اخواتي الغاليات المتزوجات من ازواج ظ…ط؛ط§ط±ط¨ط© ظˆط¹ظ†ط¯ظ‡ظ… ط¬ظ†ط³ظٹط© ط§ط³ط¨ط§ظ†ظٹط©
بغيت منكم تساعدوني باش نعرف شنو كيطلبو في الفيزة ديال الالتحاق بزوج اسباني الجنسية
راجلي مغربي عاد عطاوه الجنسية الاسبانية وفي اخر الشهر هذا غادي يعطيوه ان شاء الله تعريف وباسبور اسباني
مشى سول على التجمع العائلي قالوليه للي عنده الجنسية كدير ظپظٹط²ط© ط§ظ„طھطط§ظ‚ ط¨ط§ظ„ط²ظˆط¬ .. يعني انا خصني نمشي ديركت نطلب الفيزة بلا مايدفع هو تما شي اوراق ونسافر عنده عاد يدير هم لي تما ..
دبا خصني نعرف من الاخوات للي عاد تزوجو يفيدوني شنو كيطلبو فهذ الفيزة .. وعاد باش ندير العرس إن شاء الله في شهر 6 ..
جاوبوني الله يخليكم ..
k]hx ggho,hj ggd hgh.,h[ ]dhgil lyhvfm ,uk]il [ksdm hsfhkdm lg[ lj.,[hj []] lyjvfhj hsfhkdh [ksdm hsfhkdm td.m hgjphr fhg.,[
الله يحفظك
اوااه حشومة عليكم ..
🙁
كنتمنا من كل وحدة دخلات تدعي معايا باش ربي يكمل عليا ويسهل اموري انا فحاجة لدعواتكم اللي خارجة من القلب
انا تخطبت لمغربي مقيم فاسبانيا عندو الجنسية الاسبانية وتلفت جاني داكشي مرون واخا كنت تندخل نسول فالمنتدى كان تيوقع خلط ما بين المتزوجين باللي عندو الجنسية واللي معندوش الجنسية ولكن الحقيقة انه كينا اختلاف كبير
لان لي راجلها معندوش الجنسية كتزوج وعاد تاتبدا توجد الاوراق اما اللي راجلها عندو الجنسية بحال الحالة ديالي
اولا خصهوم مايفكروش نهائيا فضريب الصداق تا يوجد ادن الزواجcapacidad matrimonial اللي تيخرج من اسبانيا والاوراق هوما
*نسخة كاملة من المدينة اللي خالقة فيها وتدوز لمحكمة ديال المدينة اللي خالقة فيها ومن بعد تدوز الخارجية و من بعد القنصلية وعاد تترجم
*شهادة ديال السكنةوتدوز للعمالة ومن بعد الخارجية و من بعد القنصلية وعاد تترجم
*شهادة ديال العزوبة ماشي الخطوبة تدوز العمالة ومن بعد الخارجية ومن بعد القنصلية وعد تترجم
*فوطوكوبي ديال الباسبور كامل وديال لاكارط وتكيليزيهم فالمقاطعة ونيشان يدوزو للقنصلية وحيت لباسبور فيه لوراق بزاف و ةLEGALIZACION غالية حاولي تديري متلا 4 صفاحي فورقة و مكيترجموش وباش تكيليزي فالقنصلية خصك تشدي رونديفو بكري حيت شوية تيتعطل
هادشي تجمعيه وتصرديه لخطيبك ومني يمشي يدفعهم تايدي معاه 2 شهود ميكونوش من العائلة ويدفعهوم ومن بعد 3 شهور حتى ل 6 شهور كايعيطوليك نتي من القنصلية ديالك فالمغرب او تيصردوليك ورقة للدار حيت راجلك تيكون عاطيهم تما فاسبانيا عنوانك ونمره تلفونك لمهم انا سيفطولي ورقة لدار فيها تاريخ والساعة ديال الاسئلةENTREVISTA لليعيديروليك
يقدرو يديرولك الاسئلة بالعربية او الاسبانية او الفرنسية انا داروهالي بالاسبانية حيت قريت اللغة ودارولي اسئلة كتيرة تقريبا 90 والاسئلة ماصعيباش الا كنتي تتعرفي راجلك مزيان هو والعائلة ديالو وماكين لا مترجم لا شهود لا والو
