( نحو القمة ) يناديكم

Read more: https://www.anaqamaghribia.com/vb/sho…#ixzz17KHC6WbZ
اوا قولولي كيف جاتكم

ام عمادو شاركتنا اناقتها

دنيا المحبة اعطتنا وصفات للجمال:
أنا القناع لي كندير شعري هو يوغرت مع شوية العسل وبيضة تيخرج تيبري
وهده تقريبا شي شهرين وليت كنديرالحنا مخلطة مع شوية الخل وعصير الحامض وكنزيد كاكاوأو نسكافي أوnutella كل مرة شنو كنغسلو وندير ليه الزيت حيت شعري ناشف

حتى في لحظات الشك والريبة كنا متضامنين
نجاة الحزينة
بسم الله الرحمان الرحيم وسلامي الحار الى المديرة الغالية والمراقبين وأعزكم الله ونوركم دنيا واخرة أخواتي الاعزاء أنا مقريتشي بزاف باش نكون مطورة حتى نهاد الدرجة ..أنا انسانة تقافتي محدودة..منقدرشي نتلاعب مع خوتي ليبغاوني وفتحولي قلوبهم…لأن غدا غدي يكون القبار داري ويكون الحجاروسادتي ويكون الكفن الابيض ثوبي… أنا ملي فتحت أول مرة بيسي قالي ولدي اشرف أماما مقبلوكشي وعاد كتبت أم أشرف وعصام عاد قبلتوني.. أنا معندشي 4 ديال العضوات انا تحشيمت وتبهديلت مع ليتاقو بيا وف نفس الوقت كرهوني….بلحاق جيت نوضاح على أم هواء…اقسم بالدي خلق السماوات والارض رب العرش العضيم..ام هواء مجودة معنا في الدار ونا حاشكم بحال الحمارة معرفاشي بيسي مكيقبلشى 2 ديال العضوات…وهي دائما كتهدار مع كاب راديو المغرب كامل عارفلها المشكل ديالها ….وانا دائما بحال ليقلتلكوم كنجيبها فراسي ….اما انا أم عصام وأشراف يالحبيبة دالطنجاوية والله ماسخيت بيك انا عارف دبا وهي ضربت عليا المديرة راه هدا بيسي غير د الناس …. أنا مشي صغيرة في السن باش نتلاعب معاكم عار عليا يخلصني ربي في وليداتي ودا دخولت بالنية سيئة شنو دائما كيوقاعلي هيدا في الحياة ديالي..سلامي الحار الى أنصر نبيك ..أم محمد …ألورياغلية..صباح صباح..كنبوسكوم كاملين من القلب وتحرمت منكم ولاجات على خاطرك ياسهام اجي لعندي ودا خافتي سولي في الباب على أم عصام وأشرف………..وسلامي الحار وخا سئتو الضن فيا عندكم الحاق راه المنتدى مخسوشي الانسان يتيق بيه ولكن ضروري من الاحتياط…راه هد ا هد الدار هدي كيدخلولها غير العزاز………….سلامي الحار الى ام جواد الغالية نتي زعما كنتي كتعرافني مكنزواقشي في الكلام ديالي……….وسلامي الحار الى نادية أم ياسر …والى الغالية أم مروان والى الغالية أريج الرحمان..والى الغاليةقرة العين..ليكونت كنحشيم ندخول ندارها من نهار ليطراحت داك السؤال عليها………..سمحولي سمحولي سمحولي أن الله غفور رحيم………..سلامي الحار الى المديرة الغالية العزيزة ونا عارفة غدي تضربي عليا دبا كنبوسكم ومكنضونش نجبار شي حباب بحالكم ………….باي باي عليكم أم عصام وأشرف

المشاركة الأصلية كتبت بواسطة الواثقة بالله مشاهدة المشاركة

المهم اخواتي نغلق هذا الموضوع الذي بدا نحو القمة لكن للاسف انتهى به الحال في الهاوية
يغلق الموضوع ويمكنكن فتح موضوع جديد لكن بالشروط المنظمة للتجمعات الموجودة في الرابط التالي والمرجو التقيد بالشروط كي لايغلق الموضوع
https://www.anaqamaghribia.com/vb/sho…E3%E4%CA%CF%EC
سبحان الله وبحمده سبحان الله العظيم
ommhd

السلام عليكم ورحمة الله وبركاته
كيف احوالكن اخواتي نتمنى الجمع اكون على خير ما عرفتش علاش اي تجمع تنعملوه تيتشتت دغيا واش هادشي مستهدف او صدفة تنتمنى اجابة من مشرفة وياريث الاخت الواثقة بالله تفتح لينا موضوع نتحاور فيه بصدق وشفافية ويكون خصيصا للاعضاء يعني كل من هو زائر فقط ما عند ما يدير عندنا وتنتمنى من الاخوات ما يدكروش الاخت ام عصام بالسوء لانها مهما كان هي سبب لمتنا هاته ورغم الهفوات انتاعها ما ننساوش انها كانت عاملة حيوية في القسم وعندي واحد التعقيب على دخولها بزوج عضويات ممكن اكون الامر راجع لعدم ارادتها الفصح عن هويتها الحقيقية وهي تطرح المشكل او ان الاخت ام هواء انسانة قريبة جدا منها وتدخلان من نفس الجهاز المهم هو تجاوز سوء الظن لان بعضه اثم واحنا هنا تنتعامل مع شخصيات افتراضية يعني الحدر واجب ولكن حكم الدين ديالنا تنتمنى من كل قلبي ان كل العضوت يكون صريحات مع نفوسهم قبل ما يكون صريحات معانا لان كل قول او فعل محسوب وعليه رقيب فلا نغفل هاته المسالة

ترطيبة wella strate كترجاعلي الشعر غزال
والصباغة كنستعمل loreal الشهر لي فات عملت كلور كرونة نمرة 37 عملت غاوحدة مقدتنيشي بزاف وغدا غانزيد أخرة
أما الزيت لي كاندهان بيه شعري غزال وريحتو خفيفة بالورد وكنجيبو من البلاد من الريف خاص غير بالشعر
أما ملي كانغسل شعري كندهنو بديك الزيت ها إسما flecos brillantina ديال إسبانيا ولكن كتباع فالريف

