ورشه تقاشر تريكو باستخدام الابر المفتوحة الطرفين

الجزء رقم 1
علي واحده من ط§ظ„ط§ط¨ط± ط§ظ„ظ…ظپطھظˆط­ط© حتكوني عدد 44 غرزة ماشي وبعد كده اول غرزة عملتيها ( اخر غرزة علي البرة يعني ) بتبدأي من ناحيتها وتنقلي علي ابرة تانية 11 غرزة تنقليهم كأنك بتشتغلي مقلوب عشان الغرز متتقلبش معاكي وبعدين تنقلي 11 تانيين علي ابرة تالته و11 كمان علي ابرة رابعة
يبقي كده ال 44 اتوزعوا علي اربع ابر حنحط علامة ولتكن لفة خيط معقوده من لون مختلف علي اخر السطر اللي بعد كده حنقول عليه لفة لانها هي اللي حتعرفنا بداية اللفة فين حلو الكلام

والفيديو هدا لتوضيح الطريقة

https://www.youtube.com/watch?v=WEXlH…layer_embedded

لعمل الكعب حنحتاج 22 غرزة حنشتغل اول 11 غرزة من الابرة الاولي و نسقط الغرز تبع الموجودة علي الابرة الرابعة في اخر الابرة فكده بقي عندي ال 22 غرزة
ال 22 غرزة الباقين ننقله علي حامل او نجمعم في ابرة واحده وخلاص ودول للقدم مع الكعب

نبدأ في شغل الكعب طبعا حنستخدم ابرتين بس
السطر الاول ضهر العمل
* انقلي غرزة بدون شغل – واحده مقلوب * كرريها لاخر السطر
واكيد اسقاط الغرزة حيكون كأنك بتشتغليها مقلوب

السطر الثاني
انقلي غرزة بدون شغل – كملي لبقيه السطر عدل
واسقاط الغرزة كأنك بتشتغليها عدل هنا

نكرر السطرين دول 11 مرة
دول لغاية ما طول الجزء ده يوصل الي 2.5 بوصة يعني حوالي 6.5 سم

لعمل دوران الكعب
احنا معانا 22 غرزة حننتهي في الجزء اللي فات علي وجه العمل ونبدأ الشغل علي ضهر العمل

السطر الاول ضهر العمل
ننقل واحده بدون شغل – 13 مقلوب – 2 معا مقلوب – نسيب بقية الغرز بدون شغل ونلف الابرة

السطر الثاني
ننقل واحده بدون شغل – 6 عدل – skp- نترك باقي الغرز بدون شغل ونلف الابرة

السطر الثالث
ننقل غرزة بدون شغل – 6 مقلوب – 2 مقلوب معا – نترك بقية الغرز بدون شغل ونلف الابرة
حنكرر السطور 2 و 3 فقط حتي يتبقي عندنا 8 غرز فقط

https://www.youtube.com/watch?v=tVRtS…layer_embedded

الجزء الثالث
عندنا 8 غرز علي الابرة بعد انهاء دوران الكعب و 22 غرزة علي الحامل

علي الابرة (1) اللي عليها 8 غرز نلقط من الجانب الايسر للكعب 12 غرزة
علي ابرة اخري (2) نشتغل 11 غرزة عدل من الحامل
علي ابرة تالته (3) نشتغل ال11 غرزة الباقيه علي الحامل عدل
علي ابرة رابعة (4) نلقط 12 غرزة من الجانب اليمين من الكعب ونشتغل 4 غرز عدل من الابرة رقم 1

كده بقي العدد 54 غرزة كله
ابرة 1 عليها 16 غرزة
ابرة 2 عليها 11 غرزة
ابرة 3 عليها 11 غرزة
ابرة 4 عليها 16 غرزة

كده الاربع ابر اتملوا بالغرز ونبدأ بالابرة الخامسة
اللفة الاولي كلها عدل
اللفة التانية
ابرة 1 اشتغلي عدل حتي اخر 3 غرز – 2 عدل معا – 1 عدل
ابرة 2 و 3 اشتغليهم عدل
ابرة 4 1 عدل – skp- عدل لاخر الابرة
نكرر اللفتين اربع مرات يبقي كده نقصنا 10 غرز ورجعنا ل 44 غرزة تاني
حنشتغل اللفات كلها عدل
حتي يصل طول القدم الي حوالي 8 بوصه (20.5 سم ) من خلف الكعب

او اننا نقيس من خلف الكعب الي الاصابع ونحسب الطول بتاعها وننقص منه 4.5 سم لتشكيل مكان الصوابع
بعد كده حنبدأ في تشكيل الجزء الرابع

بعد ما وصلنا للطول المحدد اللفة الاولي بعده
ابرة 1 اشتغلي عدل حتي اخر 3 غرز – 2 عدل معا – 1 عدل
ابرة 2 1عدل – skp – عدل لاخر الابرة
ابرة 3 اشتغلي عدل حتي اخر 3 غرز – 2 عدل معا –1عدل
ابرة 4 1عدل – skp – عدل حتي اخر الابرة

اللفة التانية
اشتغليها كلها عدل
حنكرر اللفتين اللي فاتوا دول 4 مرات تاني وبكده يوصل عدد الغرز 24 غرزة
حنخليهم علي ابرتين بحيث ننقل الغرز وكل ابرة يبقي عليها 12 غرزة ونخيط الجانبين بطريقة ال kitchener

ودا فيديو يوضح طريقة الkitchener

https://www.youtube.com/watch?v=3ZTxe…layer_embedded

و هذه صور من موقع الجوارب: