السلام عليكم ورحمة ط§ظ„ظ„ظ‡ وبركاته
كيف المواضيع السابقة لي ستافدنا فيها من بعضنا
و خذينا افكار و من صالوناتكم و بيوت الڭلوس و الكوزينات…
للي الجميلات مبخلوش علينا بيها
و شاركونا و ضايفونا فديورهم
اليوم كنقتارح عليكم فكرة اننا نسافدو من اذواق بعضنا البعض
فالماعن كذلك علاش اللا?!
خصوصا اننا كسيدات كتكون عندنا نوعا ما
هواية ديال تجميع الميعنات و تنسيقها
و كنبغيو نشوفو كل جديد و جميل فهاذ المجال
لانو ايضا كيدخل فتاويل و الاناقة و حسن الضيافة
ديال كل سيدة
فاشنو رايكم بالفكرة
لو عجباتك بسم ط§ظ„ظ„ظ‡ نبداو
حبيت ظ†ط¨ط¯ط§ ظ„ظٹظƒظ… لكن حتى نشوف رايكم فالموضوع اولا
باش منتحاشمش معاكم ههههه
لذلك غادي نحط بعض الاوني
مع المعلومات باش توضح الفكرة اكثر
و نتمنى متبخلوش عليا و على الكل
بلي جاد عليكم بيه الجواد
من اواني و معلومات كتساعد فالشراء
و التنظيف و الحفظ و التقديم
و غيرها من اشياء ممكن تساعد كل اخت
…
في انتظار تفاعلكم الحبيبات
تقبلن مني اعطر تحية
اختكن أمنار
أم ريان
,vd,kh ldukhj;l hgy.hghj hkh kf]h gd;l hk ahx hggi hgn rfgj, ugn r[hrgd g]u,hj;l hld
اولا جاتني الفكرة لسبب بسيط
هو اني بديت من اول و جديد كنشري الميعنات
حيت بعد الرحيل خمس مرات على مر 5 سنين
مبقات حتي شي شقفة كتشبه ختها هههه
كلشي تهرس و تدڭدڭ
الا ما رحم ربي
المهم نبدا ليكم بهاد السربيس ديال القهوة و الحليب
سامبل و بسيط
كلو بورسولين و خديتو بالقطع
يعني مخذيتوش طالع
بريق ديال القهوة و اخر ديال الحليب
و سكرية و حاوية الحليب او الحليب المركز
و حاوية النيسكافيه حبوب او الشكلاطة البودرة
و 12 فنجان قهوة
و 12 ماڭ قهوة و حليب
و هكا كيجي فالحطة
الثمن ابتداء ا من 5 دراهم للفناجين و ايضا للماڭ
و لسكرية و الحاويات ديال الحليب و غيرها
و 30 درهم لابريق الصغري
و 50 درهم للابريق الكبير
يعني ديرو الحساب و شوفو بشحال طلع لي الكل
جاني كادو فالولادة ديال ريان
من اخت و صديقة عزيزة على قلبي
12 كاس و براد
و الصينية ديالهم
لي عودة ان شاء الله
ويكون الموضوع مرجع لتقنيات الشراء …
الهدف من الموضوع
ماشي هو اننا نتفاخرو او ندفعو كبير على بعضنا
حتي حد معندو كلشي واخا يشري للي شرى
هههه
الهدف من الوضوع
هو اننا نستافدو من خبرات بعضنا البعض
فالشراء و النتسيق
و التقديم و الاختيار
و ايضا فتنظيف و ترتيب الميعنات ديالنا
للي عزاز علينا
حيت حنا كنساء فصغرنا كانو عزاز علينا المونيكات
او ملي كنكبرو كنوليو مضروبات على الماعن
و تجهيز الكوزينة
فكل وحدة تشاركنا بللي جاد عليها بيه الله
و متقولش انا معنديش
ولو نصيحة راها تفيد و تكفي و توفي
انا هنا غير نبركك و صافي هذا جهدي عليكن هههه
😀 😀
الجودة ديال لواني الفضة كتعلق بجودة التشلال
و الطبقات ديال التشلال
باشما كانت كثيرة و صافية
و باشما كانت النقوش متقونة
كان التمن اكثر
مثلا كيسان اتاي للي عملاتلي صديقتي كادو
فيهم شريط فضي مرصع
