كنت درت لبارح هاد لبريوش،وقلت نزلو باش تشوفوه معايا وتعطيوني رأيكم فيه حبيباتي،ساهل وماتايخدش الوقت بزاف فالتحضير، غير هو حبيباتي سمحو ليا ماصورتش لمراحل، حيت ولدي دوخني وأنا تنعجنو هههه، راكم عارفين اللي كاين هههه، يلا بلا منطول عليكم نقوليكم على المقادير
1kg دقيق
بيضة
كأس سنيدة
كأس زيت
كأس حليب
خميرة فورية
خمارة الحلوى
فاني
شوية لملح
ماء دافئ لجمع العجين
تندير كلشي فالقصرية وتنخوضو بيديا، وتنزيد لما دافئ في الأخير، حتى كتولي عندي لعجينة مرخوفة بزاف-يعني تكون تالتصق فاليدين،ومتندلكهاش حيت خليتها خفييييفة، تنغطيها بزيف ونخليها تختمر مدة 2/1 ساعة،تندهن يديا بالزيت،وتنبدا نشكلها كويرات، وتنحاول نخشي فيها قطع الشكلاط فالوسط ونعاود نجمعها فيديا ونكورها، بحال ،يلا بيت ندير كويرات لمسمن، كنخليها ترتاح واحد 4/1 ساعة،عاد كندهنها بالبيض مخلط مع نسكافه، ويستحسن يكون غير صفار البيض.
أنا من بعد مدهنتها بخليط لبيض، دوزت عليها بالفورشيط من لفوق ودرت فيها بحال خطيطات وكندخلها تطيب ، ولفران خاصو يكون سخون.
وهاهي حبيباتي واجدة،بالصحة والراحة،وماتساونيش بدعيواتكم
ih]h hgfvd,a ]dhgd
وصفة رائعة تبارك الله عليك حبيبتي
الله يجازيك كل خير
والله يعطيك الصحة