يارا2019عندها بصمة كدلك
اليانسون>>>>حبات الحلاوة ولا النافع اختك زرقة ماكتفرقشي فالإسم ولكن الوصف هاهو<<< هو الحب لي اغليض ومايل للصفرة وريحته ريحة البسباس حيت هو نيت
الطريقة تاخدي مقدار ملعقة متوسطة وتهرمشيه اشوية فالمهراز >>طبعا منقي مزيان وممسوح من الغبرة>>

غتحطيه في كأس وتكبي عليه ماء غليااان وإذا كتعجبك الحلاوة حلي بالسكر حسب الرغبة واستنى اعليه شي 3دقايق حتىيطلق وصفيه واشرب بالصحة والراحة طعمه لذيذ وجدا مفيد
واشرب منه اشحال ماتبغي ماتخافشي منه وقتاش مابغيتي

نادية ام ياسر بقلبها الكبير شاركتنا عواطفها النبيلة

خواتي الحبيبات قصدتكوم والمقصود هو الله تعالى
اليوم وانا خارجة من المدرسة لقيت حادثة سير جوج دراري قراو عندي كيدوزو الامتحانات التجريبية فالثانوية خرج فيهوم كاميو وماتو بجوووووووووووووووووووج انا لله وانا اليه راجعون .قلبي بغى يطرطق ودموعي مبغات توقف الله المستعان.
دعيوا عفاااااااااااااااااااكوم مع الاسرتين الله اصبرهوم وحتى انا الله اصبرني راهوم ولادي يااااااااااااااااارب ارزقني الصبر.
التلاعب بارواح الناس بهذه البساطة؟قدر الله وماشاء فعل ولاحول ولاقوة الابالله العلي العظيم .

عضوات غيرن اسمائهن وما زلن في القلب
باركو ليا الاسم الجديد diaou al badr بدل amatou allah باش منبقاش نتلف مع اللي كيحملو اسم امة الله

وصفة ام عصام وقرة
هاهي الوصفة الحبيبة عمل كمية كبيرة الخزامة مع كمية صغيرةالورد وعملهم في السطال وكوب على السطال الماء طايب وخلي ربو يطلع معاك مزيان…..
ومن بعد شبر القليل منداك الخزامة والورد لي فسطل وعملها فوحد الدرة وحطها مع الفرج ديالك وليلة سعيدة ياأختي وبصحة والراحة. وعندك تشبر الدراري

اختي ام عصام
وصفة التضييق راها مجرباها مند ولدت ولدي معاد عمره الان 8 سنين
والله رحمي متل الزجاج نظيفة وليس فيها شيء
كناخد خزامى ونغليها واتركها تدفئ وناخد حجرة شبة ونغسلها مزيان ونديرها في الخزامى ونتركها فيها حتى نحك سناني ونمشط شعري ونتوضا بيها كناخد الحجرة ونغسلها ونغلفها ببلاستيك الغدائي ونحتافظ بها باش متلاوتش وتدير لي التهاب
لهدا كنغلفها
وهده العملية ليس بالضرورة يوميا فقط عند اللزوم هههه

قرة عين زوجها

اقتباس:
المشاركة الأصلية كتبت بواسطة أم عصام و أشرف مشاهدة المشاركة
شوف لعندو شي وصفة نحيدو الغنبوج والشعكوكة يقولها خصنا الرومنسيا.
شوفي دهني راسك دايما بزيت الحبة راه كيرد شعرك حرير والله وخا يكون متل الجكس
والى خلطتي زيت الحبة والزيت العود مع زيت اللوز واركان ودهني وجهك كيولي كالجليجة
وكيشد الصدر وبالتجربة

قرة عين زوجها

خل التفاح مع ماء ورد بارد بزاف كتدهن بها صدرك دائري كيشد الصدر وبالتجربة

بلقيس72

وحتى زيت بلدية منين كنستعملها مرا مرا منين مكيكونش فيا العكز كيصبح وجهي رطب بحال دالبيبي اوا صافي انا قررت دابا نستعملها يوميا وانتوما اش كتديرو

