها ليها و نقول ليها بأنها كلمة مزيانة و لكن مخاصناش الولاد يقولوها لبنات أو لنات يقولوها لولاد و ناقش معاها حسب الأسئلة للي غتطرح و هادشي تيختلف من طفل لآخر حسب القدرة الاستيعابية ديالو
و من هنا لتما نقولو الله يهدينا و يهدي وليداتنا فحنا الكبار و أخلاقنا للي تنحددو تربية أولادنا(تنقصد بحنا ماشي الوالدين فقط و إنما المجتمع بصفة عااامة)

لا الله الا لله كحلناها على هاد لحساب انا عندي جوجات ميمتي كيف ندير معاهم ولاكين فالمغريب راه كينا شي حاجا سميتها حشومة و عيب اما لغربة حارررررررة و صعيب فيها تربيا واش اعباد لله ديرين ليهم مادة سميتها تقافة جنسية؛ باقين سغارات و هازا الهم ندعي ليل و نهار اما للغة هاديك حاجة خرى واش اعيباد لله عندها عامين و من نهار تزادت وانا ندوي معاها بالعربية مني نطقت قلت كلمة فرنسية معا العلم روسوم غير براعم لاغير و انا لي معايا ديما فالدار ديما مدواتش بلوغتي و دراري لي تتشوف مرة في السيمانة و تلعب معاهم كتشد بحال البونجا انا سطاتني هاديك نهار حطيت ليها تاكل قالت ليا تي تو زعما c est chaudيوا قلت ليها لسان مGرود و راس يابس

اختي ربي يصلح ليك بنياتك ياربي ويعينك على تربيتهم
اختي عندس ملاحظة عافاك ماتتلقيش مني
اايلا قدرتي زولي تصاور بيناتك ماشاء الله عليهم خليهم يكبروا بالسترة ربي يحفظهم راه العين حق والوليدات دغيا تاتشد فيهم العين

الله يحفضهم ليك