ورقه البسطيله

لله يخازيكم بغيت نصايب بريوات و بسطيلات صغار و ظˆط±ظ‚ظ‡ الي كات تباع هنا قاسحاو كا تهرس دغيا و بغيت نصايبها في دار و مل عرفت كيفاش الي كات تعرف تقول ليا كيفاش و عندي مشكيل تاني هو ملي كان نستف بريوات في بواطا كي لصقو ليا علا بعضباتهم و ملي كان نبغي نهزهم كي خسرو ليا الي عندها شي طاريقا تنفعني بيها

---

,vri hgfs’dgi

السلام عليكم بحالي بحالك كنقلب على ورقة بسطيلة آلله يجيب شي حادكة تعتقنا ههههه

غادي نعطيكم مقادير ورقة البسطيلة
ولكن دعيو معايا دعوة الخير في هدا الشهر العظيم
كاس الماء نفسه قياسه كاس الدقيق شويش الملح خلطيهم في الطحان الكهربائي
خودي مقلى طفال حطيها فوق كاسونة فيها الماء غليان
غودي الشيتة بحال هاديك اللي تايصبغو بها وغطسيها في الخليط وبداي تسبغي المقلى
كبداية غادي تخسري الاولى والتانية وحتى التالتو ولكن ماعليش اللي ماجيين غادي اكون احسن لانك دربتي عليها
كانعملها في الدار وتاطلع حسن من ديال الزنقة
بالنسبة للبريوات الى عمرتيهم دهنيهم و طيبيهم نصف طيبة ماتحمريهمش عاد حطيهم في الفريكو الوقت اللي تبغي تخرجيهم تلقايهم محلولين على بعضهم

الله يصلح ليك الوليدات و يجعلهم من الصالحين،
شكرا أختي على المقادير، والطريقة ،جزاك الله خيرا
نفس الطريقة اللي كنعمل ،لكن ما كتخرج بحال ديال برا، ما عرفتش علاش؟
يمكن حينت كنعمل المقلة منها البوطة، نجرب إن شاء الله الطريقة ديال الما،
دمتي بود

بالنسبة لتصاويب الورقة نفس الطريقة اللي قالت ليك عليها الأخت ابنة فاطمة
بالنسبة للتجميد جربي أنك في الأول تحطيهم فشي بلاطو مباعدين كل وحدة بحدها حتى يجمدو عاد جمعيهم فبواطا

امين يارب
واصلح وليدات وليدات الامة المسلمة جميعا
ماتبقايش ديريها فوق البوطة مباشرة غادي تقرمش لك
لا جربي طريقة البخار راه غير تهزيها تولي رطبة وسهلة الاستعمال

بارك الله فيك حبيبتي

أختي بالنسبة للورقة .عن تجربتي الشخصية كندير طحين فورص وشوية الملح ونخلطها بالماءالدافيء في الخلاط الكهربائي ومباشرة طيبها في مقلاة ماكتلصكش دهني المقلاة بالشيتة راها كطيب في ساع وماتنسايش دهني الورقة بالزيت باش ما يتلاسقوش مع بعضهم .وبالنسبة للبريوات ستفيهم فوق شي بلاطو وديريهم يتجمدو ومن بعد جمعيهم في بواطة . واي سؤال انا رهن الاشارة.

ههههههههه راني دخلت انا الاولى لموضوعك ودرت الرد ولوقت اللي بغيت ندير الرد السريع فاق لي ولدي وتلهيت معاه ولكن الاخت ابنة فاطمة قامت بالواجب وما بخلاتش الله يجازها بخير الدارين نفس طريقتي .نتمنى ان شاء الله توفقي في التطبيق

شكرا اخواتاتي ربي يعطيكم ما نويتو في خاطركم و يسهل عليكم و يبعد عليك كل ادا عتقتوني بيها ولله كنت كان نفكر كيفاش ندير ليها و حتا طريقا الي قلتو ليا غزاله ختكم مكلخا ما كان نفكر ههههههه لله يعطيكم صحه