واقيلا فيا القمل

السلام عليكم اخواتي لبارح كنت كنمشط شعري ولفت انتباهي حشرة صغيرة تخلعت قلت ياكما ط§ظ„ظ‚ظ…ظ„ هدا جاني شي وسواس النهار كولو وانا كنحك شعري مع العلم ان كنمشط شعري باستمرار وكنغسلو مرة فسيمانا دابا عافاكوم للي عندها شي وصفة كتحارب لقمل وكتقوي الشعر حيت عندي ضعيف تعطيها ليا لايعطيها ما تمنات

---

,hrdgh tdh hgrlg hgrll

اختي سيري خودي من الصيدلية بومادا اسمها فيرموجال راه كاين حتى الشمبوان ديالها وديريها في شعرك شي ثلاث او اربع ساعات وغسليه بلاما تقيسي عينيك مشطي شعرك للوراء راه كتحيد القمل والحشرات وكتقوي الشعر راه الناس كياخدوها لتقوية الشعر واخا ما فيهومش القمل اسمها بالفرنسية vermogal ثمنها رخيص

diri vermogal. okhodi mn 3nd l3tar hb ras okhltih m3a zit rah kayhiyd l9ml okay9wi ch3r

سلام اختي ديري زيت القطران الاصلي الي كيكون مصور في القرعة ديالو القطران و سدي راسك بميكة و كلسي واحد 2 ساعات و غسلي شعرك بشامبوان ديال القطران و نتي عدشوفي كيف غيطيحو كلهوم ميتين انا كنقولاك هاد الشي بالتجربة و راه كيقوي حتى الشعر جربيه و ردي علي الخبار

السلام عليكم و رحمة الله
لقيتيني عاد حطيت الاجابة ديالي لواحد الأخت بخصوص القمل ونزيدك أختي راه القمل ما كيعزل شعر لانقي و لا مصخ راه كيكون فجميع الطبقات الاجتماعية الله لايسلطو على شي حد
المهم هادي اجابتي
أنا أختي عاد تهنيت منو الحمد لله بعد معانات و صراع طويييييييييييل معاه كان فبناتي بزوج جابتو لي بنتي الكبيرة الي عمرها أربع سنين و عادات ختها الصغيرة الي عندها عام
ما خليت ما جربت كنت كنقيل في النت و نقلب على الله نلقى شي حل جربت فيرموغال و واحد سبراي سميتو بارابو و والو حتى قريت فالنت واحد الطريقة جربتها و جاب الله التسير
نخليك مع الطريقة
غادي دهني الشعر بالخل و تخليه مدة 30دقيقة من بعد عاودي دهني بزيت العود مدة 30دقيقة اخرى ثم جيبي مشطة القرن الي كانو كيستعملو جدواتنا زمان و لوي عليها الخيط من اللور و من القدام و بداي تمشطي الشعر فجميع الاتجاهات و بقاي تبدلي الخيط مرة مرة وغادي تفاجئي بالنتيجة راه حتي داك القمل الصغير اللي يلاه فقص تيلصق فالخيط و الصيبان تيزلق مع الزيت منين يبقا يخرج ليك الخيط نقي صافي غسلي الشعر مزيان من زوج حتى لتلاتة المرات بالشامبوان
أنا من المرة الاولى بانت النتيجة و رتاحيت الحمد لله
ملاحظة الصيبان ما تيحيدش كلو من المرة الاولى يعني ولابد تعاودي العملية مرة اخرى من بعد ست ايام مثلا انا دابا تنعاودها لبنتي مرة ف15يوم باش الاكانت شي حاجة تحيد قبل ماينتاشر عاوتاني
و هادي كانت تجربتي و كنتمنى نكون فدتك و الله يجيب التسير

Okhti asmaaaa. kifach lawiti alkhayat 3la almachta mafhamatach rah algmal ntachar moakharan

الطريقة هي تمرير الخيط بين أسنان المشط مثلا بين كل 6سنات نمرر الخيط مرة من اللور مرة من القدام و من الأحسن يكون خيط فاللون الأبيض باش تشوفي القمل مزيان