دكتورة ام رشى

هانا رجعت معاكم المهم اول حاجة تنقولها لكل العيالات ديرو مرايات بزاف فدار او خصوصا فالكوزينة بزاف تلعيالات تيكونو مشغولات او بهز حط حتى يولي منظرهم فظيع تيدخل راجلها عليها ديريكت تيكون شاف نونو فزنقة او لقى بوعو فالدار هههه لهدا ضروري تيكون مرايا تفكرك راه شعرك تشعكك وجهك تكرفس حوايجك توسخو لبسة تروبلات صافي تفهمنا على المرايا بنسبة للباقي اختي خصص يوم واحد فقط فالاسبوع لجمالك العام يكون فيه تغدية للبشرة الشعر كوماج تنظيف المهم عناية كاملة بنسبة لشعرك من وراء الحمام نشفيه سيشورار او لا بطريقة ليتتريحك بنسبة ليا انا تندير سيشوار خفيف على شعر او مسخونش بزاف تينشف لي شعري او يسرحو او تيسهل عليا تلاعب بيه او انا فالكوزينة لان شعري طويل تيبرزط شوية غير المهم يكون شعرك مشدود بشكل جميل يجي مع وجهك او لابس نظيف او انيق حاولي تختار لوينات منسقة فحال الى غتخري متقوليش راه دار ماشي مشكل لا لاناقة خاصها تكون اكثر فدارك منين تكملي شقاك او تخسلي معانك او طيبي عشاك او ميبقا ليك والو سيري كومي وجهك او دوري بحالتك فحال العرق وماجاوره ديري كريم للجسم يكون دو رائحة زوينة حيدي دوك الحويجات او لبسي لبيسة تكون مخصص لليل مرة تقليدي مرة عصري منغير هدوم ههه مرة سواري غوب او لا شيحاجة تكون سبيسيال مع صندالة عالية ضروري باش تبين البسة او المشية كدالك سرحي شعرك بحيت يكون منسدل عليك متخليهش مجموع ديما الى كنتي لابسة شي سوار ديري ليه مشيطة خفيفة راه عطا الله فالانترنيت مشاطي بساط او ديري مكياج خفيف ماشي ضروري تعبي نفسك بمكياج كامل باش متعيايش او باش ميملش راجلك خلي المكياج الكامل لنهار واحد فالاسبوع او زوج او الايام الاخرى اكتفي بعويناتك او فيمك او الوجنتين يكونو حشمانين او الوجه نقي او حتى الى مكانش مكياج المهم يكون الوجه نقي او حمير او العوينات مكحلين ايوة ديك الساع سربي عشاك بكل اناقة او فالايام الخاصة فحال يوم اجازة زوجك ديري شهيوة خاصة او شميعات او ديك ساع مكياج كامل باش يكون عند راجلك يوم خاص ويكون كيتسناه بفارغ الصبر ايوة او متنسايش كل مرة حاولي تدير مفاجاة ولو بسيطة المهم مفاجاة فحال انك تكتبي سميتو بشكلاط او تكتبي حداها احبك فشي شهيوة او لا تدير ليه شي جلسة فشي مكان اخر فدار فحال تخلي المكان المخصص للاكل او تمشي لبيت نعاس تسربي فيه الاكل فطبيلة صغيرة بشميعات او لومب بدون اضواء فصباح نوضي جمعي الروينة لي درتي بليل هههه نصبي غداك رديه او عجني خليه يخمر او غسلي الماعن لوحي الخبز للفران او انت تتقادي شلايظ كمليهم خرجي الخبز جمعي الدار او سيقيها او هانتي ساليتي الى كان عندك صابون لوحيه فالمكينة او كل ساع دوريها حتى تكوني بغيتي تسيقي او خرجيه او سيقي عاد منين تسالي كل مرة جبدي ركنة مرة مري الماعن مرة خملي شي بلاصة متديريش كلشي فمرة باش متعيايش او تاخديش وقت كبير مرة جبدي بلاكار مرة جبدي الاخر حتى تسالي الكوزينة او هاكدا نتمنى نكون فدتك راه الشغل كلو مافيه والو غير نظمي وقتك او تسابقي مع الوقت فحال انك تحددي نص ساعة لغسل الاواني تسابقي مع راسك باش متفوتيهاش الله الموفق

اناقة طنجوية

في الحقيقة موضوع غزال انا كنت كنجي غي نطل ونمشي بلحاق دابا راني مسالية ليكم وغنقولكم انا شني كنعمل
الي قالتو ام رشى كله صحيح
انا ملي كنغسل كنحط قطرة د زيت الخروع مخلط مع زيت اللوز وكندهنها مزيان ف يدي وكنحطها على شعري باقي مبلل وندوز المشطا ونجمعو المهم ان شعري قصير دابا ملي كيبس وكنسرحو ما نقولكمش على النعومة والبريق كاني عاملة السيشوار وكيبقى مزيان وان كنبغي دايما نكون متانقة باش حتى ادا جا شي ضياف على غفلة يلاقاوني كنشعل ماشي الدار نقية وانا حالتي حالة لالالا انا اهم كنبدا براسي هي الاول ملي كنفيق من النعاس كنصلي وكنمشط شعري اما نخليه ملموم نصن نص او كله على حسب وكنضربها بتكحيلة ديال العداو هههههههههه وانا نقلكم سر التكحيلة الي بغاتها وكنحط الكلوس ونخليه فوق الكومودين الي عندي حدا باب الدار باش غير كيدق شي حد كنحط شوية ف فمي دايما كنوع ف اللباس ديالي عندي مجموعة ديال الكيطمات مزيرين الي انيقة بحد داتها ف مختلف الالوان كندير بيهم الشغل وادا توسخت نحطها ف التصبين ونجبد اخرى ومور الغدا كنجمع الدار عاوتني ونغسل القشوع ونقاد ثاني
المهم انا كل مرة كنطل على المراية نشوف راسي كيف يمكن كيعجبني راسي ههههههههههه هي غير تعودي راسك عتولي عادة يعني حتى مع نفسك ما تقدرش تشوف راسك حالة والا عتعقدي وماعمرك تعملي شي حاجة
نزيدكم الي كيشكي من شعرو او الي ما كايشكيش نصيحة تغسلو شعركم بالسدر لانه ما كيتكرفش على الشعر وكيخليه ناعم وكيعطيه البريق المطلوب ماشي فحال الشمبوان وكنخلي الشمبوان مرة في الاسبوع فقط
عندي مجموعة د الخلطات انا كنعملها لراسي وكنعدل مجموعة من الزيوت كل مرة كنعمل منها
بالنسبة للكوماج ادا جاك ديال فرماسية غالي ما الك الا ……………………………………

نقول
نص طاس د دانون مع ملعقة ديال السكر كتحطو ف وجهك بعد ما تغسلي بحركات داءرية لمدة 5 دقايق وتتركيه ربع ساعة او ثلث ساعة وشللي بالما ومن بعد حطي شوية د الزيت العود او اللوز كيكون وجهك سخون كيتشرب الزيت دغيا ورجعي مسحي بدريرة نقية وها انتي كتشعلي مع الكحول الي على حقو وطريقو والكلوس في الفم
وخليك واثقة من نفسك وبغي راسك واهتمي بيها لان ادا ما اهتميتي انتي براسك شكون عيهتم ومل نخبيش عليكم حتى راجلي كيصدعني ف راسي وهو يقولي اني اجمل امرا ة وما فحاليش حتى كيخليني نتيق اني اجمل من داك الشي الي ف الشارع الحمد لله والشكر هدا من فضل ربي
واقيلا طولت عليكم

