اخواتي ارجوا المساعدة
جوج حويج ما كيطلعوش لي في ايدي دجاج محمر و اللحم محمر وخ نزوق حتى نعيوالله ما عرفت فين الخطاء عتقوا ختكم
k]hx hgn pskhx hgv,]hkdm , hglajhrm hg[km i]hdm hgvplhk ,;g ph];m hld
الأخوات ان شاء الله يجوا للمساعدة أختي
اشرح أختي كيفاش اللحم و الدجاج مكيطلعوش لك زعما مكيتحمروش فسر لنا
بش نقدروا نساعدوك
[/align]
المشاركة الأصلية كتبت بواسطة ihssane11 
شوفي أختي نقع الدجاج و لا اللحم مدة طويلة في لقامة مثلا نقعوا ليلة كاملة في الخليط و خليه فالثلاجة ملي تجي تطبخي غدا خرجوا
و الدجاج قبل متنقعوا فلقامة حطوا فالماء و شوي دالخل و شوي الملح باش تزولوا الزفرة
و غدي نكتب لك واحد الخلطة تنقع فيها الدجاج كيجي غزال
خدلك 3 معالق كبار زيت البلدية و1 ملعقة كبيرة أو 2 ديال قصبور و معدنوس مفروم و بصلة و فصوص التوم و شوي سكن جبير و اليبزر الاسود ""و الابيض اذا متوفر عندك كيعطي طعم غزال و زعفران العادي و شوي ديال الحر و ملحة و شوي تحميرة و كمون و قشرة لمونة مرقدة و قطعة صغيرة فلفل أخضر حار و لا حسب رغبتك طحنهم و ادهن الدجاجة مزيان من برى و داخل و بين الجلد و اللحم لاكن حاولي لا تمزقي الجلد
و حطها فشي علبة شدها و خليها فتلاجة لغدا دخلها للفرن تنضج و تتحمر
و اذا غتطيبها اعمل طنجرة فيها 1 ملعقة زيت عادية و قطعة صغيرة زبدة
ملي يسخون حطي الدجاجة و مرقها شوي وخليها حتى تطيب 1 ساعة و لا 45 دقيقة على حسب حجم الدجاجة من بعد دخلها تتحمر تحت الشواية فالفرن
و بصحة و الراحة
عملي اللي قلت لك و ردي علي الخبار
السلام عليكم.
لو سمحت فالحبيبة المشرفة ديالنا المشتاقة الى الجنة من شهر 6وهي غايبة ولا خبر .
اسال الله لها السعادة في الدارين يارب .والله توحشناها كثير ونعم الحبوبة والبنت………
وبما انك ذكرتيها في عنوان موضوعك استسمح من باقي لحبيبات ونعطيك حتى انا طريقة الدجاج ديالي …. وتنسميوه فارباط الدجاج لمقلي هو الدجاج ديال لعراسات………
على بركة الله.
تخذي دجاجة وتنظفيها مزيان منين تحضريها البيت طبعا .وتيتم التنظيف عندي بازالة الجلدة نهائيا للدجاج الرومي اما البلدي ممكن نحتفظ بها.ونفرك غير بشوية الدجاج بالملحة ونزيد عليه الخل ونغطيه فشي حك ديال ميكة يرقدباش ما تبقاش فيه الزفورة.من بعد تنغسلو مزيان ونديرو يقطر.
وهو تيقطر تندي شوية ديال الربيع ونقطعو رقيق جدا واحد الفص ديال تومة والبصلة نشلدها صغيرة وندير شوية خرقوم وشويةابزار وشوية سكين جبير وشوية سمن وشوية زيت بلدية وما نساش بصلة محكوكة ايضا وتتكون عندي حامضة مرقدة تناخذ اللب ديالها غير ربع اذا كانت دجاجة وحدة وتنقطعو مزيان ونخلط هاد الشرمولة مزيان ومن بعد ندهن بها الدجاجة ونرقدها مزيان.ممكن فذاك اللحظة ديريها تطيب على نار هادية وتنصحك ما تغلقيش عليها الكوكوط يلا كان دجاج رومي حيت البلدي هو لي تيحتاج الطياب كثير.ولما تشعلي النار الهادية قلبي دجاجة شوية فالشرمولة او الدغميرة فحال ما نقولو ومرقي بشوية ديال الماء ومن حين لحين طلي على الدجاجة وقلبيها غير بشوية.لكن نسيت ما نقول لك بانك يلا كنت غدي طبخي الدجاج غير للاسرة وبغيتي تقطعيه عادي…..المهم فاش طيب الدجاجة وكانت المرقة بزايد زولي الدجاجة وديريها فشي ايناء تتدخليه للفران وخلي المرقة شوية تشحر ومنينيجي وقت الاكل شعلي الفران على دجاجة وها هي بالصحة والراجحة وممكن تزوقيها بالزيتون الاحمر مرقد والقشرة ديال الحامضة لي زولتي منها اللب فالاول.
وبالصحة والراحة.
وممكن تلقاي كثير من الوصفات ديال الدجاج حيت كل منطقة وكيف تتطيب.تقبلي مروري ورني قليل فاش ندخل لقسم الطبخ اولا المشاغل وثانيافين هي الشهية….بالصحة والراحة ….وللاشارة ان وفقت فعليك بكتب الاستاذة القديرة رشيدة امهاوش تبارك الله كلشي تيشهي
في حفظ الله وبالصحة والراحة.[/gdwl]
هذا ما استطيع تقديمه وبصحتك وراحتك.
سواءا فالدجاج او اللحم
و تيجي لديد بالفعل
تبارك الله عليك ام الصالحين
وغتلقاي اطباق دجاج غزالة جدا لطاهيات ديالنا