سلام عليكم البنات ، البارح دوزت لمتيحان والحمد لله ربي سهل . المهم دابا نقوليكم كيفاش داز .* أنا تنسكن ف كازا ، خرجت من الدار مع 5 و في الطريق السيار( وحيت تقادا لينا المازوت ف الطريق و اضطرينا ندخلو المحمدية نجيبوه )وصلنا مع 7:15 . المهم الباب للي في السفارة الخاص بالمتحانات و الفيزا هو للي مقابل مع رومبا . مشيت ندخل مع 8 و لقيت ناس قبل مني دخلو يعني الدخول كيبدا حتا قبل 8 بشوية . كين للي كيدخل على قبل الفيزا و كاينين على قبل الإمتحان . كتعطيه الباسبور عند الباب و كيرجعوليك و يدخلك كتاخدي من صاك هداك شي للي خاصك ( باس، فوطوكوبي ديالو ، ب،و و فوطوكوبي ديالها ، و شي قلم الرصاص باش تخدمي بيه ف gbl ) و كتخللي صاكك عندو. كتدخلي عند واحد آخر مقابل مع الباب فشباك توريه حتا هو الباسبور باش يرسلك مباشرة لقاعة الإمتحانات للي هي قريبة منو . أنا مللي دخلت لقيت 3 ديال الناس كيدوزو قبلي و تسنيت مع 2 بنات نوبتنا .هاديك القاعة دايرة بحال تيليبوتيك كاينين des cabinesكل وحدة مكتوب فالباب ديالها رقم: 1,2,3. *و هوما كيدوزو حنا كنسمعوهم مرا مرا آش كيقولو إلى دواو بالجهد. جات نوبتي مللي عيط ليا هداك للي كيدوز المتحان بسميتي . كتدخلي كتعطيه الفوطوكبي ديال البطاقة الوطنية والبيسبور و الفوطوكوبي ديالو . و كيصورك و يعطيك توقعي و هو كيدوي معاك شوية باش ترتاحي . و من بعد كيعطيك فوطوبوك و يشرحليك المرحلة الأولى من ط§ظ„ط§ظ…طھطط§ظ† . كتديري الكاسك ف راسك * ,وكتقولي rabat maroko وكيبدى الإمتحان بعد الأمتلة كتبداي تجاوبي كل سؤال بوحدو و كل مرة كتجوبي كتقوليك للي فالصوت قلبي الصفحة و كتقول السؤال للي بعدو و هما كلهم 30 سؤال . مللي كتسالي المرحلة الأولى كيرجع عندك هداك السيد و يسولك واش تكمللي مباشرة وللا تاخدي استراحة بالنسبة ليا مخديتهاش و فضلت نكمل حيت أصلا هو تعطل شويا عاد جا من بعد المرحلة الأولى . و قبل ما تبدا المرحلة التانية كيشرحها ليك و تديري الكاسك و يبدا الإمتحان . كتقوليك تاني قولي سمية ديال المدينة و الدولة للي نتي فيها و قولي rabat maroko ، و كتبدى معاك ف nazegen نتي تسمعي و تقولي من وراها آشنو قالت . وواخ متفهميش قلديها آشنو كتقول . و من بعد كيجيو vragen للي هما أسئلة خاصك تجاوبي عليهم جاوبي بللي عرفتي و إلي معرفتيش شي حاجة قولي أية كلمة . و كيجيو عاوتاني nazgen وهي كتقول و نتي عاودي من وراها بنفس اللحن و بصوت واضح. و الصوت خاصو يكون واضح و مرتفع شوية ف جميع المراحل. مللي كتسالي هادو كتجي tegenstaliggen للي هما الأضداد حاولي تجوبي صحيح وللي معرفتيهاش لاصقي معاها niet. بالنسبة لشي وحدين عقلت عليهم جاوني فلمتحان هما: gezond#niet gezond gewoon#speciaal alleen#samen droog#nat آخر حاجة فهاد الجزء هي القصص لقصيرة للي خاصك تعاوديهم .و أنا كنسمع القصة كنكتب ف ورقة بعض الكلمات للي شديت و من بعد ما يسكت قلتهم و الوقت للي بقا بديت فالقصة للي عندي، و لكن مسالتهاش حيت الوقت سالا المهه تقولي شي حاجة من عندك +هادوك الكلمات للي شديتي يكون أفضل. و نفس الشي فالقصة التانية و كتسالي المرحلة التانية. تعطل تاني هداك الراجل و مخديتش استراحة حيت خديتها غير فبلاصتي. و مللي جا شرح ليا المرحلة التالتة و عطاني الأوراق و خلاني نجاوب فالورقة على zinen aanvullenفوحد الوقت قصير للي مقدرتش نجاوب فيه غير على شي 4 الأسئلة من بعد درت الكاسك و بدات المرحلة التالتة للي كتبدى بهادوك الجداول للي فيهم كلمات خاصك تقوليهم و من بعد كل جدول كتسمعي بيب و كتقوليك قراي للي من بعدو ، قراي كلشي بوضوح. من بعدو النصوص ، من بعدما تسمعي المتال كيجي دورك باش تقراي بالواحد بالواحد . و