اناقة طنجوية

تبارك الله عليكم كاملين وما نتفضلش عليك اختي بلقيس انا باقا ما عنوض من البيسي عاد جلست واحد نص ساعة ثاني عشيت راجلي وعطيتو وقتو لانه كيجي مع 5 وراه كيتفرج دابا وولدي راه نعاس
انا المهم كنخصص يوم ف الاسبوع ن ديك الرومانسية الكاملة مكمولة الي كتكلمو عليها ومرة كنلبس الميني مرة المزيار مرة الشفاف مرة البلدي على حسب باش ما يطلعلوش ف راسو حتى هو كيبقى يتسنى ديك اليوم بفارغ الصبر ههه وهو كيمشي يختارلي الي غنلبس وكيقولي انتي كتعطيني نقطة بنقطة باش كنبقى دايما جنبك باش ما يملش وتقريبا كل عام كنعمل تقطيعة د الشعر جديدة وكنبدل اللون مرة صفار مرة قهوي مرة احمر مغلوق ودابا اسود كان عندي الشعر حتى لنصي ودابا راهو كاري طويل من القدام يعني ما تخافوش عليا راني ماشا مع الموضة اها ههههههه
لصحة الشعر ضروري اقول ضروري تنقص منه شوية كل شهر وما تنساوش تغسلو بالسدر وتشربو الما مزيان
اما اختي بلقيس على ديك القيلولة والله ما بقيت كنعرفها لان ولدي كيجي مع 2.5 تبارك الله ما بقالي ما نعاس حيت ولدي عبد الرحمان عنده التوحد الله يشفيه ويشفي اطفال المسلمين كنعطيه يتغدى ونغسل القشوع وكنصاوب شي شهيوية لان راجلي كيجي مع 5 وكنلبس شي حاجة مزيونة
انا ادا ما كانش عندي الشغل كنتمد شوية مع 10 ل 12 نرتاح ونوض عاوتني او لا من 11 ل 12.5 على حسب لان راحتي هي الاولى وباش ما يطلعليش الدم والشغل ادا سعفتيه ما كايتسلاش وكل واحد يعمل النضام الي كيناسب ضروفو وحتى ادا جا شي حد عندي يلقاني فايقة نشيطة
بالنسبة للكحول انا كنستعمل قلم الكحول ب 15 درهم سميتو lelgance
قبل ما تستعمليه شعلي راس ديالو بالبريكي شوية غي شوية خليه واحد دقيقة باش يبرد او نفخ عليه ودوزي فوسط العين من فوق ومن تحت ومن فوق خط خفيف من برا وردو عليا الخبار تقولي السنطا ماش الكحول وادا نعستي ونوضتي ما عليك غير تمسحي من تحت وها انتي بقيتي مكحلة يومين

أم عمـادوو

تبارك الله على الغزالات

الله يحفظكن لأزواجكن وأولادكن يارب

بصراحة قريت الموضوع من اول الصفحة وماقديتش نطلع بدون مانكمل للآخر

تبارك الله على الكل هنا كل وحدة باسمها

حالتي ماشي أحسن من حالتكن في الحقيقة

كل وقتي للاطفال نراجع معاهم الدروس

وعندي ولدي الصغير مازال يرضع

في الحقيقة انا رومنسيتي تختلف عن رومنسية الاخوات

ماعندي مع المكياج ولا مع زيوت الشعر ولا مع اللباس الضيق

ولا حتى مع الشموع الي تخلي الغرفة رومنسية

يمكن لان راجلي ماعندوش مع داك الشيء ويمكن لاني مامتعوداش..مانعرف كل الي نعرفه انني رومنسية بطريقتي الخاصة

زوجي لما يكون في البيت وماشي مسافر

لما ينعسوا ولادي في التسعة نحاول نقلب على شيء فيلم زوين نتبعوه

ودائما اكون قريبة منه وبين فترة وفترة نسمعه شيء كلمة زوينة

ونحاول مانجيب الهدرا على دراري ونتفكر الماضي وشيء وقت زوين

او كيفاش كنت كنفتقده وهو غايب عن البيت وكيف مانقدر نستغنى عليه

واذا نعس الصغير قمت حطيته في بلاصته وغيرت ملابسي وعوضتها بملابس حرير نتاع النوم

قميص بالروب نتاعه وهذا بالغالب يكون من اختياره وهدية منه

نحط كريمات معطرة على كل بلاصة بجسمي وشوية عطر مثير من نفس الاسم للكريمة

نسرح شعري واذا كان خفيف حاولي تصاوبي تقطيعة ماتبينش انه خفيف بزاف وتبين وجهك بشكل مقبول اكثر

الكحول شيء مهم بالنسبة للمرأة لانها عنوان جمالها

انا مرة نحط كحول عادية ومرة نرسم بالقلم ومرة غير ماسكرة

الي بغيت نقوله لاخواتي

اياكن الذهاب الى الفراش بالبيجاما

لان الراجل حتى لو ماقالش فمنظرك بالبيجاما الي كتلبسيها بالنهار ماغاديش تخليه يشوفك مثيرة ابدا

فحاولي تكوني مثيرة وانيقة حتى لو مادرتيش في بالك شيء هديك الليلة

الله يوفق الجميع ويسعدكن يارب

وسامحوني على الاطالة

بلقيس72

اوا انا دابا منين نسالي ونعشي اولادي نمشي نرطب كدامي فالما السخون ونحكهوم بالحجرة مزيان ومن بعد نتحمم غير من حد عنقي شعري لا كنعسلو غير 2مرات فسيمانة اوا ندير شي كريمة مرطبة لجسمي ونتعطر ونمشط شعري ونكحل عاوتاني العوينات البنات كنت كنكحل غير فالمناسبات وليت دابا كنكحل 10 مرات فالنهار اوا اش ضهر ليك ام عصام فالمراهقة ديالي ههههه اوا نلبس شي لبسة زوينة