و فالحافة كاين شريط لامع
دابا دوزو عندي 4 سنين تقريبا
عمرهم متقشرو او تمسح ليهم الزواق للي فيهم
مع تكرار الغسيل
يعني ملي تبغي تشري حرصي على الجودة
و عنداك التقليد
لان كل موديل كتلقاي فيه التقليد
اما البراد و الصينية فهما فضة
كيبغيو ملي تكمي منهم تحافظي عليهم
الصينية عمري مغسلتها كنمسحها فقط
و باقي كيف النهار الاول
اما البراد فمكنديروش فوق العافية ابدا
و حتى هو باقي لامع و فلونو الفضي
ملي كنعبغي نقدمو كنعمر اتاي فبراد عادي
و نكبو فيه و نقدموفالحين باش يبقى سخووووون
و بالنسبة للغسل كنغسلو عادي
اما بصابون اللواني او كندوز عليه مسحة
ببودرة التنضيف للي كنت وضعت فهاد المواضيع
و هي صالحة لكل المعادن و السيراميك …
طريقتي في تنظيف الكويزينيير بدون ماء بالصور
الطريقتي لتنظيف ليفيي او المغسلة ديال الماعن
و كنشفو فالحين و نديرو فالبوشيط ديالو
و هي عبارةعن جوا من القطن
ممكن تصنعيه بنفسك
باش نحافظ عليه لان الفضة كتاكسد
فكيخص تهلاي فيها
و هاهيا الصورة للتوضيح
و نفس شي للصينة كنمسحها مزيان
ونلويها فثوب قطني ثم فميكة
ونطرفها فالبلاكار
طولت عليكم
لكن غير مدام ذكرنا الفضة
نذكرو طريقة الاحتفاظ و الاعتناء بيها
خديتها بالديتاي يعني كل مرة كنخرج
و كتبان لي شي قطعة كناخذها
و لأنها بيضاء فمكيكونش مشكل التناسق
فوق الطبلة و قت التقديم
الثمن ديال القطع بين 3 و 5 و 10 دراهم
و اغلب الموديلات كناخذ فيها اما 3 او 6 او 9 قطعة
هادو لتقديم الصوص بانواعها و باحجام متنوعة
هادو طبيسلات صغار للتقديم
كل مجموعة من 6 قطع
باشكال مختلفة و دائما الابيض
كنقدم فيهم حاجات متنوعة بحال البتيبان و اشنيك
و الكرواصة و الخبيزات و ايضا الشلايض و الحلوة المكسرات…
و ايضا الثمن بين 5 دراهم و 6 دراهم للقطعة
من الكيك و الشلايض و المعجنات و المورقات
و الاطباق الفردية…
حتى هما كناخذ فيهم اما 4 او 6 قطع
و الثمن بين 10 و 25 درهم للقطعة
حسب النوع
و حسب واش قابلة لدخول الفرن و الفريزر و اميكرو اوند او لا
و هادشي كتلقاوه وراء الصحن
كيكون مكتوب او مرسوم فيه
و احسن شي تاخذو للي كيكون فيها
انه مثلا الى جايين عندك الضياف
ممكن تستفي كلشي فالطبيسلات
و تغطيه او الدخليه لثلاجة
و حين التقديم تدخليه لفرن مباشرة بطبسيلو
حتى يسخن و تقدميه
اختصارا للوقت و المجهود
هذا كبيييير
كيهز حوتة كبيييرة او 2 دجاجات كبار
طبعا ديال الفران
خديتو ب 55 درهم
هادو للبيض او التوابل
و تقدمو فيهم للي بغيتو
نتوما و ابتكاركم
الوردة ب 5 دراهم
و دوك ديال الكامون و الملح ب 2 دراهم
هذا كنخدمو بعدة طرق مجموع او مفرق
للمكسرات والقريشلات او مقبلات او للصوصات ( كيتشاب،ميونيز، موتارد، صوجا…)
او لتقديم المعجنات
كنت خديتو ب 15 درهم
هاد الطبيسلات الغورق المربعين و المدورين كنظن خديتهم ب 3 او 5 دراهم
و ممكن استخدامهم بعدة اشكال
يعني غير بتغيير الطبسيل للي كيتوضع تحتهم كتغيري الشكل و كتنوعي