هبوط المشيمة

السلام عليكم
نتمنا تكونوا في أحسن الأحوال
أنا حامل في بداية الشهر السادس وملي مشيت عند طبيب هاد سمانة قالي عندي الخلاص هابط شوية ..هو مبغاش يخلعني وقالي مشي بزاف لكن أنا خفت ومعرفة منعمل
هو قالي منوقفش بزاف ومنهزش حاجة تقيلة وقالي مازال نتأكدو ملي يكبر الجنين وقالي نرجع عندو من دبى 2 سيمنات بش نشوفو الوضع . وهاد شي زاد خلعني
عفاكم لي عندها شي معلومة تفيدني

---

if,’ hgladlm

ماتخافي والو اختي ان شاء الله ترجع تطلع غير ارتااااحي وقللي ماامكن من الوقوف كيف قاليك الطبيب ونقصي من الطلوع والهبوط فالدروج
كانت واحد السيدة من العائلة عندها نازلة فشهرها السابع ومللي دخلت لشهرها رجعت للطبيب ولقات كلشي طبيعي والمشيمة رجعت لبلاصتها وولدت طبيعي مانكونو معاك ان شاء الله
وفاسوء الحالات لا قدر الله يلا بقات هابطة كاتكون الولادة قيصري
ارتاحي وتبعي كلام الطبيب ومايكون غير الخير ان شاء الله

معنديش فكرة ندعي معاك الله يثبث حملك وان شاء الله تبعي كلام الطبيب ويكون خير والله يفرحك بالجنين نتاعك ويفرحنا حتى حنا المنتظرات يا رب

مشكورات اخواتي على الردود
نتمنا الأخوات يزيدوا يفيدوني
الله يرزق كل محرومة

متخافي والو اختي انا في بنتي كانت نازلة لي المشيمة بزاف من الشهر الرابع انا نت كنطلعفي الدروج بزاف والوقوف لدرجة الطبيب قالي تقدري تولدي في السابع ولكن عطيت لراسي شوية الراحة وليت نحط رجلي فوق مخدة عالية وطلعات مع الوقت وكملت حملي بسلام

السلام عليكم اختي انا كان وقع ليا بحالك اطبيبة قالت ليا الراحة التامة يعني مديريش الشقا امتوقفيش بزاف العلاقة تكون بلطف لان المشيمة ملي كتنزل كتولي غير تقيصيها بالجهد تقدر تنزف ولكن الحمد لله ملي وصلت للشهر التامن رجعات للمكان الطبيعي اولدت عادي الحمد لله

الله يطمئن قلبكم اخواتي
أنا كنوكف بزاف وحتى لخدمة عندي فيها لمركوب ولوقوف ..الله يسر ويسهل يا رب

وقعاتلي في حبالتي خصك الراااااحة ماشي تقولي معليش ارتاحي وربي يكمل لك بالخير

أختي شرحيلي أكتر الله يجازيك بخير
وش وقعات لك ف أول الحمل ؟ وش ولدتي قيصري ؟؟
الله يرحم الوالدين