نداء الحادكات المتولات

البنات عافكم،بغيت شي طريقة اللي نحك بها الرخامة البوتاجي باش متدبغش،وفايونس المرحاض أعزكم الله،وشكرا بزاف

---

k]hx hgph];hj hglj,ghj

السلام عليكم،واش كاين مشكل في السؤال،اللي دخلات تتهرب،المهم شكرا

اختي منضنش كاين شي مشكل في السؤال ههه غير هو الوقت خلاتها كلشي مزروب حتى في الرد بصح تفائلي غدي تدخل شي حادكة تفيدك وتفيدني معاك هاني باركة معاك حتى نشوف الردود هههه مكرهتش شي حل لهاد المشكل للي كنعانيو منو جميع
انا عزيز عليا الماء القاطع كيسميوو فلاش للمرحاض كينقيه طريقة عجيبة بصح ها ودني منك غير للمرحاض راه ماء قاطع مخفف وكيسيقو بيه حتى الفيانص

السلام عليكم اختي انا بغيت نفيدك ولكن بغيتك تبقاي تسمعي لاداعة ميد راديو مع 12 صباح من الاثنين حتى الخميس راه كيقولو وصفات للزليج االا بغيتك يبقا يلمع الرخام كدالك واي حاجة طحليك على بالك وخصوصا نهار الثلاثاء كيجيبو اختصاصي الديكور وكيعطي افكار رائعة للدار كلها وانا غنقوليك واحد المعلومة كان قالها بالنسبة للماء القاطع راه زوين وكيبيض ولكن مع المدة غتلقاي اي حاجة كبيتيه عليها غتبدا تحفر وايضا جافيل لبغيتي ديريه خصوصا على الزليج زيدي فيه الماء انعطيك واحد النصيحة الى بغيتي الرخام اوالزليج اولي يشعل ديري الصابون البلدي وخلطيه بالماء سخون حتى يدوب وراه فعال ولكن اكون الماء سخون وحتى بيكربونات الصودا راها واعرة وخلطيها مع الصابون البلدي او حكي الحمام راه كتخليه يشعل . ونتمنى تسمعي البرنامج راه غتستافدي بزاف .

شكرا على النصائح اختي لهلا يخطيك فعلا الصابون البلدي زوين وتحكي يه حتى الروبينيات كيرجعو يشعلو

شكرا بزاف لهلا يخطيك والله يخلي لك صحيحتك،أنا ميمكنش نسمع الراديو تنكون في الخدمة ,داكشي بغيت نستفد منكم

السلام عليكم
طريقة الصابون البلدي ممتازة أضيف للرخامة حكيها أضا بلحامض وخليه شوية ومنبعد نشفيه كيخليه يلمع

انا عن نفسي كنحك الرخامة بالحمض او اي نوع عندي من لخل كترجع تشعل

أنا رخام ديال البوطاجي كنديرلو فقط الخل كيولي يلمع أما طواليط فلاش وكنحضي يدي حيت كيقرص