دكتورة ام رشى

املينة المكياج راه ساهل بزاف غير تشجعي او بداي المهم فالمكاب انو يكون الوجه نقي و مافيهش زغيبات باش حيت تديري الفوندوتان يبان غزال فوندوتان يكون فحال بشرة متاعك ميكونش فاتح عليها اما الى فيك شي عيوب فغتحتاجي الكوغيكتور لي غتديريه فوق التراس او تمسيه بخفة باش يبقى مغطي ليك عاد تديري الفون دوتان لي على شكل كريم او تخلي الغبرة هو الاخير هادي هي طيقتي فالمكياج لي تتجر رائعة حقيقة عاد ديري عينيك لون تفوق العين حطي باول العين لون فاتح و النصف تاني دخلي عليه لون اخر اغمق باش تبان عينك رائعة الى حدرتيها تراسي عينك كيف كيجي معاك او لتحت متاع العين ديري فيه الون لي درتي التحت من جنب السفلي او الى معرفتيش تقنيه ممكن تشري سوبوبي على شكل اقلام يجيوك اسهل من الفرشات تراسي حجبانك او خودي شوية متاع الون الابيض ديريه فمساحة بين العين و الحاجب او كدالك فاسفل العين باش يحيد اي لون طاح او انت تتقادي او تبان العين نقية او غزالة عاد ديري الفون دوتان الغبرة او الفاغجو فالون لي يناسب بشرتك او باش يبان طبيعي ديريه بشكل دائري من الوجنة لمحيط لي حدا العين بشكل افقي متخليهش غير فالوجنة بوحدها بعدها ديري تراس لفمك الى كان فمك كبير دخلي التراس على حافة فمك او الى كان فمك صغير ديريه فالحافة عادي او الى كان صغير بزاف ديريه فوق الحافة بشكل غليظ بحيت يبان يتراسي الحافة و فوقها عاد غوج دو ليفغ الى كنتي دايرة عينيك لونهم غامقين ديري العكر فاتح او الى كانو العينين فاتحين ديري الفم غامق اما الى بغيتي امثلة من مكياجي ممكن تستعملي العين متراسية مزيان او شفار كدالك بالاسود او فوق العين ابيض و اسود و الفم فيه احمر غامق هادشي الى كان شي سهرة او هانتي كملتي المكياج عندك تنساي الاكسيسوارات مهييييييييمين او شعر كدالك بصحة مسبقا

سؤال لكل من هو رومنسي…هل لديكم الجراة لعمل هذا

https://fashion.azyya.com/attachments…9ba78fb470.jpg https://fashion.azyya.com/attachments…82a7149e1f.jpg https://fashion.azyya.com/attachments…83a3551671.jpg https://fashion.azyya.com/attachments…334852d830.jpg https://fashion.azyya.com/attachments…af784632b6.jpg

https://fashion.azyya.com/attachments…b513f28216.jpg https://fashion.azyya.com/attachments…bf69d6d3a7.jpg https://fashion.azyya.com/attachments…cee0572b15.jpg https://fashion.azyya.com/attachments…d1d2bca21f.jpg

السلام عليكم ورحمة الله تعالى وبركاته
المضوع مهم جدا وهو مشكل تعاني منه اغلبية النساء و وربات البيوت بالخصوص والعيب ليس في الوقت و لا في المراة بالدات العيب في الامهات اللاتي سهرن على تعليمننا اصول الطبخ والكنس وطاعة الزوج و تربية الاولاد و نسين تعليمنا فنون الاعتناء بالنفس قد تعاتبننا اليوم لاهمالنا انفسنا و هن اولى بهادا العتاب لان التلقين لا يكون بالكلام فقط بل بالفعل فلو كنا نرى امهاتنا متربصات امام المراة و يتفنن في تجميل وجوههن كما يتفنن في الطبخ لما كان حالنا هكدا ولما انتشرت الرديلة نعم نحن من بين اسباب الخيانة الزوجية و تفشيها نحن من تسمح لزوجها ان يرى مفاتن اخرى باخفائنا لمفاتننا نحن من يجعله يبحث عن صدر مشدود و عطر باهمالنا للياقتنا و تطرنا بالبصل و الثوم و القزبرة وروائح اخرى حتى الخنازير تفر منها
سيدتي اما ان الاوان ان تنهضي من سباتك العميق و تغيري حياتك ام تنتظرين من الزمن ان يصفعك بخيانة او نظرة احتقار او شيخوخة
لن استمر في عتابك اكثر بل ساستحلفك الله ان تمنحي كل دي حق حقه فلنفسك عليك حق حق في الغدء حق في العم حق في النظافة حق في الزينة حق في الاحة ووووو والحق لاكبر في الدين فلا تجعل الله يحاسبك على اهمالك لها لانه باهمالك هدا تهملين حق زوجك في التمتع بك و حق ابنتكفي تربتها على الاعتناء بنفسها وحق و لدك في تلقين زوجته ف التجمل للوج وحق امك في عدم تحسيسها بدنب عدم تعليمك اصول التزين للزوج و حقحماتك في اسعاد ابنها ووووو هل استوعبت اختي كم عدد الناس الدين ستسعديين بالتفاتة بسيطة لنفسك و اكثر من ها حق ربك في اظهار نعمهعليك وهو القائل عز من قائل فاما بنعمة ربك فحدث فارجوك اخيتي لا تبخلي بدقائق معدودة تصلين فيها و تتجملين ولو بخط كحلة في عينيك و ثوب جميل و نظيف ورائحة مسك تريحك و تريح اعين زوج مشتاق لرؤية عروسه فكوني عروسته كل ليلة ……..لي عودة

أم عمـادوو

سمحلي ازين ديالي نعارضك هنا

صحيح امهاتنا ماعموناش كيف نتهلاو في رجالتنا وفي راسنا

لكن مازالا عاقلة على الوالدة الله يخلها لي لما كانت تدير شغل الدار في الصباح

ومايجي العصر حتى كانت دوشات وكحلت وحطت سواك ولبسات التقليدي سوا تكشيطة او قفطان او لبسة وجدية, وماكانت تحط يدها في الصابون بعدها

والمواعن ديك العشية والليلة عليا والسهرة ليها ههههههه

مازالا عاقلة هذا كان حال يما وحال نسا عمامي في الدار الكبيرة

وكنت انا نتكلف باخوتي الصغار وممنوع الصداع في الدار

ودبا ولادنا والدار ماخذين كل وقتنا, واذا لقت شيء وحدة فينا شيء وقت شعلت التلفزيون

