مني إليكن فراشة بكيك اللقاء ولكريمة صنع منزلي

ثُبت بتاريخه … ريفية حرة

أحلى وأعطر وأزكى تحية لأحلى أنيقات منتدانا الغالي

بغيتكم تشاركوني تجربتي لكيكة سمعتها فاللقاء المفتوح و كريم شنتي فنة فنة وكتودي غي أنا درت منها طارط على شكل ظپط±ط§ط´ط©
ونتوما لي بغيتوه جربوه يعني غتربحو لكيكة بوحدها + أيضا غتربحو لكريم يمكليكم تستعملوها كيفما تبغيو والتزين تاخذو فكرة

تبعو معايا المقادير والطريقة وإن شاء الله تعجبكم

بسم الله

نبداو بلكيك

لعبار يكون بحك دانيت :
1 حك دانيت+ كأس ونصف زيت+ كاس سنيدة+ كاس حليب+ 3كؤوس ونصف دقيق( زايد ناقص) +4 بيضات+ 3 خمارات حومر +2م ك كاكاو مر

يخدم البيض مع سنيدة فالخلاط ثم الياغورت ثم الحليب ثم الزيت ثم الكاكاو

نفرغ الخليط فمول ونضيفو الدقيق والخمارات ونخلط بالخلاط اليدوي من بعد يفرغ الخليط من أعلى في مول الفرن مدهون ومرشوش

تطهى في فرن بارد على نار مهيلة
وهاهيا كيكتنا واجدة لي بغاها بلى كريم ممكن تزين بالشكلاط مع دانيت أو حسب رغبة كل أخت

نمر لتحضير لكيرم شنتي باش نوجدو لاطارط ديالنا

نحتاج :
250غ زبدة عادية +
نصف لتر حليب أنا نقصت منو داك لحك درتو فلكيك ولي بقا خدمت بيه لاكريم+
2 كؤوس زيت أنا إستعملت كاس ونصف +
2 كؤوس سكر كلاصي 2 فاني + 2 ياغورت فاني

هنا غنخدموها فقط باليد يعني متحتاجيش أنيقتي لا لباطور ولا والو غي هيا ضربيها مزيان يعني تبغي لخدمة

نخدمو أولا الزبدة مع سكر كلاصي مزيان

ثم نضيف الحليب شوية بشوية وحنا كنخدمو باليد مزيان حتا نساليو الكمية ديال لحليب لي عندنا ونلاحضو أن الزبدة بدات كتغير وتلين أكثر

من بعد نضيفو الزيت شوية بشوية وحنا كنخدمو باليد ونضربو ههههه حتا نلاحضو أن الزيت دخلات كلها مع الزبدة و ظˆظ„ظƒط±ظٹظ…ط© ولات بيضة عنداكو تعياو وتحبسو راه غتحصلو على كريم شنتي من داكشي لي يعجبكم وبكمية أكثر

ها حنا سالينا
دبا نضيفو ساشي ديال لفاني والياغورت ونخلطو لكريمة

وها لكريمة واجدة نوضعوها فشي إناء ونحتافضو بيها فالتلاجة على الأقل يوم بأكمله قبل الإستعمال أنا خليتها يعني حتا لغد ونستعملوها أحسن ويلى بغينا نخدموها بلبوش نوضعوها فالمجمد تقصاح شوية باش متسيحش لينا وقت الإستعمال بفعل الحرارة

نمر الأن لعمل الفراشة بلكيك والتزين
مرحبا :

قبل كل شيئ نقسم الكيك نصفين ونسقيوها بالسيرو عذرا الصور تمسحو عن غير قصد
كنستعمل نصف حامضة معصرة مع القليل قليل من الماء والسكر يطبخو ونسقي بيهم الكيك

………………………………………….. ………………………………………….. …………………………..

من بعد ندهن نصف الكيك بلكريما ونرجع النصف الأخر

طريقة عمل ظپط±ط§ط´ط© على هاد الشكل بالمراحل

دهنتها بسيرو الشكلاط فيه : شكلاط أسود مع شوية حليب + شوية زبدة + شوية سنيدة .عينك ميزانك
من بعد عسلت التفاح ف: عصير الحامض والماء وسنيدة بكمية مهمة فوق نار حتا غلا مزيان مع التحريك و زولتو وخليتو برد فالتلاجة

وكان تزيني لفراشتي بهاد الشكل :