وصفة ديال بسطيلة ديال الحوت

السلام عليكم ورحمة الله وبركاته

انيقات المغرب مرحبا بيكم عندي… غادي نوجد ليكم اليوم واحد البسطيلة ديال السمك ولكن بطريقتي الخاصة.

انا كندير فيها حتى بعض الخضر ماشي غير السمك بوحدو وراه الخضر ماكتبانش ولكن كتعطي ذوق زوين.

ماغديش نعطيكم المقادير ولكن غنقوليكم طريقة التحضير مباشرة لبسطيلة ديال 10 اشخاص.

بسم الله نبداو

نعمل كيلو ونص سمك ابيض في الكسكاس باش يفور ونزول ليه الشوك ونحطو جانبا.

نعمل نصف كيلو كلمار يتصلق 10دقايق

ونصف كيلو قمرون يتسلق 5 دقايق

نوجد دابا شرمولة ديالي

نقطع قبطة كبيرة معدنوس وقزبر رقيقة او ندوزها في مولينيكس.. نضيف 5 فصوص ثومة مهروسين ملح ابزار كمون تحميرة وتوابل البسطيلة راه كيتباعو جاهزين عند العطار ونضيف الهريسة على حسب الذوق وعصير 2 حامضات و3 ملاعق كبار صوص صوجا ونمزج الكل .

ناخذ 3 جزرات متوسطين ونحكهم طوال (جيليان)
و2 كورجيطات اي كرعة خضرا ونحكهم حتى هما طوال

ناخذ مقلاة ندير ملعقة كبيرة زبدة ونشحر الجزر والقرعة 5 دقايق ونضيف ليهم ملعقة كبيرة من الشرمولة ونشحرهم مزيان حتى نشوفهم ذبالو ونحطهم على جنب.

ناخذ السمك بنفس الطريقة نشحرو شوية مع الشمولة.

نفس الطريقة لـ 2 فلفلات

ونفس الطريقة لعلبة فطر .

ناخذ 3 بكيات صغار شعرية صينية ونصب عليها ماء مغلي ونخليها 2 دقائق نصفيها ونغسلها مزيان بالماء البارد ونقطعها بالمقص ونضيف ليها 3 معالق شرمولة ونمزجها مزيان.

ناخذ قصعة كبيرة نوضع الشعرية وباقي المقادير كلها ونضيف ليهم الزيتون مقطع ونمزج الكل بشوية حتى يتخلط كلشي

ولما نوضع المقادير في الورقة ندير شوية الفرماج احمر محكوك وفوق الورقة ايضا باش يتحمر

والتزيين حسب الذوق

بالصحة والراحة

السلام عليكم و رحمة الله و بركاته

بطلب من و لدي و لانها من الاكلات المفضلة عندو و جدت اليوم بسطيلة سمك

دخلو معايا المطبخي المتواضع ووجدوها معايا هههه

المقاديــــــــــــــــر :

* نصف كيلو ورقة البسطيلة

*كيلو سمك ابيض (خديت المرلان)

* كيلو الا ربع الكلمار

* كيلو الا ربع الكرو فيط

بصلة م شلضة و محمرة في القليل من الزيت .

*القزبر مقطع *كيس من الشعرية الصينية وضعيه في الماءساخن حتى يرطاب

و سقطريه و قطعيه .

*حامض معصر *حامضة مرقد مقطع * القليل من صلصة الصو جا

*ملح * ابزار * تحميرة * كمون * تقريبا 2 ملاعق كبار مطيشة الحك * ثوم محكوك

* الزبدة

* الجبن

الطريـــــــــــــــــــــــــقة : خديت الكلمار درتو في قليل ماء و التحميرة

ورق مو سى و الملح و الابزار و قليل زيت و خليتو حتى تسلق

خليتو يستقطر .

