ولدي عندو عام متياكل واااالو

السلام عليكم ورحمة الله وبركاته
أخواتي الله يخليكم معرفت مندير ظˆظ„ط¯ظٹ ط¹ظ†ط¯ظˆ عام و ظ…طھظٹط§ظƒظ„ ولو غير الرضاعة الطبيعية ليلا و نهارا تقهرت بالرضاعة الليل و في نفس الوقت مقدرتش نحيدها ليه تنقول فيه جوع
وزنه طبيعي غير بغيت نقص الرضاعة الليل حيث تعباتني بزاااف متنعسش
كان عزيز عليه الخضر خاصة ديال الطاجين و الكسكس دابا والو لا روز لا حسوة لا دانون لا …..إلا كلا ميفوتش 2 معالق و غير مرة في النهار كامل

---

,g]d uk], uhl ljdh;g ,hhhhg,

ولدي كان نفس الشىء متياكل وآآآآآآالو من غير البزولة نهار وليل
المشكل انا ولدي كان ناقص فالوزن ومني دار عام و 3 اشهر الطبيبة
اكدات عليا باش نفطمو واخا مكنتش باغا وغي فطمتو و ولا ياكل الصوبة
الروز اللي عطيتها ليه الحمد لله

اختي رضاعة عطيه ليه غير صباح فقط وخليه اكون فيه جوع مزيان باش اياكل ليك ماشي كل ساعة تعطيه الحليب كفاش غياكل انا هكدا قالي طبيب انا كنعطيع الحليب 2 مرات فالصباح و اليل كيتعشا ونعطيه الحليب واش كيفيق ليك باليل عرفتي علاش حيت مكيتعشاش داكشي علاش كيكون فيه جوع باليل

اختي عائشة الحمد لله للي ولا ولدك تياكل غير انا يبقى فيا حيث فيا الحليب كثير تبارك الله
أختي أم الياس بارك الله فيك و لكن الحبيبة البزولة ماشي بحال الحليب الصيدلية أو العبار رآه مفيدة 2 مرات في النهار رآه مكفياش انا تنحاول نخليه بالجوع و لكن تيرفض يأكل تيبقى يبكي

السﻻم عليكم أختي إلى كان تياكل من قبل راه يقدر يكون تينوض السنان

أختي مريت من نفس التجربة فالولد ومني مشيت للأطباء وبحثث لقيت الخطأ مني للأسف وصححت خطأي فالبنت ولله الحمد حاليا كتاكل كل شئ
أولا ركزي معي غتبداي له بين كل رضاعة والأخرى أكلة صوبة ولو معلقة أو اثنين غتصبري شوية المهم حاسة ذوقو تعرف أنه مكينش غير مذاق الحليب ديالك اللي فيه ريحتك اللي كيموت عليها هههههه ويلصقك حتى تولي تضربي بالحجر ههههه وخصك غير معمن ههههه فهمتني وخاصة إلى مكنتيش كتاكلي مزيان أقصد تغذية سليمة فيها الخضر الفواكه السردين كليه حتى يوميا لايضر الثمر يوميا الشريحة حسا ء الشعير جسمك كيفقد الفيتامينات والمعادن ويقدر يجيك فقر الدم ومع السهر كتولي عصبية
نرجعوا لمولاي السلطان بداي بنصف بنانة وانت كتمعسيها كلي الباقي بينما ساليتي
عطيها حاولي معاه ولو ملعقة حتى يولف ممنوع ترضعيه ولو يبكي مسألة تربية وتدريب
خصو في هذا السن يعرف كل أنواع الأكل تفكرت بنت أخي قلت لبنتي عطيها الحامض علمتها ذوقه تصوري كتاكلو بلا متخسر وجهها هههه لماذا لأنها تعرفت عليه منذ الصغر الطفل حنا اللي كنبرمجوا له حاسة الذوق وإلا سيعذبك ولو يكبر
إذن صبري شوية فالليل عشيه معكم حتى يشبع يهضم نظفيه كالعادة ومني تحطيه فالفراش رضعيه كوني على يقين غيوصل الوقت يتململ يبكي متديهاش فيه يومين ثلاثة أو حتى أسبوع وهانتي تهنيتي فالغرب كيقول لك خصو يبكي عشر دق عاد شوفي مالو

عليك اختى بالصبر وكرري تؤكيله حتى يستطعم مداق ويتعلم معنى الاكل حاولي ولا تيؤسي

بارك الله فيكن أخواتي ها أنا ذا بدأت نطبق النصائح ليوم و الحمد لله كلا شوية دابا باقي لي غير الليل لأنه ولدي نفسه طويل ايلا مبغيتش نرضعو في الليل ممكن يستمر في البكاء على الأقل ساعة بدون توقف نزل يسكت ميفوتش ربع ساعة و يعيد الكرة بكاء لمدة ساعة أو أكثر هذا ما جعلني لا استمر حتى يعتاد لاني تعبت
و لكن سأحاول إن شاء الله
جزاكم الله خيرا و الله يحفظ ليكم وليداتكم