ملخص "الحداكة والتاويل والعقل الرزين يدية في يديكم نتعلموهم" ممنوع الدردشة

باسم الله السلام عليكم ورحمة الله وبركاته يثبت…. أم أشرف وإسراء ملخص موضوع الحداكة ظˆط§ظ„طھط§ظˆظٹظ„ ظˆط§ظ„ط¹ظ‚ظ„ الرزين كنتمنى تعم الاستفادة باذن الله

lgow "hgp]h;m ,hgjh,dg ,hgurg hgv.dk d]dm td d]d;l kjugl,il" llk,u hg]v]am 100 110 153 333 ggl,q,u hggd hgy]h hgudk hg,]dkhj hgq, ph];m ]ogd vhi net a,td ugdh ugd; uk] tdi i]h iii iiii ikh ,lpjh[i ,rj

تبعو معانا نصائح الهام لهومة الله يعطيها صحيحتها أمين ٍالاخوات اللي مرونة ديورهم غنمشي معاكم بيت بيت زنقة زنقة ههههه غنمشي معاكم من الكوزينة للصالون لبيت النعاس و كلشي و نتمني نلقا تفاعل و كلشي يساهم معانا و يعطي تجاربو و نصائحو باش ديورنا يكونو مقادين خصنا اول حاجة التخلص من الحوايج اللي زايدين في الدار اي ال****يب بحال بلاكار قديم …طابلة مهرسة …شي طبسيل مهرس…ايلا عندك 3 او 4 من ش حاجة خلي غير واحدة قضي بيها حتى تبلا وشري واحدا اخرى والامر كدالك بالنسبة للحوايج تصدقي بالحاجة اللي صغارت عليك وعلى ولادك وعلى راجلك واللي بلات دريها شيفونات .. حيت هاد الشي مع الوقت كيولي مرض كنبقاو نقوولو مع راسنا هاد الحاجة نقد نستعملها شي نهار وتجمعيها وتبقاي تجمعي بحال القندس حتى توحلي ولكن خاس نتغلبو على هاد الامر راه الشرويط والماعن عطاهم الله المهم بالنسبة ليا اللي زايدا تخرج من الدار حينت الدخشيش في الدار كيخليك توحلي مني تبداي تخملي وتعياي وما تبقاي عارفا مين تبداي و التخلص من ال****يب كيخلق مساحات رحبة كتسمح بتدفق الطاقة اللي غادي تخليك تحبي التنظيف يا الله بداو التطبيق واللي عندها شي حاجة زايدا تصدقها او لا ترميها ايلا ما كانتش صالحة تاني حاجة كل حاجة تشد بلاصتها يعني كل بيت يكون فيه فقط اثات الخاص بيه بدون زيادات ماشي تلقاي شي داخل في شي وكلشي يتخبى ف البلاكارات ايلا كان ممكن ونخليو فوق الماريو ديال بيت النعاس خاوي لانه كعطي منظر زوين حسن من داك العرام ديال المانط وصيكان السفر المانط يدارو في صنادق اللي ف الصالون ولا في شي بلاصا في البلكار او تشريو دوك الميكات اللي كيمصو الهواء راه تيكونو فمسيو بريكولاج والصيكان يدار فيهم حوايج الشتا ايلا كان الصيف او حوايج الصيف ايلا كان البرد وحتا الماريو غادي يخفاف من الداخل وغاد كون عندنا مساحة كبيرة فين نرتبو الحوايج وتقبلو تحياتي واحد شوية غنجي ليكم لبيت النعاس و نقولكم كيفاش يبقا متول دائما مع الهام لهومة المبدعة هههههههه دابا نجيو لبيت نعاس يكون فيه غير الناموسية الكوافوزات البلاكار ويمكن تزيدي تلفاز ايلا كان البيت كبير واخا انا صراحة ضد هاد الفكرة التلفازة تبعنا حتي لبيت نعاس ههه انا دايرا فيه جليسة و طبعا الكونة غادي تكوني مظطرة ديريها ايلا كانت عندك التربية صغيرة وما كانش عندو البيت ديالو بالنسبة الماريو قسميه جيهة ديري فيها حوايج الراجل وجهة ليك وجهة للولاد السراول بوحدهم والقوامج بوحدهم والتيشورطات بوحدهم والجلالب والتريكويا ت الطواقي والكاسكيطات في المجر الملابس الداخلية في المجر الشيلان ف المجر فوق الماريو خاوي الكومود نديرو فوقها ش ديكور ديال الفخار مبخرة او فازات صغر او صنديقات او مصحف صغير … . عندي واحد الصاك و كنحط فيه كاع الحاجات ديال الضياف بحال الفوطات ديال اليدين و ديال الاستحمام ( مكنبغيش نعطي الفوطة ديالي هههه) و ليزور و غطاء الخديات وبيجامة و نهار كيجي عندي شي حد تنجبدو بكل سهولة بلى مانتلف و نبقى نقلب ديما بيت النعاس ما ندكسوهش بالديكور و التخربيق ديما يبقا سامبل حيت الحاجة البسيطة كتكون زوينة و ما تقيلاش فالشوفان ديما خودي صابونات ديال الريحة بحال صابونة دوف خودي شحال من وحدة خليها هكاك صحيحة و خشيها فالماريو وسط الحوايج و خودو كميميصات و ديرو كميميصة ديال الخزامة و كميميصة ديال الورد و خشيهم تا هوما وسط الماريو و شوفو الريحة ملي تفتحو الماريو ديالكم بالنسبة للطقم ديال بيت نعاس تيجي معاه واحد الغشا ديال المخدة صغير اغلبنا ما كنستعملوه خودوه و غسلوه فالماكينة غي شي خمسة الدقايق و ديروه فالنشافه غير شوية مزال يبقي نادي يكون شوية راغن ايوا و خودوه و عمروه بشي بارفان مزيان و بخروه انا كنبخرو بالمسكة الحرة احنا تنگولو ليها تيدگت انتوما ليكم الاختيار و ديرو وسطو واحد اربعة اعواد ديال الند وخودوه ديرو هاداك الغشا فبلاستيكة و سدو عليه مزيان و دخلوه فالفريگو و خلوه 3 ايام و خرجوه و حطو الغشا وسط المخاد ديال بيت نعاس او تحت الفراش و تمتعو بالريييييييييحة الجميلة ايوا شفتكم ناعسين تندوي غار بحدي حرام عليكم ما كاين تشجيع دابا نبكي