* درت الميرلا ن تبخر

* قشرت القمرون

في مقلاة كبيرة حطيت السمك و زدت الشعرية الصينية و الثوم

و القزبر و البصلو الزيتون مقطع و الحامض مصير

في اناء خلطت صلصة الصو جا مع عصير الحامض و مطيشة الحك و درت العطرية

و خويت فوق خليط السمك

زدت الزبدة و خليت الكل يتشحر فو قالنار

خديت طبق الفرن مدهون زبدة و صففت و ريقات البسطيلة و درت

قطع من الجبن و غطيت بورقة بسطيلة مع الدهنةبالزبدة

و خديت على جنب وريقا بسطيلة قطعتهوم ووضعتهم في البيض وحطيتهم

فوق البسطيلة و دهنت مرة اخرى بالزبدة و دخلتها للفرن

بالصحة و الراحة

ايوة باسم الله

28/12/2019

هاد البسطيله هده شي يومين جات رووووووووعه وبغيت كيفما كتفيدوني نفيدكم ونتمنى تجربوها وتردو عليا الخباااااااار

يالا باسم الله نبداو المقادير

المقادير :

– ورقة البسطيلة او فيلو دوف للي عايش بره المغرب بحالي

– الحوت انا درت .: اي حوت ابيض – الكروفيط – الكلمار ( قليتهم في شو ية الزبدة )

– شعرية الصينية (خويت عليها الماء سخون و سقطرتها )

– الحامض معصر – الحامض مصير – زيتون مقطع – الثوم مدقوق

– صوص صوجا غير شويا- – القزبر مقطع -الفرماج محكوك

– العطريك : ملح – ابزار – التحميرة – الكمون – الهريسة( ختيارية )

الطريقه

كتوجدي كل حاجه بوحدها ومن بعد كتخلطي كلشي وتخليه يبرد…وقبل ما تسددي الورقه حكي الفرماج و ندهنوا بالزبدة ثم اصفر البيض و دخلوها الفران تتحمر شي 20 دقيقه

وملي تخرجيها حكي عليها الفرماج تاني وزوقيها كيفما بغيتي

وانا صورت الخطواات كلها

وهده النتيجه

وهاد الطريف لاول واحده ترد

بالصحة و الراحة

جاتني الفكرة و قلت نطبقها بهاداك شي لي كان متوفر عندي

المقادير لي استعملت

بصل مفروم ثوم مفروم فطر طري مقطع صغيرا كروفيت قطع ميرلان فطر أسود مرطب فماء مغلي شعرية صينية مرطبة فماء مغلي صلصة الصوجا عصير نصف حامضة زيتون مقطع حامض مصير مقطع جبن موتزريلا مفروم ملح إبزار خرقوم كمون مركز طماطم زيت زيتون زبدة أصفر بيض بالنسبة للمخللات أنا اخترت مخلل سكين جبير ما عرفتش واش متوفر فالمغرب يمكن تعويضه بالكورنيشون، لوز و كاجو محمرين و مهروشين هم لي كانوا متوفرين عندي فكرة المكسرات طبعا ديال مشرفتي المتألقة السيدة أمنار الله ينولها لي فبالها

زدت مخلل سكين جبير

والمكسرات

وقطع الميرلان بعدما ملحتها ومررتها فالطحين و البيض و قليتها


مذاق السمك مقلي فالبسطيلة تيجي ألذ، أنا تنقليه فزيت زيتون من نوع خاص مافيهاش أي رائحة،هي لي تنستعملها بدل الزيت الرومية و بدل الزبدة فبعض الوصفات لدرجة أنني تنستعملها حتى فالتخلاط ديال سلو و فالحلويات لأنني ماتندخلش نهائيا الزيت الرومية لظروف صحية ها هي ذي صورتها

إيلا لقيتوها تتباع عندكم جربوها راه حتى الثمن ديالها أرخص من زيت الزيتون العادية ديال الأكل و زدت الجبن مفروم و خلطت الحشوة و خليتها جانبا حتى حضرت الورقة

و بدأت التجربة:

