ثبت الموضوع بتاريخه ………………………………..امونة 1982
حبيباتي كيدايرين . بزاف ديال لبنات ط§ظ„ظ„ظ‡ يجازيهوم بخير حطو ظƒط±ط§ظ† الوجدي… وبغيت حتا أنا نشارك معاهوم… حيت كل واحدة وطريقتها…..
كران الوجدي في المنزل .
لمقادير ساهلة ماهلة… 
نحتاجو الالا لدقيق الحمص مغربل رابعة ديري زلافة عامرة… هاد لكمية على حسابك نتي وراجلك ووليداتك
2 بيضات
لتر وكأس ماء. لي بغاتو جاري و لي بغاتو قاسح تكلع داك الكاس… ولكن المعروف على ظƒط±ط§ظ† كيجي جاري راه غي كيبرد كيقصاح .
خمارة حمرا
كأس شاي زيت + شوية ملح
الطريقة سيدتي
كضربي غي بلفوي البيض وتزيدي الزيت وثم الماء والدقيق والخمارة هانتوما شوفو
منبعد نخويوه فمول يكون متوسط على حساب الكمية نكونو دهناه شوية بالزيت
ويطيب ففران سخون على نار معتدلة راه كيشد الطياب يقدر يبقا كتر من ساعة.. إوا لي بغات تعشا بيه ديرو مع المغرب .
راه في الطياب كيبقا يتبقبق هههههه ماتخفي مدهشي راه عادي ههههههههه كينوض فيه حالو ههههههه
لموهيم حتا تشوفيه دار هاد القشرة وجمع راسو شوية رديه لتحت يتحمر
وقدميه سخون باصحة والراحة … مع الملح والسودانية ولكمون يلى بغيتي. غي دردري عليه وكولي بمعلقة ولا دريه وسط الخبز
راه مين تحيديه من الطاوة كيكون جاري شوية هكا كيتقدم …ويلى بقاليك غتلاحضي أنه قساح تقدي تسخنيه وتولي تاكليه.
ممكن يتقدم مع أتاي أو عصير.. وجادا و في بلاصتو كيكلوه مع بريدة…
نتمنا ينال إعجابكم ولا تبخلو عليا بردودكم
lkd Ygd;l ;vhk g,[]d f’vdrjd hglujl]m 000 Hojd Ho,hjd la;,vhj lkn gk[]] hggi hgH,g hgw,v color comic jfhv; jfhv; hggi ugd; font pjn sans size ugn ugd; uk];
تستاهلي احسن تقييم
المشاركة الأصلية كتبت بواسطة miryana 
شكرا حبيبتي لمرورك بالنسبة للحليب عمرني سمعتها…. ختي هنا فشرق مزال مسمعتش شي وحدة دارتو بلحليب….. هو معروف غي بالزيت والبيض والماء حتى الخمارة كاين لي يديرها ولي ميديرهاش… نتي جربي غي هاد لماقادير يجيك غزال
المشاركة الأصلية كتبت بواسطة بعمرانية2019 جزاك الله كل خير شكرا
المشاركة الأصلية كتبت بواسطة امونة 1982 تستاهلي احسن تقييم
بارك الله فيكي مشرفتي شكرا على التقييم
هاد الوصفة جديدة علي ما عمرني شفتها ولا سمعت بيها
ولكن ساهلة وباينة لذيذة
تم التقييم عزيزتي
هداك أختي قلتي دقيق الحمص ياك؟ ماشي الدقيق العادي؟