ثبت في 30/07/2019
من طرف الهام ام سعد
اولا عواشركم مبروكة ورمضان كريم ادخل عليكم بالصحة والسلامة وطولت العمر نبدا على بركة الله
بالشباكية كيف كتعرفو الوصفات لي كنعطي راها مضمونة واليوم غادي نقوليكم بعض الاسرار في هاد الحليوات بالنسبة لشباكية نحتاجو _____زلافة الجنجلان مامحمرش بزاف مطحون مغربل مزيان _ملعقة كبيرة نافع مطحون ومغربل مزيان _ملعقةكبيرة حبة حلاوة مطحونة مغربلة _كاس صغير زبدة دايبة مصفية _ نصف كاس زيت المائدة _ كاس صغير زيت الزيتون ماعامرش _ كاس صغير ماء زهر _ وقطرات من روح الزهر _ كاس ماء دافئ دايب فية شوية الزعفران _ خميرة الحلوي وحدة _ قبصة الخميرة معجونة _ ربع كاس صغير الخل زعفران الحر محكوك_ 5زلايف الدقيق _شوية ملح 
بالنسبة الطريقة اولا اسرار الشباكية باش تجيك زوينة كلشي اتغربل مزيان تم تاخدي الزبدة والزيوت بجوج تسخنيهم شوية و تاني حاجة تاخدي الدقيق ونافع وحبة حلاوة وتبداي تكبيهم عليهم وانتي كتبسبسي الطحين مزيان بحال شكل الكسكسو تم تاخدي الغربال وتغربليه مزيان عاد تبدا تاخدي الصفاية وانتي كتكبي الخل ماء الزهر زعفران الحر وانتي كتجمعي تم الماء مرقد فيه زعفران وخميرة معجونة غادي تبان ليك العجينة ناشفة بقاي كتجمعي فيها رغما عنها ههههههه وضيفي شي نقيطات الماء الا بانت ليك ناشفة بزاف 
تم قسميها وبداي كدلكي بكرة بكرة الا مدلكتيهاش متخرج ليك زوينة وتعدبك في تشباك لهدا دلكي مزيان
من بعد ديري الكويرات في بلاستيكا وسرحي كرة وحدة بالمدلكولكن غطي ديك الكرة ببلاستيكا وطلقي العجينة وفوقها البلاستيكا حتى سر من الاسرار مزيان تكون رقيقة تحسسيها بيدك تكون متساوية 
قطعي بالجرارة 4خطوط باش تجيك متساوية في التشباك ايوا تهزي وحدة وتخلي وحدة 
___ 
هادو حليوات كنت صايفتهم لراجلي لي عجباتها شي حاجة نقولهاا ليها ___ دبا ندوزو لبشنيخة 
كنضن الصور كتوضح كلشي 
ضروري العجينة تكون قاصحة باش تخرج ليك في الماكينة ودائما طلقي والبلاستيكا فوقها وغطيهم بالبلاستيكة 
هادي الرغيفة غادي نكتب ليكم المقادير دياولها كتجي خفيفة بزاف انا نوريكم كيفاش تجيكم رطبة _المقادير ديال الرغيفة 4زلايف دقيق _ نصف كاس زبدة مدوبة مصفية_ ربع كاس زيت_ نصف كاس ماء زهر _ شوية القرفة _ شوية المسكة _ شوية ملح 2ملاعق سنيدة ماء دافئ للعجن 
طريقة كتبينها الصور باش متجيكش معجنة فاش تطلقيها قطعي الجناب بالسكين تم تنني بحال المسمن اناا عمرتها بعقدة اللوز قليتها ودردرت الجنجلان____متنساوش تداعاو معايا باش تخرج لي الفيزا نلتحق بالزوج ديالي تسناو تتمة في هاد الموضوع [/SIZE]
l,q,u vlqhkd lj;hlg afh;dm _fakdom_ .ld’m ,>>>>>>uk] hananoka_11 fakdom hananoka11 ,uk]
وو الكعاب
وتسلم الايادي ماشاء الله تبارك الله باينة شباكية ممتازة هادي الله يعطيك الصحة