من تساعدني في رجيم حسن الدشتي

---

lk jshu]kd td v[dl psk hg]ajd pa,

سلام اختي راه ماعرفتش اش نظام ديال الرجيم

قولي لينا اشنو هاد النظام باش نقدرو نساعدوك

السلام عليكم
حبيباتي نظام الرجيم هو عدم اكل النشويات وكذا السكريات
بوجه الخصوص

جزاكن الله خيرا

اوا را شاهل بالنسبة للفطور تقدري تاكلي البيض مثلا و خبز التوست و الحليب الخالي الدسم او دانون مسوس و الغداء طجين ما يكونش فيه بطاطا او خيزو و سلطة و عصير الليمون مثلا او لحم مشوي او دجاج مشوي و سلطة و لكن بالفرشيط باش تاكليه لانك غاتحيدي الخبز و العشا سلطة و تفاح

امكن حتى الدهنيات خاصك تحيديهم ياك اوا بقاي طيبي غير بشوية زيت الزيتون

ربي يبارك فيك اختي وردة مفتحة لكن عندي سؤال
هل خبز التست لا يعتبر من النشويات ؟؟؟؟؟؟؟
لاني بصراحة اريد رؤية النتيجة باسرع وقت هههههههههه
والله الكرش عاملي مشكل في حياتي اخاااصة في صحتي
اما فيما يخص الطبخ بزيت الزيتون فهذا ما افعله منذ بداية الرجيم

اختي شنو بغيتي تعرفي على هاد ريجيم نساعدك راه فعلا غزال انا نقصت عليه بزاف سيري لقسم النحافة و الوزن الزائد غتلقاي موضوع خاص بيه سميتو الريجيم الكيتوني وراه كاين موضوع هنا خاص بالوصفات الكيتونية قلبي عليه فيه بزاف تلوصفات

السلام عليكم
هاد الريجيم تآكلي فيه غير اللحم والدجاج والحوت البيض الدهون شوية شوية د الخضر تقريبا كاس فالنهار اما خص ولا خيار ولا دنجال ولا ليشو صافي مافيهش نهائيا الفواكه لانها تتخسر هاد النوع من الريجيم ممنوع الحليب فيه لاكتوز يعني سكريات ممنوع الخبز نهائيا ممنوع الروز ومالك اختي على حالتك تدوز غير اربع ايام والفم ريحتو تتخنز والعرق تاهو تيتبدل
هو تيطيح لكن ماشي بزااااف بلحق نفسيا تيمرض وتيدير الاكتئاب وأي ريجيم صحي والرياضة ممكن تطيحي فيه بنفس القدر غير هو تيليق لناس اللي تيكلو كميات كبيرة وتيبغيو المقلي والدهون

اختي كلامك مبني على مصدر علمي او لا تجربة شخصية بالنسبة لتجربة الشخصية هادشي لي قلتي مكينش مجانا لا اكتئاب ولا مرض نفسي ولا عرق خناز ولا حتى ريحة الفم بشكل بسيييييييط جدا هي لي تتحسي غير مزعجة وغير كتغسلي وتاكلي وتكملي نهارك عادي وبالنسبة لمتيطيحش لا بالعكس تيطيح مزيان ومفعولو فحال السحر لانو الحم تيرجع لمكانو ومتيخليش جلود نازلة حيت تتضعافي وتينحت الجسم و متيخسرش الشعر او البشرة وبالنسبة لانو متاع الناس لي تتاكل كميات كبيرة فهادا غلط لانو انا اكلي قليل لكن حتى ريجيم مكنستمر فيه اكتر من شهر لانهم مملين ودغيا تتخليهم وهادا ريجيم الوحيد لي مخلانيش نكرهو ولي دابة 5 شهور فيه تيشبع وممتع وكلو شهيوات ومتيحسسشك بالحرمان وهو نظام غدائي متكامل وصحي