من بعد الجمل للي خاصك تقراي و تعمري فنفس الوقت . و من بعد النصوص للي كتجاوبي على 4 ديال أسئلة لكل واحد منهم . و كيسالي الإمتحان . و متخرجيش حتا يجي يعطيك بطاقة للي غادي ترجعي بيها تاخدي نتيجة و مع 2:30 رجعي تاخديها من واحد الشباك آخر كيعطي النتائج. نصيحة حاولو متوتروش و تيقو ب روسكم و متسكتوووش فالمتحان. من رأيي حيدو من بالكم هاديك فكرة ديال غير سيرو خربقو و تنجحو من الأحسن الواحد يمشي داير شوية مجهود قبل باش يكون تايق كتر . و تخربيق را لابدا منو فهد الإمتحان و لاكن ماشي فكلشي . بحال nazegen را هادوك للي ف السيت كيعونو إلى تصنتي ليهم كلهم و عودتي تصنتي ليهم بزاف المرات و حتى اللغة را السر ديالها هو الإستمااااع . و الكلمات للي مفهمتوهمش ترجموهم ب google traduction . و ديرو دفتر مخصص لهاد شي باش ظ†ظ‡ط§ط± الإمتحان تفهمو شي حاجة منهم و تبعو اللحن المهم متسكتوش. و حتى المفر دات للي ف أسئلة ديال فوطوبوك للي مفهمتوهوش ترجموهم باش تفهمو السؤال آش كيقول. و vragen للي ف السيت تدربو عليهم مزيااان و عاودو أكتر من مرة و جوج و حتا مفردات ديالهم ترجموهم باش يجيو ساهلين. و فوطوبوك راه أسهل جزء و لكن مةستهونوش بيه راجعوه مزيااان حتا تأكدو 100 ٪ مبقيتوش كتديرو أخطاء فيه. و gbl تدربو عليه مزيان ف الموقع للي حاطين البنات هنا . الله ينجحكم البنات و يسهل عليكم . و خدمو مزيان قبل الإمتحان و هاديك تمارة كتنسى بعد الإمتحان و النتيجة . و هاد الشي للي قلت فهاد الموضوع راني كنت عارفاه قبل حيت بزاف ديال البنات قالو تجربتهم مع الإمتحان و ساعدوني بزاف الله يجازيهم بخير . أي سؤال مرحبا.
kihv hghljphk
الف مبروك اختي النجاح والعقبة لينا انشاءالله هدي فرحة كبيرة منين كنسمعو لبنات كينجحوا واحد السؤال ف القصص واش مسموح نستعملو القلم باش نكتبو تلخيض واش كاكيكون عندنا ورقة فاش نكتبو ’
شكرا nwanarif . الإمتحان مكيسقطوش بزاف قليل بزاف ، كنضن غير للي مموجدش مزيان أما إلى وجدتي مزيان كتكون إمكانية النجاح عالية. بالنسبة لسؤالك . كان عندي واحد الجوا ( ظرف ) صغير جامعا فيه وراقي ( باسبور، ب، و …) هو للي كتبت فوق منو ، ولكن جيبي معاك شي وقة بيضة خاوية علاش للا كنضن مغاديش يقولك حيديها . قولو الكلمات و من وراهم قصة من عندك
mabrok 3lik o9ti amal lah yaj3al ayamn dima fera7 ya rab lah yfar7ak oyfer7na fi kerib 3jil bi visa nelta7ko bi azwjna ya rab ch 7al jebti fi ten9it dyal kol partie we shorkan
المشاركة الأصلية كتبت بواسطة amal700 
شكرا nwanarif . الإمتحان مكيسقطوش بزاف قليل بزاف ، كنضن غير للي مموجدش مزيان أما إلى وجدتي مزيان كتكون إمكانية النجاح عالية. بالنسبة لسؤالك . كان عندي واحد الجوا ( ظرف ) صغير جامعا فيه وراقي ( باسبور، ب، و …) هو للي كتبت فوق منو ، ولكن جيبي معاك شي وقة بيضة خاوية علاش للا كنضن مغاديش يقولك حيديها . قولو الكلمات و من وراهم قصة من عندك حبيبتي amal واحد سؤال أخر واش الصوت ف kns مسموع مزيان .,’,.؟؟؟؟؟؟ حيت أنا الأسئلة حافضهم ولكم الصور لا . يعني نقدر نجاوب ويلا سمعت الاسئلة مزيان وشكرا أراحنا كترنا الاسئلة عليك
nwanarif الصوت مسموع مزيااان ، وعلاش متحفضي حتى الصور . للي تخليك خليها . واش معندكش؟
مبروك أليك أختي نجاح عقبال فيزا انشالله وتلتحق برجلك عن قريب
نادية شكرا بزاف، التنقيط 100, 56, 31 . الله ينجحك
شكرا وفاء الله يسهل على الجميع
المشاركة الأصلية كتبت بواسطة amal700 nwanarif الصوت مسموع مزيااان ، وعلاش متحفضي حتى الصور . للي تخليك خليها . واش معندكش؟ حافضة شوية 70 ف 100 ولكم كاين اللي كيبانو لي كيتشابهو يعني هادوك ضروري نسمع الصوت