هديتي لكل حبيباتي بالمنتدى الرائع طرطة روووعة

02-10-2019, 06:57 ثبت ام الحلوين

حبيباتي الانيقات حبيت نقدم ليكم هاد الكاطوا البارد لي كيجي غزال وسهل في طريقتوا
ايوا نبداوعلى بركة الله المقادير والطريقة

5 بكيات بسكوي سابلي
قهوة مقطرة
نصف كيلو البنان من الافضل يكون طايب
4 جوكي او جبنة يومي
سكر كلاصي حسب الدوق
عصير حامضة

باكية لاموس ديال الشكلاط و رابعة الحليب باش نطلعوا لاموس
كريم شانتيي(استعملت كريم شانتي غبرة مخلط مع ربع لتر حليب)
التزيين حسب الدوق انا زينتها بالكراميل الجاهز على شكل خطوط وشكلاط فيرميسيل وفريزات

نطربوا لاموس مع ربع لتر الحليب حتى يطلع تم الى المجمد باش يشد راسو مزيان

في زلافة نوضعوا البنان بعدا قشرناه و قطعناه نضيفوا ليه عصير الحامضة باش ما يكحالش زائد سكر كلاصي حسب الدوق و نمعسوه بالفورشيط مزيان

تم نضيفوليه جوكي و نطربوه بالطراب الكهربائي و في الاخير غادي نحصلوا على واحد لاكريم تم الى المجمد باش يشد راسو حتى هو ههههه

ناخدوا اطار و نوضعوا فيك البسكوي بعدما دوزناه في القهوة بشكل منظم

تم نضع فوقه خليط البنان و جوكي تم البسكوي مفسك بالقهوة نديرو 3 طبقات او 4 مع وضع خليط البنان بين الطبقات

و في الاخير نوضعوا لاموس بالشكلاط و نسرحوها تم الى الفريكو حتى تبرد واحد شوية و نخرجوها

في الاخير نوضعوا طبقة ديالكريم شانتيي و نزينوها كيفما بغينا ثم نعمولها في الثلاجة حتى وقت التقديم لانها تقدم باردة وبالصحة والراحة

---

i]djd g;g pfdfhjd fhglkj]n hgvhzu ‘v’m v,,,um g;l

[align=center]
تبارك الله على الحادكة ديال المنتدى الله يعيطك الصحة

[/align]

تبارك الله عليك مشهية الله يعطيك الصحة
انا الاولة رديت غادة تعطيني ندوق

تبارك الله عليك شهية ومنضرها رائع تشهت ناكل منها شوية

بسم الله ..جيت فالصواب
طورطة ما شاء الله: الزين والبها بحال مولاتها
حبيبتي ديدو لهلا يخطيك وما شاء الله عليك:)

مممممم كاتشهي بارك الله لكي

تبارك الله على الحادكة ديالنا مايقد عليها حد تبارك الله والصلاة على النبي

تبارك الله عليك انا كنديرها لكن ما كنديرشي دانون و البنان كندير الفواكه حاتك رائعة تبارك الله عليك

ما شاء الله تبارك الله كيك مميزاختي ديدو