نصيحة لمنتظرات الحمل

بسم الله الرحمان الرحيم

حبيباتي المنتظرات بلهفة و شوق ط§ظ„ط­ظ…ظ„ الله يرزق كل وحدة منكم بالذرية الصالحة
انا اليوم جبت ظ†طµظٹط­ط© بحكم مريت من هاد التجربة بعد ولادة ابني الاول الا وهي الانتظار و عارفة داك الاحساس و المعاناة ..هاد النصيحة مبغيتش نخليها عندي حيت حتا واحد منصحني بها و دلت في متاهات الاعشاب و التجارب و ..و … و يوم كيجر يوم بدون فائدة …
نصيحتي هي : التحاليل الهرمونية حيت هي الحد الفاصل في معرفة مكمن الخلل و بلا متجلسو ضيعو في الوقت ..غير تفوتي السنة مجابش الله اول حاجة اتجهي للتحاليل شحال من وحدة بقات جالسة كتقول اوا صافي مجابش الله ..لا !! الله غيجيب ليك ان شاء الله راه كلشي بقدرته ولكن خصك السعي وراء الشيء بحال واحد جالس في دارو مخدامش و كيقول اوا يجيب الله ! لا !! الله يدعو عباده للبحث عن الاسباب و هو المعين على قضاء الحوائج و كل شيء بامره ولكن يلزمنا السعي وراء غايتنا
لذلك حبيباتي للي فايتة العام و مازال جالسة تنوض تجمع الوقفة و دير التحاليل ديالها و تشوف اش عندها راه شحال من وحدة ضيعات سنوات بسبب هرمون بسيط جدا محتاج علاج بسيط ممكن تحملي من الشهر الاول و انا بحكم مريت من هاد التجربة بغيتكم تستافدو حيت جربت انواع و انواع ديال الحلول حتى عييت و قررت في اخر المطاف نتجه للتحاليل و الحمد لله
نتمنى تاخدوا كلامي بعين الاعتبار لانها تجربة استفدت منها يا ريت تستفادوا منها حتا نتوما

---

kwdpm glkj/vhj hgplg

شكرا جزيييييلا حبيبتي ام ياسين الله يجعلها فميزان حسناتك
وبغيت نغتانم هاد الفرصة ونقول ليك مبروووووووك وآآآلف مبروك الحمل الله يثبتو ليك وتشوفيه كيف بغيتي يارب
الله يكمل عليك بالخير والتيسير يا ا ا ا ا رب

الله يبارك فيك العزيزة ديالي و يرزقك بكل ما كتمناي يا رب

شكراااا علي النصيحة الله يجعلها في ميزان حسناتك

صاحبة الظل حبيبتي عقلتي نهار حطيتي موضوع السكنجبير منين حملت و باركنا ليك و تبعناك في الوصفة ههههه ايام لا تنسى

شكرا اختي على النصيحة جزاك الله الف خير ومبروك علبك ان شاء الله تشوفيه كف تمنيتي يا اختي

عن طريق : samsung – GT-I9100

امييييين اختي يا رب

بارك الله فيك أختي على النصيحة

شوووووكرا علا النصيحة والله بالإضافة حملك
يفرح كل منتظرة يارب

نفس النصيحة حتى انا ملي تعطلت محملت مخليت مجربت وانا فيا التكيس واستعملت بعض الوصفات لي كيزيدو التكيس بحال النافع والسالمية وداكشي كلو منفعني بوالو حتى مشيت لطبيب وتشخص المرض وشمرت على دراعي وبديت نقلب فالنت على التكيس وقريت عليه مزيان ماشي غير تجارب لعيالات فالمنتديات لا مشيت كنقلب فمواقع طبية واستشارية وعرفت اشنو لحوايج لي يزيدوه ولحوايج لي ينقصوه وبفضل الله متعطلت وحملت العقبة لكل منتظرة