ومن بعد الاسئلة بواحد المدة قليلة دارو الاسئلة لراجلي لهيه فاسبانيا ولكن ماشي شي اسئلة كتير وبالنسبة للراجل ممكن يسولوه وممكن لا
ومن بعد شهرين خرجت لراجلي ادن الزواج وهو خصو يدوز الورقة لمحكمة تما فاسبانيا و وزارة الداخلية فمدريد و وزارة الخارجية فمدريد و القنصلية ديال المغرب في مدريد او المدينة لي قريبة ليلو ومني يصردالك لمغرب متنسايش دوزيها قالخارجية ديال الرباط ودابا عاد تقدري تزوجي ورا ليفكرت تزوج بلا هادشي وبلا ادن الزواج تعرف بلي عمرها الا مشات عند راجلها وانا متنعقدش ولكن تنحكيلكم داكشي ليدوزت بكل صدق وهادشي طبعا خصو الصبر
ومن بعد سيري لعند العدول يقوليكم شنا هوما الوريقات ليتجمعو للزواج وزيدي عليهم اهم ورقة هي ادن الزواج ودربو الصداق وفالعقد يكتب لعدول باانه راه تزوجتو بديك الورقة ديال ادن الزواج باش مني كتترجمي العقدتتدكر بانكم تزوجتو بداك ادن الزواج لعطاتولكم اسبانيا لان هاد الشخص فاسبانيا تيتعتبر اسباني ونزيدكم معلومة مهمة راه الكاغيط خصو يتدرب بلاكارط LA CARTE NACIONALديال اسبانيا ورا والله القسم كنعرف ناس رجالهم بالجنسية ودربو الصداق بلاكارط ديال المغرب والله ماطلعو عيالاتهم عرفتو علاش?حيت مني تايترجم هاد العقد وتايشوفوه ناس ديال اسبانيا تيقولك انت اسباني وهاد الزواج مسجل بعقد مغربي وهوما عارفين بلي نتا مغربي ولكن فاسباني راك اسباني وخصك تزوج بلاكارط ديال اسبانيا
المهم مني تاخدي عقد الزواج راجلك تيكون معاك وديو عقد الزواج معاكم يدوز للمحكة وللخارجية دالرباط و القنصلية وباش يتكيليزا فالقنصلية خص تاخدو رونديفو وتعيطو اما 2525 ميديتيل وتكونو معبئين 50 درهم او تعيطو 4545 وتكونو معبئين 50 درهم ويترجم وفالقنصلية كيقولولو يعمر ورقة تما باش تمشي نتي تاخدي الحالة المدنية ديال اسبانيا من القنصلية وتيعطيوك رونديفو تولي تاخدي الحالة المدنية معاها 2 عقود ديال الزواج داسبانيا وديك الساعة راجلك تيسجل زواج فاسبانيا وهادي قالولي كتعطل ولكن غيتيخلعونا تعطلاتلي غي شهرين اما هوما قالو لراجلي فالاول غاتعطل 6 شهور و تانتي كتسجلي زواج والطريقة هي انك تتمشي للمقاطعة ديالك فديك نسخة كاملة تيطبعولك واحد الطابع وتيكتبو فلانة متزوجة بفلان وساهلة من نهارك
وصافي تطلبي الفيزا وها الوثائق ديالها
*الحالة المدنية وفوطوكوبي ديالها
*ورقة من دوك 2 وريقات اللي عطاوك مع الحالة المدنية وديريلها فوطوكوبي
*شهادة حسن السيرة والسلوك وديريلا فوطوكوبي ومافيها ما يترجم
*نسخة كاملة مطبوعة فيها ديك متزوجة بفلان من مدينتك ليخلقتي فيها و دوزيها لمحكمة ديال المدينة اللي خلقتي فيها ودوز للخارجية ولا عطاوهالك فالمقاطعة بالفرنسية ماكين لاش ترجميها حيت ترجمة كانت فالاول مهمة اما دابا غيلفيزا ساهلة وطبعا ديريلا فوطوكوبي