حطيت الحشوة على شكل مثلث، غلفتو بالورقة الأولى

ثم عاودت جمعتو بالورقة الثانية، و حاولت نعطيه شكل مثلث ذو زاوية حادة، دهنت صينية الفرن جيدا بزيت الزيتون و ووضعت فطرفها المثلث الطوية للتحت و حاولت نميلو شوية من جهة الزاوية الحادة

عملت أربع مثلثات أخرى بنفس الطريقة، و بسيطلة صغيرة عادية وضعتها فالوسط باش عطاوني شكل نجمة البحر,و دهنت الملاقيات كلهم بأصفر البيض,و خلطت ما تبقى من أصفر البيض مع ما تبقى من خليط الزيت و الزبدة و دهنت به النجمة كلها

ثم دوزت شوية الورقة فآلة سباكيتي ثم قطعتها رقيقة بالمقص يعني حبيبات رشيت بهم النجمة كلها و حاولت نضغط شوية بيدي ودخلتها لفرن 170 درجة حتى تحمرت على خاطرها, و لما خرجتها اكتشفت أنها تطرطقات شوية من بعض الأماكن

تنظن الحشوة كانت كثيرة, يعني كان من المفروض نقلل شوية من الحشوة و نزيد ورقة ثالثة فاللف، و مانزيرهاش بزاف نخلي للجبن فين يسيح

المهم, قلبتها فصينية أخرى، ثم عاودت قلبتها فطبق التقديم، كان ممكن نتفادى هاد العملية لو كان عندي طبق تقديم تيدخل للفرن، كاين و لكن صغير ماتساعلهاش
رشيت عليها الجبن و زينتها باش نستر ما ستر الله ههههه
و قدمتها لراجلي وولدي آدم لي كان مبرزطني مني كنت تنصاوب فيها و شاف الشكل ديالها و هو تيقول لي ماما بغيت ناكل توينكل توينكل ليتل ستار و تيكملي الأغنية كلها ههههه

ملاحظة: الجميل فهاد البسطيلة من غير الشكل و المذاق هو سهولة تقسيمها: ما تتحتاجش تقطع و تفتت راكم تتعرفوا هداك المنظر، الأطراف تيتسحبوا بسهولة لأنهم ملاقيين غير بأصفر البيض، و أيضا يمكن عمل أطراف أكثر على حسب عدد الأفراد

لا تنسوني و أهل بيتي من صالح دعائكم بصلاح الدين و الدنيا و الآخرة

21 أبريل 2024

كيف ما واعدتكم أخواتي أنني نجيب ليكم طريقتي لطهي البسطيلة باش ما تهرسش وأنا كنزلها

وكيف ما قلت لأختنا الي عطاتنا فكرة أننا نطيبوها في طبسيل الطاووس الله يجازيها كل خير ولكن انا خفت على طبيسيلي الوحيد لا يتهرس هههههههه

أنا متؤكدة أن كل الأخوات الأنيقات كيعرفوا يصوبوا بسطيلة ديال السمك وممكن بعض الأخوات يكونوا محتاجين المقادير

نبدى على بركة الله

المقادير :

بصلة
ثوم
كيتشوب
صوص الصوجا
ماجي
بيضة
زيت
زبدة
ملح
فلفل اسود
كمون
قزبر ناشف مطحون
قزبرة + بقدونس
سمك
شعرية صينية vermicelle

الطريقة :

في طنجرة عملت الزيت مع الزبدة وبصلة مشلظة حتى لونها يتغير عاد نزيد عليها الثوم ومن بعد شوي الماء والكيتشوب وصوص الصوجا والسمك والشعرية بعد ما عملتها في الماء مغلي وقطعتها وفي الاخير قزبرة وبقدونس بلا ما يطيبوا يعني بعد ما نكون طفيت على الخليط

هذه هي طريقتي كنعملها فوق حديدة البيتزا لأنها ما عندهاش الجناب وكتجي ساهلة باش نزلها في طبق

نخليكم مع الصور

اللهم أدمها نعمة واحفظها من الزوال