قبل منبدا و نحكي ليكم ما وقع لهاد السيدة بغيت نطلب من كل وحدة قرات هاد الموضوع تترحم عليها لانها توفات في حادث بالغاز رحمة الله عليها. هاد السيدة مرات خالي في 26 من العمر, اكثر من 10 سنوات و هي مزوجة و مجابش ليها الله وليدات, مخلات مدارت حتاجاب الله السبب على يد واحد الدكتور في كازا, تعطلات عليها الدورة باسبوع ومقالتهاش لراجلها مع هو طبيب مبغاتش تفرحو و يمشي يقلبها و ميكون والو. مشيت معاها للصيدلية باش تعمل التست, من بعد معملاتها قالها الصيدلاني معندكش حمل و بالصدمة طلبات منو يعاودهالها , و للمرة الثانية قالها معندك والو, فشلات مسكينة واكييد كل وحدة منكم غتحس بيها, حاولت نواسيها و نعطيها امل و مشات للدار و مخلات مشربات من عشوب باش تنزل منها دم الحيض و لكن بدون جدوى, صبرات اسبوع اخر و مكاين والو وفي اخر المطاف خافت يكون عندها شي كيس و قالتها لراجلها, عملها ايكو و لقى بلا مراتو طط§ظ…ظ„ط© مند شهر, منقولكمش شنو مشات دارت للصيدلاني و خسر عليها اعتذار , و الحمد لله ولدها متاترش بالعشوب اللي شربات لكن شاء الله ان ييتم هذا الابن و هو في سن الرابعة من العمر. حكيت لكم ما وقع لهذه السيدة لاخذ الحيطة من نتيجة ط§ظ„طھط³طھ اذا كانت سلبية و عدم التسرع من اخذها كنتيجة نهائية لاني عشتها مع المرحومة بام عيني. لا تنسو الدعاء لهذه السيدة بالرحمة و المغفرة.
kwdpm g;g hoj fyhj juvt ,ha phlgm uk ‘vdr hgjsj g;l hgfsm hpf juhf ,wpdm
allah yarhamha meskina ou ywasa3 3aliha daiykate al kobor walah ysabar rajalha ouwaldha 3ala frakha. oukhti maria55 chokran 3ala al ma3louma allah yjazik bealf kheir.
شكرا لك اختي على الدعاء و مكاين علاش تشكريني حنا فهاد المنتدى الحبيب كنفيدوا و نستافدوا و هذا واجب علينا كاسرة وحدة.
الله يرحمهايارب ويوسع عليها وجميع اموات المسلمين يارب مشكووووووورة اختي
alah yr7amha akhti ochokran lil ifada
الله يرحمها و يرحم جميع المؤمنين
الله يرحم الوالدين الله يفرح كل محرومة
الله يرحمها و يسكنها في جناته الله يخليك يا اختي ممكن تعطيني اسم هاد الدكتور اللي جاب الله السبب عل يديه ولك الاجر من عند الله
المشاركة الأصلية كتبت بواسطة زهور الود 
الله يرحمها و يسكنها في جناته الله يخليك يا اختي ممكن تعطيني اسم هاد الدكتور اللي جاب الله السبب عل يديه ولك الاجر من عند الله و الله العظيم اختي مكنعرف الاسم الكامل ديالو , اللي كنعرف هو اللقب مع من العائلة ديال الام ديالها و عندهم نفس اللقب اللي هو العلوي البلغيتي و حتى العنوان مكنعرفوش رغم انها ولدات عندو . حاولي تسولي شي وحدة كازاوية عندها دراية تعطيك الاسم اما اللقب هو العلوي البلغيتي. اللهم ارحمها يا رب و اسكنها فسيح جناتك و اجعلها من الشهداء و اجعل متواها الجنة اللهم ااامين
اختي مارية الباركة في راسك اختي والله يسكنها فسيح جناته يارب اختي كيف دايرة وكيف حال الصغيور هيثم الله يخليه ليك اختي تهلاي في راسك