ممكن مساعدة بخصوص زراعة النباتات

السلام عليكم

عجبني هاد القسم و شفت الاخوات تبارك الله عليهم زارعين اشياء جميلة و مكرهتش حتا انا نتعلم نورع عندي سطح فيه مزروعات قدام و دبلو و ماتو

مكرهتش شي اخت تساعدني اشنو خاصني ندير منين نجيب التراب منبن نجيب البدور الخ …

و شكرا

---

ll;k lshu]m fow,w .vhum hgkfhjhj

مرحبا بالاخت سكينة نورتي القسم, و ان شاء الله في وقت قريب تورينا السطح ديالك بعد ما تزينيه بالنباتات و الازهار, انا غادي نحاول نحاول نفيدك و نعطيك بعض المعلومات, اولا وجدي الاوعية القدام لي عندك الا كنتي متاكدة انه النباتات لي فيها ميتة و ما ترجعش تحيى , زوليها و فرغيها من التربة و تاكدي انه فيها ثقوب في القاع تخرج الماء الزائد ديال السقي, دبا نشوفو التربة , غادي تاخدي التربة لي زولتي من الاعية ملي تكون الشمس فرشي بلاستيك في الارض و نشريها فيه باش تشمش و تقتل الفطريات لي فيها, و تجمعها على جنب, تمشي المشتل و قلي ليه يعطيك الطيرو راه كيتباع للخنشة كاين ديال 10 دراهم و كاين الممتاز ب15 درهم كاين تيوصل حتى ل20 درهم للخنشة نتي تاخدي القدر على حسب حاجتك ( انا بلاصتك ناخد خنشة كاملة و تبقى عندي بلا ما نشريها بالتسقاط تطلع غالية), و غادي تحتاجي للرملة ديال البناء و السماد او الغبار,

غادي تاخدي شي حاجة تعبري بيها غراف او اي حاجة , تاخدي مقدار من تربة الطيرو او البيتموس. زيدي عليها مقدار ديال الرملة و مقدار ديال الغبار و 3 مقادير من التربة العادية , يعني العبار ديال الغبار و الرملة و الطيرو غدي ضربيه في 3 في التربة العادية , دبا التربة واجدة, تاخدي الاوعية او المحابق و تعملي طبقة ديال الحجر او الكياص ديال البناء باش التقاب ما يتسدوش بالتراب , عاد تعمريهم بالتراب لي وجدتي ,

دبا تشوفي اشنو بغيتي تزرعي, بالنسبة للبذور شوفي المواضيع ديال الاخوات في القسم راكي غادي تستافدي منهم بزاف, بحال النعناع و القزبر و المخينزة و نوار الشمس ….. المواضيع و الاقتراحات كتيرة عملي شي دويرة في القسم و راك غادي تستافدي, اما الا حبيتي الجاهز, عليك بالمشتل سيري للمشتل و شوفي لي عجبك , الاثمان من 2 دراهم فما فوق نتي و جيبك , الا شفتي السطح عندي اغلى وحدة شريتها ب 13 درهم, لكن قبل ما تشري لازم تسوليه على النبتة واش تتبغي الشمس او الظل واش كتنغي الماء بزاف او لا بالنسبة للازهار واش طول العام او موسمية , واش النبتة تطيح الاوراق في الخريف او دائمة الخضرة, و هكذا و انتي تعرفي النبتة لي تناسبك و تناسب المكان لي عندك

اوا كنتمنى نكون افدتك بالمعلومات ديالي و الا حبيتي اي استفسار مرحبا
تحياتي

شكرا اختي على المعلومات الي عطيتيني الله يجازيك بخير و ينور طريقك

تبارك الله ام سدين شرحات لك كل ما غاتحتاجي اتمنى تبداي الغرس وكنصحك تشري بعدة شتلات جاهزين باش تشوفي الخضوىية وتتحمسي
عاد ديري البذور باش الى مصدقتش متعجزيش
نتمناو نشوفو سطح مبهج بالغرس

ان شاء الله اختي شكرا على الرد

بارك الله فيك اختي على المعلومات القيمة