نداء إلى الأخت الكريمة ذاكرة

السلام عليكم ورحمة الله
أختي مريم الله يجزيك بخير بغيتك تصبري معايا شوية ههههههههه
أنا بشرتي بيضا مختلطة وشفافة كايبانو منها الأوردة والشراين تحت سطح البشرة مباشرة شفتي على تخليطة عندي ههههههههههه
المشكل اللي عندي أنها فيها شوية بقع قهويين بحال الكلف باهتين لكن مني كانخرج لشمس كايزيد إبانو أكثر
بغيت إلى ممكن برنامج للعناية وشي ماسكات نديرهم مع العلم كيف سبقت قلت ليك مشيت عندdermatologue وخرج لي قوة الكريمات بدون فائدة وزادت خرجات لي على وجهي ولّى حساس
حاليا كانير إكغون ستافيل ومني نبغي نخرج كانزيد bb كريم ديال مايبلين وكانغسل بغاسول ستافيل وكريم مرطب حتى هو ستافيل بغيت نبدلهم باش تنصحيني
وكاندير الزيوت مني كانبغي ننعس هذو هما زيت البابونج +زيت اللوز+ زيت جنين القمح+زيت الزنجلان
الله يسهل أمورك ويرزقك خير الدارين صبري معايا ههههه
ونزيدك كانعمل هد الإيام ماسك مكون من الشوفان والروز والزنجلان وياغورت

---

k]hx Ygn hgHoj hg;vdlm `h;vm

أختي يمكن مريومة ماشفتش سؤالك أنا نحاطو لها ف تجمع او يكون خير

سيري أختي لبنى الله يبيض سعدك
راه ماعرفت كيف نشدّها صيفط ليها طلب صداقة زعما باش تشوفني هههههههههههههههههههه

وعليكم السلام ورحمة لله وبركاته

حبيبتي لوبنى الله يحفظك وينور طرقك بالخير يارب فعلا لم انتبه لنداء حبيبتي ام امين ووليد
اسفة والله اخية لكن طلبك على الراس والعين غادي يولي وجهك بلارة باذن الله وقوته وتكون
عندك العزيمة وتهناي من اي مشكل غير اعطيني وقيت راه الجهاز فيه عطب حال ما يتصلح
نباشر معاك الموضوع والخطة الي غادي تمشي عليها ، لكن هذا ما تيمنعش انني نعطيك
البرنامج الي غادي ديري .
اول شيء ما تبقايش ديري كريم ب ب ملي تبغي تخرجي ، بالنسبة لكريم مرطب ملائم لنوع
بشرتك يعني مختلطة وحساسة غادي نعطيك اقتراحات والواقي حاولي تشري افين رائع خذي
كريم وما تبقايش تكثري عليها باش يترمم جدار البشرة الي رهاف بقوة المواد الكيماوية
الي استعملت ديال طبيب الجلد ، بالنسبة للزيوت ما عرفتش اشمن نوع تتستعملي لان الزيوت
الرخيصة الثمن ماشي زيوت راها غير ملائمة وتتكون لها انعكاسات سلبية على البشرة
وبالنسبة للبقع غادي ديري قناع خطير وان شاء الله غادي تشوفي انا بدات تتزول والي هو
شوية اللوبيا البيضاء طحنيها مزياااااان وغربليها ومن بعد خلطي بشوية الحليب وديريها
لوجهك وخليها من 20 د حتى 30 دقيقة وغادي تشوفي كيف البقع غادي تبدى تمحى وتزول
ويتصفى لون البشرة وترجع الاشراقة والنضارة .
البرنامج الي خاصك تبعي التنظيف بحليب ولوسيون يكونوا موالمين للبشرة ديالك وماكاينش
ما احسن من كارنيي ولي عودة ان شاء الله والله يفرحك يارب ويسر امورك حبيبتي .

مضطرة للخروج ولكن غادي نرجع ونعطيك برنامج منظم باش تبعيه ان شاء الله
والله يجيبنا في الصواب .

ختي مريم الله يسهل أمرك ويحقق مرادك شكرا على إهتمامك ورد
الزيوت اللي كانستعمل كناخذها من الصيدلية غادي نصورها إن شاء لابراي عند راجلي هههه
أنا كانديرbb كريم لأن بليكرون كايبان وجهي بلق بزاف وهو كايبين لوجه طبيعي وش يقدريضر لي لبشرة مع الشمس ؟؟؟؟ كايقولو فيه نسبة حماية من الشمس ؟؟؟؟؟
أنا غادي ناخذ إكغون أفين على حسابك ههههههههههه
بالنسبة لغاسول الوجه أش بان ليك نبدّل ستافيل بشي نوع آخر كانحس به مكايغسل لي والو ههههههههه؟؟؟؟
عندي مقشر لإزالة الرؤوس السوداء من ڭارنييه كانغسل به مرّة مرّة؟؟؟
أنا إن شاء الله نتبع البرنامج ديالك بالخطوات لهذا كانفضل تكتبي أسماء المنتوجات اللي نشري
وبالنسبة للماسك غادي نبداه من غدا إن شاء الله
سمحي لي بزآآآاف صدعتك معايا الله يحفظك من كل شر

اختي ام امين ووليد حاولي تفعلي الرسائل الخاصة ديالك راه ما مفعلاش لانني بغيت نراسلك على الخاص لكن ما لقيتش عندك مفعلة وبالتوفيق ان شاء الله غادي نحاول نكتب لك هنا نيت ونصور لك المنتوجات كذلك باش تعرفي اشنو هي والغاسول بلاش منو لان البشرة رهيفة خليها تجبر بعدا غير خاصك تنظفيها ومن الليل الليل مسحيها بماء البابونج باش يزول لك الاحمرار ويهداها ان شاء الله ولي عودة مرة اخرى راه الجهاز معصبني الله يسر الامور .

شكرا أختي مريم الله يكثر خيرك
هد القضية ديال الرسائل عمرني سمعت بها هههههههههههه
الله يهدي عليك الجهاز هههههه

حبيبتي ام امين ووليد بالصدفة اتفقد طلبات الاخوات ولقيت طلبك
وبما ان الجهاز كان معطل في تاريخه الان ولله الحمد مزيان غادي
تقولي لي كيف هو حال البشرة ديالك وفين وصلتي واشنو هي
المشاكل الي باقي تتعاني منها ان شاء الله نشوف اشنو عندك باش
نرد عليك بكل فرح وكاين الجديد ان شاء الله قريبا سيطرح وذيك
الساعة تبرعي ليا مع راسك في انتظار ردك على الاسئلة
والله يجيبنا في الصواب .