نصائح للمرضع أنيقتي دخلي استافدي وفيدينا

تانيا /درت ليكم بحال لمدرسه خخخخ متخلعوش/ولدك أو بنتك رضعيها مرة فساعتين أو ثلاتة ماشي تبقاي خاشيا فيها لبزولة حيت معظم الطفال مكيضرهمش الجوع إلا بمرور هاد لمدة كينين لعيالات اللي كيبقاو غير مخرجين بزولتهم نهار كامل, خاصكم تعرفو أنه الرضاعة باستمرار كتمرض لمصارن داللطفل حيت كتقل عليه بحال مثلا ط£ظ†ظٹظ‚طھظٹ نتي تغديتيي ف12 وجا شي واحد مع 12والنصف وحط ليك عوتاني ططاجين وببقا كيعفس فيك راه غيمرض ليك معدتك ماشي غيتهلى فيك /وابقاو تصنتولجداتكم فينما يبكي الدرري كيقولو ليك رضعيه زعما راه عندك مصنع ألبان هههه///
ثالتا ولدك أو بنتك فاق كلسي ألالة وترصاي ورضعي على خاطرك وتفرغي للرضاعة حتى يشبع وليدك ويبان ليك صافي شبع وكرعيه راه مهم باش ميرضش لحليب ولمعدة كتخوى من الهواء وواحد لقضية رضعي ولدك من بزولة وحدة صافي حتى تخوى ماتبقايش ديري ديك لقضية ديال 10دقايق لبزولة الأولى و10دقايق لبزولة ثانيه حيت تبين عاوتاني للأطباء أنه ملي كيرضع لولد داك لحليب لفوقاني كيتبعو داك لدخلاني اللي كيكون لاصق فالجدار الداخلي للصدر وهذاك كيكون مشبع بالدهون وتيشبع أكثر الطفل..

رابعا واحد لقضيه سمعتها قالها واحد الطبيب فإقرأ قال بأن أحححححسن حليب وألذه هو اللي كيكون فالصباح الباكر يعني مع الصبح قالك كيكون فيه لخلاصه ديال ليوم خاتر ومفيد وبنيييييين ممممممم يعني ملي تصلي لفجر رضعي ولدك وهادشي خاص للمرأة اللي خدامة يعني متخرج للخدمة حتى ترضع

خامسا قريت موضوع هنا فأناقة للأخت houdadocالله يجازيها بالخير كتقول بأنه مانولفوش لولادنا يرضعو بالليل يعني من 12دليل حتى ديك 5 أو6دصباح نولفو لولادنا ينعسو بحال لكبار والله العظيم جربتها ونفعتني بزااف ورحمتني من السهير وتمارة مع العلم بنتي عندها شهرين واخا تكون ناعسه مع 12كنرضعها مزيااااان وكنعس ملي كتوصل 5 صباحا كنلقا صدري عمر وهي تيكون فيها الجوع فكنرضعها مزيااان حتى كتنفخ لكريشه وكتبنج خخخخخخخخخ وكترجع تنعس حيت حتى سبحان الله لحليب ديال ديك لوقيتة تيكون مشششششبع