السلام عليكم
هاد القصو وقعت لنا البارح وبغيت الراي دياكم
البارحة كنت انا وزوجي في مدينة مراكش وبالضبط في البرانس وجا عندنا 2 اشخاص بنت وولد قالو لينا اجي تشاركو معانا فواحد السؤال ايلا جاوبتو عليه عندكم جائزة المهم جاوبنا وقالو لنا الجائزة هي رحلة لفندف 5 ظ†ط¬ظˆظ… لاي مدينة من 4 مدة وكل المصاريف على حسابهم.ولكن ايلا بغينا الجائزة خصنا نمشو معاهم باش نخدوها.قلنا ارا نمشو ونتبعو الكداب تالباب الدار حنت ولينا كنسمعو على بحال هاد القصص بزااااف والتصب و الاحتيال اللي تيوقع .المهم مشينا لاوطيل فجليز ولقينا مجموعة من العائلات وقع معهم نفس الشيء.جا واد الشخص بدا تيشرح لنا عرض اخر من غير الجائزة و اللي فيه انو غادي نعودو نسافرو كل عام مدة 7 ط§ظٹط§ظ… لاي بلد بغينا خارج المغرب مدة 10 سنوات بتمن 25000 درهم ههه والغريب انهم بغاونا ديك الساعة نسبقو لهم 100 الف ريال باش متضيعش الفرصة من يدينا ههه المهم حنا قلنا لهم لا عندنا الكرديات + هاد المسائل متتبغيش التسرع حنت عارفين التلاعبات اللي تيديرو.عطاونا بحال بطاقة فيها الطابع ديالهم وقالو لنا ها الجائزة ديالكم ويمكن لكم تسافرو فاي وقت لاي مدينة اما اكادير ولا مراكش ولا افران ولا تطوان .هي خاص نتصلو بهم قبل باش نعلمهم ويحجزو لنا
لكم معرفناش واش هادشي بصح ولا لا حنت فايتلي سمعت فحلقة لعمورة حضي راسك ان عائلة وقع لها نفس الشيء ومشات دوزان 3 ط§ظٹط§ظ… وفاش كملوها كانو خارجين من الفندق قالو لهم خلصو هههه اوا اش بان ليكم ؟؟؟؟؟؟
هاد الشركة المقر ديالها فالدار البيضاء
i]dm 3 hdhl ttk]r 5 k[,l a;,k ,ru gih fphgd???? ,d,l
ايوا حضي راسك لا يفوزو بيك القومان يا فلان
المشاركة الأصلية كتبت بواسطة ام اسحـــــــاق 
اه داكشي مناش خفت دكشي علاش قلت ايلا فايت لشي اخت مشات وصدقات لها يعني مخلصاتش تفيدني باش نمشي نفوج فهاد العطلة ههههههههههههههههههههههههههههه
كنتمنى من المشرفة على القسم دمج الموضوعين معا
https://www.anaqamaghribia.com/vb/sho…90#post4697790
و قاليهم خاصكم تمشيو هعايا بالش تاخدو الهدية (اقامة ف اوتيل 5 نجوم ف مراكش لمدة 4 ايام) و نكملو الاجراءات و مشاو معاه واحد الفيلا و لقاو بزاف د العائلات و رحبو بيهم و قالو ليهم انهم من المحضوضين حيت بامكانهم يشريوو شقة ف مراكش غير ب 20 مليون و انهمغيريساليو لاجراءات هما غادي يبقاو يتكلفو يكريوها و ان صاحبتي و خطيبها غادي يعطيو غير الف درهم للشهر (جاتهم فرررصة) و لكن بشرط يعطيوهوم تسبيق الف درهم دابا باش يريزرفيو عطاوها
من بعد رجع خطيبها و لقا لفيلا خاوية و التيليفونات متيتشدوش و مشات الفرصة
اختي انا وقعات ليا انا وراجلي بعين الذياب ومشينا الفيلا معاهم فالحي الحسني وفعلا لقينا العائلات وبقاو كيهضرو ويشرحو حتى نفخو لينا راسنا شاركنا معاهم بتمن خمسة المليون
