واش ضروري القفطان في جهاز العروس؟ افيدوني

السلام عليكم
البنات جابلي راجلي ثوب ساري زوين بزاف عامر بالموف وثوب تكشيطة ازرق بالدهبي حتى هو واعر وتكشيطة بيضا كان جابها واجدة فالخطوبة وهاد الاثواب دفعتهم للخياط يعني المجموع 3 تكاشط ( البيضا+الموف+الزرقة ) وباقيين جايني اثواب من فرنسا المشكل هو الخياطة حتى هي بحقها وكتنقام غالية يعني هاد جوج راهم تقامو بشوي وشويات هههههههه وقات بلا منزيد قفاطن حيت انا معمرني لبستهم ومايعجبونيش فاللبسة وكيقولي واحد الراس بلا منضييع الفلوس عاد فيهم ودوك الثواب لي يجيوني من فرنسا ناخد هم كادوات لحماتي ولوستي شنو بانلكم
مشي عيب الى مدرتش قفاطن ؟ انا بغيت نزيد غي جوج قميصات فالحرير فثوب عادي ورخاص للدار فالايام الاولى بعد العرس شنو بان لكم ؟ اعطوني اراءكم
ملاحظة ناسي من الريف ومعنديش فكرة على عاداتهم فهاد القضية

---

,ha qv,vd hgrt’hk td [ih. hguv,s? htd],kd

اختي انا دخلت نقولك الله يكمل عليك بكل خير و يسر أمورك
نتمنى من الأخوات يفيدوك

من الأحسن أختي ديري قفطان خفيف ديال الصباح حنآ فوجدة عندنا العادة العروسة كيحزمها الأخ ديال رجلها وخاصها تكون لابسة قفطان يعني تكون كالسة مع حباب راجلها ويقدر تكون عندهم هاد العادة ديال الحزام ونتي من الأحسن سولي باش تكوني عارفة و الله يسهل عليك ما صعاب

امين احبيبة حتى الله يسهل امورك

قفطان فالابيض ؟ حتى انا وجدية

ديري فالأبيض ودخلي معاه دوري غادي يجيك زويين مين غاديي تكون عائلته خاص تكوني لابساه وضروري تكون حاجة زوينة يعني ماشي غي قميص خفيف وتبارك الله على بنت مدينتي

الله يبارك فيك عندك الحق ونيت نستغلو حتى فالسبع الايام الاولى ديال العرس

وتلبسيه حتى الى عرضك شي حد من عائلتو ولا شي حضور والله يسخرلك ولجميع البنات. إمتى عندك العرس

حبيبـة إلآ ممكن تفسريلي كيفآش كيحزمهآ الأخ ديآل رآجلهآ ؟
عمرني سمعت بهآد الشي !!

واه أختي دا العادةة معروفة فوجدة بحيت العروسة مكتلبسش مع صباح ديالها الحزام أو شيي كسوة فيه الحزام ومنين كايجي الأخ ديال راجلها حنا فوجدة كانقولي حماها وكايدير ليها الحزام وهي كاتعطيه فيده فلوس شحال ما بغات