*شهادة السكنة دوزيها للعمالة وللخارجية ولا كانت بالفرنسية بلا مترجميها وديريلا فوطوكوبي
*شهادة طبية (تحاليل الدم وراديوالصدر) وديريلها فطوكوبي
*فوطوكوبي لاكارط و 5 صفحات الاولين من الباسبور ماكيليزين فالمقاطعة صافي
*ورقة كاتاخديها من انترنيت وتعمرها بيدك سميتهاSOLICITUD DE VISADO ونهار تبغي تدفعي الفيزا ديري تاريخ داك النهار وتسنيها وتلصقي فيها تصريرا صغيرة لفوق وتاهيا تديريلا فوطوكوبي وزيدي تصورة ديالك اخرى صغيرة للاحتياط
وراجلك تايجمع وراقو وتيصردوملك والوراق هوما
*شهادة دالسكنة
*فوطوكوبي الباسبور ولاكارط
*ورقة تيديها لنوطيريكتبلو فيها باغي يجيب مرات ولا راجلك كان فالمغرب يقدر يكتها بخط يدو وسط القنصلية
*نسخة كاملة مطبوعة فيها باللي هو مزوج بيك و صافي وديري فوطوكوبي لوراق راجلك كاملين ودفعي الفيزا ورونديفو لفيزا تيعطيوهلك على نهار او يومين وتتخرج الفيزا على 10 ايام او اسبوعين
انا كنحكي عن تجربة وانا تخطبت ف شهر 4 عام 2024 وخديت ادن الزواج ف شهر 12عام2019 وتزوجت فشهر واحد عام 2024 ودابا راني كنتسنا لفيزا يعطيوهالي هاد الايام انشاء الله
حكيتلكوم بالتفصيل الممل وكنتمنا تستافدو وكنتمنا من كل وحد تدعي معايا باش ربي يسهل اموري
وشكرا ليكم انا تنكتبليكم من ديال ماما
Read more: https://www.anaqamaghribia.com/vb/sho…#ixzz2UmobPu8U
شكرا على جوابك وان كنت ماقريتوش كله لكن بارك الله فيك
انا حالتي ماشي بحال حالتك
وكنت داخلة نطلب من الادراة حذف الموضوع ..
لانه صافي مابقيت كنسول حد كيخلعوني على والو..لاني شفت بأنه كل واحد وحالته وكل واحد وشنو كيطلبو ليه وكل واحد شمن لوازم كيقولوليه ..
حنا زوجنا في المغرب عادي عاد خذا راجلي الجنسية ..يعني ضربنا الصداق قبل ماياخذ التعريف والباسبور اسباني ..من بعد عاد خذاها .. وملي سول المحامي تماك قاليه خصك تسجل زواجك في السجل المدني الاسباني وطلع حالة المدنية وداك الساعة يمكنلك طلع مراتك عادي .. وملي كنطلع عاد كندير الاوراق تما ..
وانا في تطوان ماشي في الرباط .. وعندنا القنصلية في تطوان ..والخارجية في طنجة .. حتى حد ماقالنا نمشيو للرباط ..
وراجلي عامل محامي .. دبا هو غادي يصيفط لي دعوة زيارة ان شاء الله غنطلع عنده بفيزة عادية لمدة 3 شهور ونعاود نرجع المغرب .. حيت السجل المدني كيتعطلو حتى 11 شهر عاد كيعطيوه السجل.. ويمكن اقل على حسب ..في حالة سجلو زواجنا في مدة قصيرة ماغاديش نرجع غنبقى تما وندفعو للاوراق واذا تعطلو غادي نهبط المغرب ..والعقد ترجمناه وجلزيناه وخذاه معاه لاسبانيا ..
هذالشي ماكان الحبيبة شكرا ليك والله يحفظك ويسهل اموري و امورك يارب ويكرمك ..
بارك الله فيكم