لمدة خمسة وعشرين عام وراجلي مكانش هاز معاه لفلوس قلوليه نمشيو معاك دابا تعطينا عملنا العقد وصيفطو معانا الشيفور وواحد البنت اعطاهم زوجي الشيك بالمبلغ مشاو هما مع 8الليل جا العندي اخي شاف العقد قالينا راهم ضحكو عليكم خفنا رجعنا مشينا احنا واخي فهداك الليل لعندهم قلنا ليهم مبقيناش بغينا هالشي نفسخو العقد قالولينا سيرو حتى تفوت 24 ساعة مشينا فالصباح مشى راجلي بكري البنك باش يوقف الشيك قالوليه يلاه تصرف وخداو الفلوس رجعنا مشينا لعندهم احنا واخي نوضنا معاهم الصداع عاد مبغاوش يرجعو لينا الفلوس ملي شاف اخي هكاك الفلوس مشاو مشاو قاليهم نمشيو المقاطعة ونعملو التوتيق وفعلا مشى معانا المدير وعملناه وعملينا الحجز ومشنا لمراكش هدية فعلا مخلصنا والو تعرفنا على المديرة ديالهم فمراكش واحد السيدة الله يعمرها دار المهم دازت واحد المدة مشينا لعين الدياب واحنا نتلقاو مع واحد الولد كان خدام معاهم وعقل علينا سولناه قالينا راه هاد الشركة الي فالحي الحسني تشد مولاها فالحبس وسدوها وانا دابا خدام فشركة اخرى مشينا لقينا هضرت الولد بصح رجعنا سافرنا فالصباح لمراكش عند هديك السيدة ساعة الحمد لله منكرتناش وقالتينا مزيان ملي عملتو توتيق معاهم وجيتو لعندنا عرفناكم راه دابا ملي تشد بزاف الناس جاو لعدنا ومخلصين ولكن احنا مموصلينش بيهم ودابا احنا بقات علاقتنا بيها هي الي كتعملينا الحجز كل صيف باي مدينة بغينا والصراحة الخدمة ممكتازة ولحتى الشقق ولكن ننصحكم ما تعماو التيقة وتمشيو مع حتى شي واحد ليطرى ليكم كيفنا
عندك الحق اختي فعلا انا وقع لي هاد الشي حنا ساكنين في الدار البيضاءو كنت انا واختي و راجلها وتلاقينا قبالت باب مراكش في المدينة القديمة ودارو معنا نفس الشي لي دارو معاك و بطبيعة الحال ما تقناش فيهم ملي قالو لينا ندفعو 5000 درهم تسبيق صراحة الله بحفظنا
المشاركة الأصلية كتبت بواسطة sawlajane هاد القصو وقعت لنا البارح وبغيت الراي دياكم
البارحة كنت انا وزوجي في مدينة مراكش وبالضبط في البرانس وجا عندنا 2 اشخاص بنت وولد قالو لينا اجي تشاركو معانا فواحد السؤال ايلا جاوبتو عليه عندكم جائزة المهم جاوبنا وقالو لنا الجائزة هي رحلة لفندف 5 نجوم لاي مدينة من 4 مدة وكل المصاريف على حسابهم.ولكن ايلا بغينا الجائزة خصنا نمشو معاهم باش نخدوها.قلنا ارا نمشو ونتبعو الكداب تالباب الدار حنت ولينا كنسمعو على بحال هاد القصص بزااااف والتصب و الاحتيال اللي تيوقع .المهم مشينا لاوطيل فجليز ولقينا مجموعة من العائلات وقع معهم نفس الشيء.جا واد الشخص بدا تيشرح لنا عرض اخر من غير الجائزة و اللي فيه انو غادي نعودو نسافرو كل عام مدة 7 ايام لاي بلد بغينا خارج المغرب مدة 10 سنوات بتمن 25000 درهم ههه والغريب انهم بغاونا ديك الساعة نسبقو لهم 100 الف ريال باش متضيعش الفرصة من يدينا ههه المهم حنا قلنا لهم لا عندنا الكرديات + هاد المسائل متتبغيش التسرع حنت عارفين التلاعبات اللي تيديرو.عطاونا بحال بطاقة فيها الطابع ديالهم وقالو لنا ها الجائزة ديالكم ويمكن لكم تسافرو فاي وقت لاي مدينة اما اكادير ولا مراكش ولا افران ولا تطوان .هي خاص نتصلو بهم قبل باش نعلمهم ويحجزو لنا
لكم معرفناش واش هادشي بصح ولا لا حنت فايتلي سمعت فحلقة لعمورة حضي راسك ان عائلة وقع لها نفس الشيء ومشات دوزان 3 ايام وفاش كملوها كانو خارجين من الفندق قالو لهم خلصو هههه اوا اش بان ليكم ؟؟؟؟؟؟
هاد الشركة المقر ديالها فالدار البيضاء
اختي حتى انا او راجلي وقع لينا بحالكم في مدينة تطوان