اما الراجل اختي اذا بغا يدور برا فبسبب او بدونه, والي يخاف ربه فاكيد راح يطلب الي نفسه فيه من مراته وفي الحلال

oumimad

قال رسول الله صلى الله عليه وسلم ‏:‏ ‏{‏ خير النساء التي تسره إذا نظر‏,‏ وتطيعه إذا أمر,‏ ولا تخالفه فيما يكره في نفسها وماله ‏}
فالتَّزيُّن من المرأة للزوج، هو واجبٌ عليها وحقٌّ له لا يَسقط وإن مضى الشطر الأعظم من الحياة يقال"خيرُ النساءِ التي إذا أُعْطِيَتْ شَكَرَتْ، وإذَا حُرِمَتْ صبَرتْ، تَسُرُّكَ إذا نَظرتَ، وتُطيعُكَ إذا أمَرْتَ"

اناقة طنجوية

صباح الخير عليكم وتبارك الله على النشاط والحيوية والاناقة الطبيعية الله يعطيك الصحة ام عماد عندك الحق حتى الراجل ادا ما قال والو راه لازم يشوق المرا ف المنضر الي كيسر علاش هو مسكين ما عليهش الله يمتع النضر ديالو ف الجمال الرباني الانيق الي عطاهلنا الله
ومع كثرة البنات العريانين الي ف الشارع الله يهدينا ويهديهم ويستر علينا وعليهم خصنا لازم و مؤكد نسايرو الموضة بغينا اولا كرهنا والموضة الي على طريقنتا اكيد ونبانو حسن منهم لان الحمد الله فعلا حسن منهم لاننا بديك الاهتمام براسنا فيها فواءد كبيرة لينا ولدارنا ولولادنا واهم شي لديننا ومرضاة لله لان الله جميل يحب الجمال
ايوا عتقولولي الراجل ما كيهتمشي عنقولكم وماشي تكونو مرة وتجيو وحد النهار اولا النهار كله حالة مرونة ف راسكم وتجي حتى لاخر ساعة عاد تنوضي تحيحي طبعا ما عيقبلهاش لان كاين الي كيتقبلش التغيير دغيا كيكون تسانس مع واحد المنضر وفجاة هوووووووووووووووووووووووب
الله يعطيك شي خير وصافي يعني ملي تفيقي تبداي نهارك متولة ف حالتك وراه غادي يتسانس وعيتطلقلو لسانه ههههههههههههه وبلا ما تجي تقوليلو من اول نهار كي جيتك يمكن هو بديك الحشومة ديالو او كاين الرجال الي ما كيرضاوش واخا يشوفك مزيونة يقولك مالكي ياك لاباس
بلحاق مجرد الابتسامة ف وجه زوجك ملي يشوفك مقادة راه هاديك هي كل شي فحال الي قالها وبعد المرات السكوت ابلغ من الكلام
حتى انا ادا شفت شي مرا ما ديهاش ف راسها وناضت فجاة تزوقات ولبسات عنقولها مالك مشا حضارة او لا جايينك شي حد ههههههههههه اولا
ومع الايام عتعرفو هاد الشي الي كنقول والتغيير الي غتحسو بيه وما تنساوش تخصصو شي وقت ف النهر لقراءة القران باش تطردو الشيطان الله ينعلو ويخزيه وتنشرو السعادة الحقيقية ف بيوتكم
لان اغلب الوقت كيمشي غير ف الدار وكنساو الدكر ونساو رووسنا وهدو هم الاولويات وماكايديوش الوقت خص غي النضام وتطرد العكز الي معشش فينا وتعود من الشيطان الرجيم ودكر الله بالادكار الصباحية والمسائية وانتي كتخدمي ف نفس الوقت
وتبارك الله عليكم والله يسر امرنا جميع

تودا

اختي بلقيس ان غادي نعطيك واحد الوصفة ساهلة ماهلة داكشي لي كايكون داخل لخيارة يعني البدورلي فيها لداخل ودهني بها وجهك مزيان وشحال ما خليتها في وجهك مزيان ان هادشي لي كاندير مرا مرا او يوميا على حسب راه غادي يولي وجهك رطب وحمر بحال الا دايرة فاراجو.

انصر نبيك

اخواتي الغاليات هنا جيت هدا كل بفضل اختي وصديقتي الغالية لي تعرفت عليه من خلال المنتدى ولات بنتنا اتصالات ومكلامات الله يجازيها بالف خير راكم كتعرفوها اختي حبيبتي ام محمد ونفس الوقت ولفتكم راه تيقولو الولف الصعيب
المهم بالنسبة للشيب راه مجربة والله الاغزالة وليت كنديرها سمعتها منعند مدام نبتة وهي تاخدي البصلة وطحنيها مع شوية الماء فمولينكس ومنبعد صفيها وديريه الشعر وفركي مزيان فروة الراس راه كيتحد وكتحيد حتى القشرة راه كنستعملها وترطبحيت ختكم بدا كيبان الشيب درتها وتوقف

انصر نبيك

عندي ليكم وصفة بالنسبة لحناك باش يون حمرين وكتشد البشرة حتى هي كنديرها وهي تاخدي قطع من الثلج وتبقاي ديري مساج الوجهك نوضو ديروها دابا وردو عليا الاخبار
عندي نصيحة ملي تكوني الحمام وتسالي وتبي تخرجي السطل الاخير تاع الماء ميكونش سخون برديه يكون قريب الباردوشلي بيه اما بالنسبة للوجه ملي تلبسي بنوارك غسليه بالماء البارد حتى تحسي بلي وجهك برد هادشي باش يشد الوجه حيت الماء السخون كيرخي الوجه وعندي ليكم مصكات لي كندير ومتخافوش منهم جربو تاع التلج وقلو لي النتيجة وعاد نعطيهم ليكم مبين منوجد كاسكروت لوليداتي ونرجع

