السلام عليكم اخت فاسية وكل من بالمنتدى بغيت اختي انسولك ونستفسر منك انا تخطبت بكويتي وعملت ليه وكالة باش يتزوجني بالكويت ومشيت صداقتهم بالخارجية بالمغرب وملي مشيت السفارة اديالهم قالو احنا هده مدة مبقيناش كنصادقوا توكيل وقالو يشوف بسفارتنا بالكويت المهم رسلتهم ليه الاوراق وخداهم لسفار تنا لكن رفضات قالت احنا مكنصادقوش على توكيل والخارجية اديالهم قالت احنا ماعندنا مانديروا هدا قانون المغرب قولي ليا اختي واش انتي ظ…طھط²ظˆط¬ط© ظƒظˆظٹطھظٹ نصحيني عافك الا اعرفي شي واسطة او شي حد يوقف معايا راكي عارفة مريت بالشي وكيف كتكون نفسية الوحدة بالظروف معرفتش قانون المغرب ناس باغيا الحلال وهم كيصعبو فيه الله يستر وصافي عافكم محتاجة دعواتكم متبخلوش اعليا اختكم في الله
k]hx hgn hghoj hgthsdm uh[g h, ;g lk lj.,[m ;,djd fj,;dg hld
اختي فعلا عملي كيف ما قالت لك الاخت سارا وان شاء الله المشكل يتحل
ولكن اختي علاش هوا ما يجيش المغرب خصوصا الكويتيين تيدخلو المغرب بلا فيزة
اختي ها انا معاك سمحي ليا مجاوبتكش دغيا لاني شوية مشغولة، وبصراحة الزواج بالتوكيل في الكويت ماعنديش فكرة عليه انا تزوجت بعراقي كردي وبالتوكيل وكيف كتبت بالموضوع ديالي راه كلشي مفصل…..
غير بالنسبة للمووضوع ديالك ديري ما دارت الاخت سارة وخليه يجرب وع الله الامور تيسر، ونصيحتي لك متعصبيش ومتفقصيش والخير فيما اختاره الله
انا اليوم سمعت اخبار لا تسر لا من قريب ولا من بعيد، وعن الزواج بالتوكيل، واحدة رسلات وريقاتها لشخص تعرفات عليه وكان يظل يمثل عليها ويكذب عليها ويعطيها معلومات نتاع رجل اخر، وفاش رسلات ليه التوكيل وتزوجو في سوريا وهو مقيم بالسعودية فاش لتحقات به مشات لقات رجل كبير في السن كينتظرها وماشي هو هذاك لي كانت معرفة عليه وتشوفو، سولاتو لقاتو هو الزوج المنتظر، البنت تصدمات وبقات رغما عنها وبالجبر والان رجعت ومكتمشيش ع رجليها بالفقصة والصدمة
نصيحتي حذاري ثم حذاري، البنات لي يبغو يتزوجو بالتوكيل، تاكدو منهم ومن جوازات السفر ومن بطاقة الهوية ومن ومن ومن++++++++++++ وفاش تاكدو على الاقل من صحة المعلومات ، من بعد توكلو ع الله، ياربي تحفظ ما بقى ما يعجب،،،،،،،،
وشخص اخر كان متواعد مع واحد الاخت عربية وانسانة ناضجة زعما وعام وهو يزوق عليها في الكلام الذي لا يمت للواقع بصلة، وفاش طلبات منو الاوراق بعث ليها شهادة الوفاة نتاع الزوجة مزورة، وعقد البيت مزور وكلشي مزور وبعض الوثائق امتنع على ارسالهم، وفاش السيدة فتحات ليه الايميل لقاتو كيراسل مجموعة نتاع البنات المطلقات وكلهم كيواعدهم بالزواج وعن طريق التوكيل
المهم حذااااااااااااااااااااري ثم حذاااااااااااااري اللهم اني قد بلغت
لا ثقــــــة
تحياتي
هداك الشي علاش انا قلت لها من الاحسن يجي خصوصا انه كويتي يعني اشنو المانع انه يجي وساهل باش يدخل المغرب
مازال اللي كان ناوي يجي ودفع الفيزة وعاود وعاود حتى نشف ريقه وما بقى قدامه حتى حل غير التوكيل هاداك ممكن تثقي نسبيا فيه
اما لي عنده الامكانية يجي و تيتعذر باسباب خاوية وبحجة انه مستعجل على الزواج هذاك حذاااري منه ثم حذااااري
وانا تنفضل الراجل يجي حتى يتعرف على الاهل بنفسه عاد الا لقاو شي تعكاس فالكتبة يتافقو ديك الساعات على اي حل
او المهم يتاكدو منه باي شكل من الاشكال
الله يصاوب لجميع البنات ويبعد عليهم اولاد الحرام يارب