نداء للمدبرات الحكيمات

السلام عليكم حبيباتي و جمعة مباركة عليكم بالصحة و السلامة و باش ما تمنيتوا ان شاء الله
الله يخليكم بغيتكم تعاونوني في مصروف 1000درهم للشهر كيف ندير ليها بالنسبة ل4 اشخاص الله يستركم دنيا و آخرة
ما فيهاش الماء و الضوء غي الماكلة و وسائل النظافة

---

k]hx ggl]fvhj hgp;dlhj

148 مشاركة و لا رد واااااااااااااااحد
و باااااااااااااااااااااااااااااااااااااااااز ليكم البنات باااااااااااااااااااااااااااااااااااااااااااااز
عندكم الوجهيات في كلشي

اختي 1000 درهم منضنش تقدك لكان فيها المواد الغدائية كاملة من لحم دجاج حوت وقطاني ودقيق وزيت ومواد التنضيف وزيت وسكر وحليب وفرماج كنضن متخرجكش حيت انا مكتقدنيش اكتر منها وحنا 4 لبغيتي تجربي في اول الشهر خودي اللحم الدجاج لي يقدك وفرقيه وسيري لهري خودي الزيت 5لتر سكر قطاني او على حسب اشنو تتاكلو الفرماج مواد التنضيف وحاولي تاخدي هداك الشي لي يقدك على شهر وشوفي شحال غادة تخلصي واش غادة تشيطي ولا لا وعلى حسب اشنو تقديتي راكي غادة تعرفي واش تقدك ولا لا اختي حاولت نعاونك بلي عرفت حيت حتى انا كنت واحلة غير وكان درت حاجة هناتني وليت كنعرف شحال خسرت في الهري كناخد التقدية ديال الشهر تقريبا وتهنيت من الحانوت كل مرة مكتعرفي الفلوس فين كيمشيو كيبقى غير الحليب ودانون هداك الشي باين او لتقدات ليا شي حاجة كناخدها نتمنى نكون فدتك اختي

بارك الله فيك اختي الله يجعلها في موازين حسناتك انتي بعدا اهتميتي و رديتي
ما عرفتش علاش هد المنتدى ولى بحال هاكا الى كانت شي عضوة عندها صحاباتها راهم كيهتموا و يجاوبوا و يردوا بطبيعة الحال ما كنعممش لانه كاين اخوات الله يعمر ليهم الدار و لكن الغالبية العظمى غي قرا و دوز الله يهدينا
بالنسبة لسؤالي راني عارفة اختي حتى مليون و ما تقدش الى عطيتيها الدق و سبق لي هنا شفت شي مواضيع ديال الاقتصاد داكشي علاش قلت ربما الاخوات المدبرات يلقاو لي حل
و شكرا مرة اخرى

السلام عليكم اختي اشراۘ عاد شفت موضوعك
حتى انا تايعطيني راجلي 1000 درهم للشهر و فيها المصروف و 2 بوطات كبار
تانحاول ناخد الضروريات من الهري المنظفات تاناخدهوم من كارفور ملي تايكون برومو تايديوزو حتى ل 6 اشهر هههههه
و تاناخد 2 دجاجات و 3 كيلو لحم و تايديو لي الشهر مع مرة مرة حوت
و بلاطو د البيض و عاد الۘطاني و العطرية
و الخضرة تاناخدها اسبوعيا
فالصراحة ماتاتوصليش الشهر مع راجلي عزيز عليه الشلايض و الشهيوات
الله يدير شي تاويل د الخير لينا اجمعين

نسيت راني كاينة غير انا و راجلي و حاملة و الحمل هو اللي اثر شوية على المصروف حيت مع الطبيب كل شهر و راك عارفة فترة الحمل و مصاريفها ههههههه

rose الله يرزقك احبيبة الفكاكة على خير و بالذرية الصالحة المعافاة ان شاء الله
و الله يغلب البركة على الجرية هذا ما نقولوا

امييين يارب اختي لينا و ليك و للجميييييع

حتى انا كيعطيني الف درهم و كينة انا و بنتي و هو مكيكنش معانا انا كناخد الخضرة من السوق الاسبوعي كيكووون احسن من المارشي بمية مرة كناخد الخضرة ديال اسبوعين و مواد التنضييف كناخدهم من مرجان او اسواق السلام كناخد هداك لي مكتوب فيه المنتوج الاقتصادي اما الحليب و الزيت هو لي كيجيبووو و اللحم كناخد جوج كيلو و دجاجة فيها جوج كيلو كيدوزو عندي شهر و القطاني كناخد كيلو من حاجة كتدوز عندي شهرين حتى لثلاثة و الحوت الا تشهيتو كناخدو كيلو فقط من اي نوع بغيت و كنقسموو على ثلاثة او اربعة لاني بوحديانا و بنتي فقط اوا انا كتقدني اوا بنادم ادير هاكا و هاكا و صاااف انا لي هلكني هما ليكووووش

اااه طحين خودي خنشة ديال عشرة كيلو
الخلاصة حاولي تاخدي كلشي بجملة متشريش بالسقاااااطة خودي قياسك ديال الشهر و ماشي ضروري يوميا تاكلي اللحم او الدجاج او الحوت مرة ديري سفة مرة بيض و ماطيشة و حلقي عليييه و هاهي غادية و حاولي تكثري من الاكلات لي فهم الخضرة حيث كيشبعو و فيهم فيتامينات للجسم و كيتكايسو على الجيب

السلام عليكم اختي الكريمة بصح مشطيل اش من مشكيل تساوي ما بين المصروف و متطلبات الشلهر و لكن ماشي مستحيل انا كتتقدني الف درهم باعتبر الشهر فيه اربعة اسابيع كنحاول تكون ميزانية الاسبوع الواحد 250 درهم و اهم حاجة متبقايش تقداي المواد الغدائية الطحين و سكر اتاي و….الزيت من الحانوت كيما قالو ليك الاخوت خدي من مالين الجملة راه اكثر اقتصادي و مواد التنظيف خدي لي غادي يقدك الشهر نضن راه ا لتر من كل مادة راه تكفيك و تيد ايلا عندك ماكينة صابون اتوماتتيك خديي 5 كيلو مرة واحدة راه اكثر اقتصادي من تبقاي تاخدي كيلو و راه كيديك ازيد من 3 اشههر وكثر وغتهناي منو كل مرة يدخل فكصروف الشهر القادم اما يلا ماكينة عادية بقاي خدي تيد العبار راه اقتصادي و بحالو بحال تيد لاخر الغالي و الاللة تقدية ديال الخضرةو الدسير خدي ديال السيمانا وخديها من السوق مالين الحوانت يغليو شوية و اللحم خدي كيلو و دجاج و الحوت راه اديك سيمانا و كثر المهم ان 250 درهم غدوز بيها سيمانا باش ما كان الحبيبة و حاولي بحال داك دانون و لشكلاط ديال الدهن و الكاشيرو الفروماج راه اقتصادي و يديك شحال تصنعيه غير فالدار راه كيجي غزال و بنين و انا كنطبقو غير فالدرار و اقتصادي بزافففف و تا مفيد و مافيه لا مواد حافظة لا يديك لا يخليك ههههه نتمنى نكون افدتك و لو جزئيا انا هاد التطبيق كنت نديرو فدارنا كنت هازا الهم لبابا اما دابا راجلي لي يجيب كلشي مبقيت مسؤولة على المصروف هههههه