أم عصام و أشرف

ملعقة الشبة مطحوتة+قليل من المسكة+قطرات الحامض….خلطي الجميع ودهن واحد المرة في الاسبوع رائحة طيبة وصحية ووداعا ياريحة الآبط مجربها مند سنين.يا لله شي وصفة مجاربينها

sabahsabah102

بسم الله الرحمن الرحيم اللهم صل على محمد وعلى آله وصحبه أجمعين
صباحكم مبروك يا الانيقات هاكا نبغيكم حادكات نشيطات وانيقات حتى انا حيدت علي العكز و نعلت الشيطان و درت هاد لماسك عطتولي اختي
النخالة+1/2 ملعقة صغيرة العسل + دانون طبيعي وخليه في وجهك وعنقك 15 دقيقة و غسليه بالماء الدافئ زوين بزاف
و اعطاتني هادا لتقشير البشرة :
سلقي حبة ديال بطاطا و واحد مطيشةو طحنيهم و ديري الخليط يكون دافئ على وجهك قالتلي اختي عنداك ديريه سخون شوية(عارفني ما كنعرف والو في الماسكات هههههه) تشوطي البشرة ديالك يكون دافي لمدة 10 دقائق و غسلس بالماء الدافئ
و هادا قالت لي عمليه في وسطالاسبوع :
بياض البيض + عصير الحامض شي 2 معالق طربيه مزيان و ديريه 15 دقيقة و غسلي بالماء البارد كيشد البشرة من بعد و نزيدكم الباقي حتى نجربهم

وصفات لحبيبات قلبي مجربة اتمنى تجربوها وتدعيو معاي
بياض غير طبيعي-للرقبه
والفكره مررررره سهله وهي عباره عن ملعقه عسل+بياض بيضه+ 8 نقاط زيت زيتون+ملعقه عصير ليمون

تخلط وتوضع على الرقبه مده نصف ساعه وتغسل بالماء الدافئ وتدهن المنطقه بكريم مرطب جربوا

اقنعـــة مضــــادة للتجاعيـــد

نخلط :ملعقةك ونصف عسل + 2/1 ملعقةك عصير جزر+ كمية
بسيطة بكربونات الصوديوم…. الآن نخلط العسل والجزر ونضعه ، ثم يزال بقطنة مبلله بالماء المضاف اليه بكربونات الصوديوم.

نخلط: بيضة واحدة+ملعقة ص زيت زيتون ، ونضعه ، ثم يغسل بالماء
والبكربونات.

قناع لشد و تبيض البشره ..
بياض بيضه واحده .
ماء ورد .
ماء زهر .
ملعقة نشاء كبيرة .
يخلط في الخلا ط جيدا حتي يصير مثل الكريمه .
علي فكرة هذا القناع بسرعة يجف ( يحتاج 20 دقيقه)

لنضارة البشره

يستخدم لتجميل وتلطيف الجلد والبشره
يوضع البرتقال بشكل دوائر على الوجه والعنق يوميا ولمدة شهر
من 10 الى 15 دقيقه

يجعل البشره طريه بصوره تفوق مستحضرات التجميل

قنـــــــــــــــــــــــــاع الارز : ما احلاه من قناع جربوا وشوفوا …وادعوا لي

يصفي وينعم ويبيض ويزيل النمش

فنجان قهوة مسحوق الارز الناعم
ملعقة جلسرين
ملعقة حليب طازج

قومي بخلط المقادير جيدا حتى تتشكل لديك عجينة لينة
ادهني الوجه والعنق
ويترك لمدة ربع ساعة
ثم يغسل الوجه بماء دافيء

اوا دعيو معايا

املينة

اختي بلقيس انا عندي 32 عام و شهر 5 نكمل 33
بالنسبة الاهتمام انا بديت بتقشير البشرة واحد الاخت الله يجزيها بالخير في منتدى البشرة دايرا موضوع غزال استفدت منها استعملت بومادة لمدة تلات ليالي سميتها لوكاسيد من الفرماسيان كدير 41درهم و قشرات لي طبقة الفوقانية ولكن معا هاد الشمس من الاحسن توضعي واقي و وخا مغادياش تخرجي و فصباح تغسلي وجهك غير بالماء من الاحسن الاستغناء على الصابون و ديري طالك او بوربو مخلط بماء الورد و تخليه حتى ييبس و تغسليه بالماء بارد من بعد تلات ايام عادي يتقشر ليك وجهك متجلعيش دهنيه بحليب اللي كتستعملي
و غادية تشوفي الفرق و انا منين كنوض من نعاس كناخدوية ديال الحليب اللي كنشربو كنمسح بيه وجهي عاد كنغسل وجهي بالماء معدني و مكنمسحوش باش تشربو البشرة

محبة فاطمة الزهراء

ها نتوما هادا بخور كنجابو راجلي ملي مشا نالحج هادي عامين كنعملو مرة مرة حيت باقيلي غير شوية كنتكايس عليه هههه

https://www.anaqamaghribia.com/up//up…3ca9eedf7f.jpg

و هادا عطاتولي واحد صاحبتي ليبية جابتولا صاحبتا من الامارات جالتلا 2 و عطاتني 1 الله يعطيها الخير

https://www.anaqamaghribia.com/up//up…c769c8a237.jpg

و هادا عطاتولي صاحبتي سعودية الله يعطيها الخير حتى هي

https://www.anaqamaghribia.com/up//up…9540ffcdde.jpg

يتبع جاري التحميل و ما تضحكوش

ناقة طنجوية

تبارك الله هاد الشي مبرع
ويا الله ها حتى انا نحط لكم سكسو دسالي بلحاق ديالي بالدجاج
الي بغا يبعبع ياكل من سكسو د ام محمد والي يبغي يكاكي هاهو كلشي موجود باش كلشي يبقى على خاطرو
ها واحد بالزبيب والبصل
وها الي ما يبغيش الزبيب والبصل واللبن حتى هو كاين بلا ما تعجبي يا انصر نبيك
وبالصحة والراحة
https://www13.0zz0.com/2019/04/02/15/144160013.jpg
https://www2.0zz0.com/2019/04/02/15/180078221.jpg
https://www2.0zz0.com/2019/04/02/15/899924330.jpg
والي كيبغيه مرق ها المريقات وزيد على خاطرك
https://www2.0zz0.com/2019/04/02/15/352469804.jpg

