نصائح للأنيقات منتظرات الإلتحاق بأزواجهن

السلام عليكم و رحمة الله و بركاته

فكرت في فتح هذا الموضوع، باش الأنيقات المغتربات، ينصحوا أخواتهن لي مقبلات على ط§ظ„ط¥ظ„طھط­ط§ظ‚ بأزواجهن، و ذلك بحكم التجربة ديالهم

أنا من مغتربات إسبانيا، و النصائح لي نقدر نوجها لكم هي:

أولا:تعلم لغة البلد المتوجهة إليه
هذه مسألة ضرورية، باش منين تجي لهنا، ما تبقايش بحال الأطرش في الزفة، كيف تنقولو، على الأقل تفهمي أش تايتقال ليك، الزوج ممكن يغيب عن العمل مرة أو جوج، و لكن ماشي دائما، باش يمشي معاك للطبيب (لقدر الله)، أو أي إدارة!

ثانيا:رخصة السياقة
حاولي تاخدي رخصة السياقة ديالك في المغرب، باش إن شاء الله منين تجي لهنا، غير تبدليها، أما إلا خذيتي أوراق الإقامة و أنت ما زال معندكش رخصة السياقة المغربية، غادي تكوني مضطرة تعمليها هنا، و الأمر ليس بالهين بتاتا!! هادشي إلا كنت مهتمة بالسياقة، و إلا مكنتش مهتمة بها، خاصك تهتمي، الدنيا و الزمان، ما عرفتي تحتاجيلها!!

ثالثا:صنعة تفيدك
استغلي الوقت ديالك في تعلم صنعة تفيدك في الغربة(الخياطة، الحلاقة،…)
هاد الصنعة غادي تنفعك في حياتك اليومية، و علاش لا تعاوني بها زوجك، تنعرف نساء عاملين صالونات في ديورهم…المهم لي تعلمتها غادي تنفعك ما ضرك

حالة خاصة: بالنسبة للمجازات
ضروري قبل ما تجيو تاخدو الإجازة، و شهادات النجاح ديال السنوات الأربعة، و ورقة أخرى تخدوها من إدارة الكلية فيها كم ساعة درستي في كل مادة و تقومي بالترجمة ديالهم، المصادقة عليهم في المحكمة، المصادقة في ملحقة وزارة الخارجية، ثم تاخدي موعد في القنصلية، للمصادقة من طرف القنصل على كل الوتائق السالفة الذكر، باش إن شاء الرحمان منين تجي لهنا، تدفعهم باش يعترفوليك بشهادتك
حاولت نتكلم على هاد النقطة، حيت للأسف أنا ما لقيتش لي ينصحني، و في الحقيقة حتى أنا ما سولتش، كون قلتها لراجلي كون جابلي التحقيق، أنا من راسي ترجمت كلشي(الإجازة و شهادات النجاح) و لكن منين جيت ندفع هنا، قالولي خصني هاديك الورقة لي فيها عدد الساعات لي درست في كل مادة، و بالتالي داز الوقت على المصادقة، و تشغلت بالحمل و الولادة، و ما زال ما كتاب نعاود الوتائق من جديد

و يا ريت نعرفو قوانين البلد لي غادي نمشيو ليه، باش نعرفو حقوقنا و واجباتنا، الحمد لله الإنترنت سهلت كلشي، غير بكليك صغير تعرفي لي بغيتي

فرجائي حاولوا تستغلو وقت الإنتظار في أشياء ترجع ليكم بالفائدة

أتمنى من الأخوات المغتربات ما يبخلوش على أخواتهن بالنصائح، كل واحدة حسب الدولة المقيمة بها

الله يجمع شملكن بأزواجكن في القريب العاجل يا رب

وفقنا الله وإياكن لما يحب ويرضى