نوستالجيا الطفولة من مطابخ أمهاتنا

السلام عليكم ورحمة الله وبركاته

فكرت بهاد الموضوع نجيبو أطباق كنا تا نشوفوهم على الطبلة فاش كنا صغار لكن للأسف ما بقاتش الوالدة تا تعملهم

مثلاً أنا كانت توحشت واحد السلطة كنت تا تعجبني بزاف ربما البعض تا يديروها للآن عادية ولكن أنا ما بقيت ذقتها من صغري وعملتها وهي بطاطس مسلوقة ومخلطة بزيت وربيع وثوم وملحة وكمون وبزار وقطيرة ديال الخل

---

k,sjhg[dh hg’t,gm lk l’hfo Hlihjkh

أممم حتى أنا تتعجبني بنينة بزاف وكين واحد السلطة ديل الليمون مقطع هو والخس وكنرشو عليهم سنيدة والقرفة يا سلام حتى تتجي غزالة ومنعشة
شكرا أختي أمينة رجعتيني لذكريات كانت روائح الأكل تشميها من راس الدرب والبنا في كلشي وكل حاجة بوقتها أما دبى غي كناكلو وصافي الأكل ما عندو لا لذة لا نكهة لا وقت غي الله يحفظنا ويحفض وليدتنا تقبلي مروري

كانت تا ديرها الوالدة في صغرنا بزاف الخس مقطع في عصير البرتقال مع السنيدة

وفكرتيني في البرتقال مقطع دوائر ومرشوش عليه سنيدة وقرفة

كنت الوالدة تا تعملها لينا بزاف

فكرتينا فالماضي كانت ماما تدير لينا بطاطا مسلوقة وتدير معاها الملحة والكامون وزيت العود وتدوزها فالطحانة ديال مطيشة بحال الحنيشات يا سلام بحال الشكل ديال الصوفة

موضوع غزال تفكرت واحد الاكلة بسيطة ولذيذة هي شفلور مع البيض مقلي و ايضا

وعصير الليمون مع خيزو

تمحلبت من ايدين جداتي الله يرحمها فالبرد يا سلام
كتعجن العجينة و تفتلها بالدقيق بتقنية خاصة و تقطع و ترمي فبرمة ما طايب
مع حب رشاد و لحلبة و تبقى تحرك حتى طيب و تزيد الحليب واااااااو

اختي امينة وش قصدتي نصورو هاد الاكلات ديال الطفولة من المطبخ ديالنا يعني نديرو تطبيق

فكرتوني في واحد اكله تاع بطاطا مصلوقه كانتكديرخا ماما في المقله وتحط عليها البيض واحد الخبز سخون كتفرتكو وترش عليه سنيده وزيت زيتون ياسلام مع الشاي

اه وباريزيان الا بقا كانت طرب البيض وتغمس بارزيان وتقليه