اناقة طنجوية

السلام عليكم
راكم مجمعين تبارك الله
ام عصام حفضتي ولا باقي
وردة تبارك الله عليك ايوا حيدي ديك العجيز وخليك دايما منورة فحال شي وريدة صافي
منية النفوس انتي كاملة ومانردوش عليك غير الناس الي جربوها هما الي يقدرو يفيدوك راه انا ما جربتها وعمري ما نجربها ههههههههه لاني مضيقة من عند الله
ايوا حتى توجدي لينا ديك بغرير راه شهيتو رانا كنتسنى حقي كنت عنعملو اليوم وعجزت لا ماشي عجزت عييت
ام جواد الله يشفيلك الوليدات محسوبة اجر عند الله
انصر نبيك راه ما بقيناش نلحقو عليك من نهار الي عملتي ديك الطيارة وراك نورتيني اليوم والدار كانت مهللة
ام جواد ملي شفت ديك الخبيزات ديالك ف الصباح وانا جاتني الغيرة واخا ما كنتش عنعجن اليوم حيت كان باقيلي شوية د الخبز قلت والو عنجن شتي المنافسة
ام ادم ايوا بصحتك الزاز ايوا هاكداك خلي الراجل يمتع عينو شوية ف حلاله
ام وص تبارك الله عليك وعلى حماسك زيدي راه بغينا وصفة النحافة الي عندو
بلقيس لهلا يخطيك الحبيبة والله يجعلك دايما منورة ومسرارة ا الزين
ايوا على هاد المجمع هانا وجتلكم واحد الكيكة د الكوكوط ديت القياس من نهنا وزوقتها ليكم بلحاق غير سمحولي راه داز معاها راجلي هههههههههههه
وها الي ما عندو خبز يهز شي خبزة ونخليكم نمشي نصلي ونوجد العشا ونجي صافي https://www9.0zz0.com/2019/03/29/19/214936517.jpg
https://www9.0zz0.com/2019/03/29/19/102046063.jpg
https://www9.0zz0.com/2019/03/29/18/901058118.jpg

بغيتي شعرك ارطاب ويطوال ها الوصفة

بنانة معصيها بالفورشط زيدي عليها كيوية ومعلقة دانون خلطي كلشي وعمليه على شعرك مدة ساعة والاكان فيك الجوع كولي الخليط و سير تنعس ههههه

اناقة طنجوية

وصفة تبييض المناطق الحساسة والغامقة كتبتها الاخت ياسمينة نور
لمنطقة الحساسة حتى هي كتبغي كوماج ولكن غير على برا ماش لداخل، الا غدوشي ديري ملح خشن و ملعقة
زيت زيتون و ديروهوم في يديك وحكي بيهوم المنطقة و بين الفخدين ، راه كيحايد السواد مع المداومة
و الا كملتي الدوش حكي نصف حامضة مع دوك المناطق الغامقة ، بين الفخدين وتحت الابط …
اوا الا توضيتي و غتنعسي دهني المنطقة بزيت الزيتون راه والله كيبيضها مع المداومة
كيفاش تعدل الزيوت ف بيتك طريقة سهلة
زيت الحلبة كتاخدي نص كاس ديال الحلبة المطحونة وكاس د زيت الدرة انا كنستعمل عافية وكتخلطيهم مزيان وتعمليهم فشي رضيمة صغيرة فحال الرضومة د جاج د مايونيز او د الكونفتير وتخليهم 10 ايام مرقدين ف الشمس ومن بعد تبدا تستعمليها
نفس الشي ن زيت الكتان كتعملي زريعة الكتان مطحونة و كدلك حبة البركة اما اللوز فكتستعملي اللوز المر ماشي د الماكلة
بالنسبة لزيت الثوم كتاخدي كاس صغير د زيت الزيتون وكتعملي معاها 10 ثومات بقشورهم غير كتضغطي على الحبات بشي معلقة باش كتفتح شوية وكتغلقي الرضومة وتخليها كل ما بقات كل ما مزيان
وكتبقاي تستعمليهم مع خلطات الشعر بدل زيت واحدة عندك تشكيلة د الزيوت او عملي بيه حمام زيت لشعرك او الخلطات ديال البشرة الي فيه الزيت
واللي كتغسل بزاف شعرها كنصحها تغسل بالسدر اما تخلطو مع شوية د الشمبوان ديالها اولا تخلي الشمبوان مرة واحدة فقط ف السيمانة احسن حاجة والله والي شعرها دهني وفيه القشرة حتى هي اما الي شعرها جاف ملي تخرج من الحمام تدوز يديها على شعرها بزيت الخروع غي نقيطة على الشعر مبلل وبصحتكم

ommhd مشاهدة المشاركة
ها لغديوة المغربية الاصيلة ليوم الجمعة مدو ايديكم وقولو لانصر نبيك تجيب اللبن الي نخاضات هد الصباح راه كان حليب بلحق مع الصوكان ديالها في السما عاد لبن هههههه

https://www.anaqamaghribia.com/up//up…b41514b23e.jpg

اناقة طنجوية مشاهدة المشاركة
تبارك الله هاد الشي مبرع
ويا الله ها حتى انا نحط لكم سكسو دسالي بلحاق ديالي بالدجاج
الي بغا يبعبع ياكل من سكسو د ام محمد والي يبغي يكاكي هاهو كلشي موجود باش كلشي يبقى على خاطرو
ها واحد بالزبيب والبصل
وها الي ما يبغيش الزبيب والبصل واللبن حتى هو كاين بلا ما تعجبي يا انصر نبيك
وبالصحة والراحة
https://www13.0zz0.com/2019/04/02/15/144160013.jpg
https://www2.0zz0.com/2019/04/02/15/180078221.jpg
https://www2.0zz0.com/2019/04/02/15/899924330.jpg
والي كيبغيه مرق ها المريقات وزيد على خاطرك
https://www2.0zz0.com/2019/04/02/15/352469804.jpg

اناقة طنجوية