في العادة عند اقتراب أي فتاة من الحياة الزوجية يتملكها الفضول لمعرفة تفاصيل هذه الاخيرة قبل اختبارها .. فتبحث عن تجارب اللواتي سبقنها حتى تكون فكرة عما ينتظرها .. وفي الغالب تكون شهادة المتزوجات صادمة، لأنها تكون غالبا في جو من الحب والوئام والتفاهم الفكري والروحي مع الشريك المستقبلي، الشيء الذي لا يعود له أي معنى بعد ط§ظ„ط²ظˆط§ط¬ حسب رأي من سبقنها الى غمار الزواج، ويصورن لها الحياة المشتركة كحرب طاحنة الداخل اليها مفقود والخارج منها مولود ، فتستعد الفتاة المسكينة نفسيا وجسديا لمصيرها المحتوم.. ثم تجدها بعد ط§ظ„ط²ظˆط§ط¬ كالثور الهائج الذي ينتظر الاشارة الحمراء لينقض عليها.. وعند أول سوء فهم بسيط تتذكر نصائح العجائز ب "النهار اللول يموت المش" و "ولدك علاش ربيتيه وراجلك علاش عودتيه" وغيرها من الأقوال المغربية الهدامة لكل معاني المودة والرحمة، فتثور على المسكين وتزيل الغطاء عن الجانب المظلم من شخصيتها .. لتنهي بذلك فصل الحب والتفاهم وتبدأ فصل الخلاف والجدال والقطيعة .. وغالبا ما تكون النهاية مأساوية والضحية كلاهما .. لذلك ، ان أردت تهييء نفسك للحياة الزوجية ، لا تبحثي في تجارب الأخريات لأن لكل طرفين خصائصهما ومميزاتهما التي ترسم مسار علاقتهما.. بل حاولي معرفة أدق تفاصيل شريكك، شخصيته وأفكاره، أحلامه وطموحاته.. حتى تعرفي أنسب طريقة للتعامل معه.. وتأكدي أن صدام الأفكار في بداية الأمر شيء صحي وبه تتعودان على خصائص كل منكما ، وبقليل من الصبر والذكاء، ستصلان الى نقطة التلاقي والتماهي التي يصبح فيها اختلاف الآراء والأفكار والأحلام أمرا مسليا.. وكنصيحة أخيرة للمقبلات على الزواج.. اذا أردت فهم الطبيعة النفسية للجنس الآخر أحيلك على كتاب الرجال من المريخ والنساء من الزهرة للكاتب الأمريكي جون غرين، كتاب مفيد جدا ويستحق القراءة .. والله يكمل عليكم بالخير ان شاء الله في انتظار ارتساماتكن وردودكن ..
lk rgfd grgf ;g lrfgm ugn hg.,h[ legd >>
بارك الله فيكي أختي على الطرح الرائع و الله يكمل ليك بالخير و جميع بنات المسلمين
عاجبناني وجهة نضرك لزواج حيت فعلاً شحال من وحدة كتسمع لغيرها وكتخدم بنفس لخطة في حين كل راجل وساروتو ونضرة ديالو لبعض الأمور كاين راجل كيعجبو مرتو تبوس لو راسو أو ايديه وتغسل ليه رجليه أنا رجلي أعدى حاجة عندو هما هاد تصرفات وكين لكيتزوجو وكيتصدمو كايقولو زواج لخايب في حين شريك لممزيانش أنا كا متزوجة هدي عام وعرفة رجلي قبل ب-4 سنوات كنت كنستعد قبل زواج ونهيء نفسية ديالي بش منتصدمش ف شي تصروف وفلخر لقيت زواج ديالي أسهل مايكون وأحسن شئ درتو ف حياتي ولحاجة لمرتحة فيها
المشكل انه واخا منقلبوش على تجارب ناس لي صبقونا راه كتجي حتى لعدنا تجري تربية ديالنا وديال ازواجنا متشبعة بداك الواقع المر ديال المش والفار وخا الطرفين يبغيو يكبرو عقلهم ويتعايشو في حب غا كيقع خلاف بسيط كيجي داك شيطان ينفخ وكتشعل العوافي وكل واحد يجبد سلاح يبدى يتيري فلاخر حتى كتحطم ديك المودة وداك الحب بسباب جرح المشاعر لي بغا يتزوج خاص يخلي اعصابه في دار والديه زواج خاصو الخاطر بزاف ولي مقاد عليه مكين لاش يتزوج باش يطلق ويمشيو الوليدات ضحية
صحيح البنات .. كما أن الزواج مجرد تجربة من تجارب الحياة .. قد ينجح وقد يفشل .. يعني يلا قدر الله وفشل هذا لا يعني انها نهاية الحياة .. والزواج ليس عبء بقدر ما هو متنفس من ضغوط العمل والحياة ..
اهلا الفتيات الصراحة انا مازال عازبة, ولكن الا جا ولد الناس. من خلال التجارب ديالي, ما كاين لا مش لا فار, فقط كاين المعاملة الحسنة و الكلمة الطيبة, و النقاش و اي مشكل يتحل فوقتو, لان التراكمات هي سباب النفور بين اي اثنين. ضروري من الخصام مرة مرة, هادشي عادي, و لكن غير نعرف كيفاش نكون ذكية ونتعامل مع المشكل ببرود, ويلا تعصب انا نحدر حتى يبرد و تكون راشقة ليه عاد نتبورد ههههه المهم الهدرة كثييييييرة فقط كانتمنا التوفيق لجميع المقبلات على الزواج
السلام عليكم موضوعك فالمستوى وفقك الله في زواجك و حياتك فعلا اغلبية كيدخلو للحرب ماشي للزواج و هو العكس تماما وكل واحد وشخصيتو و تربيتو غي بغيت نقول للاخت لي قالت لي تزوجات تخلي اعصابها فدار والديها نقول ليها لا اختي مامتافقاش معاك، هاد الرأي ديالك حتا هو كيكرس ديك الفكرة ديال الحرب انا بعدا قبل زواج كنت عصبية و من بعد مابقيتش ماشي خليت اعصابي فدار ولديا لا غي لقيت الحمد لله لي افهمني و متفهم بلا منحتاج نتعصب و كلشي بالخاطر و الكلمة الطييبة ومدخلوش للزواج على اساس الانتفاع اولا بديك الفكرة ديال واحد النهار راجلي اتقلب علي دونك نوجد لداك النهار، خلي نيتك مزيانة راه هاداك ولا نصفك الثاني و عمرك تخبي عليه شي حاجة، غي هو خاص هادشي اكون متبادل ماشي من جهة الزوجة بوحدها الهضرة كثيرة كيما قالت الاخت لي قبل مني نلخصها ف الكلمة الطيبة و المعاملة الحسنة و لنا في رسول الله و امهات المومنين اسوة حسنة فلنتبعها و الله اوفق