الهام لهومة دابا نجيو للكوزينة وهادي هي اصعب مكان خاصو دائما التنظيف والتنظيم بشكل يومي المهم هادي بعض الخطوات باش تكون الكوزينة مرتبة واللي عندها شي اضافة مرحبا اولا البلاكارات مهمين فهاد العملية ايلا كانو مزيان وايلا ما كانوش بحال في ديور الكرا يمكن الواحد يستعن بالطاجيرات ديال الفيرفورجي كيتصاوبو عند السدور البلاكارات ندرو الطباسل ف جهة والكيسان ف جهة والبرارد والطيرموسلت بوحدهم والطناجر الزجاج بوحدو والبديع بوحدو والاينوكس بوحدو الفراشي والمعالق ايلا ما كانوش المجورا شري المجورة صغار ديال البلاستك وديرهم فيه فوق البلاكار نعملو طوجنات صغار ديال الفخار ديكور وايلا كنتي غادا تحطي فوقهم الماعن د اينوكس ديال العراضات غلفهم بالبلاستك الغدائي حينت دهون الطياب صعيبة ف التنظيف بالنسبة للقطاني و ليباط ديروهم فدوك البواطات ديال البلاستيك االقريعات ديال العطرية من الاحسن نجمعوهم في شبكة كبيرة و ندخلوهم للبلاكار باش نجبدوهم بسهولة ادوات التنظيف تحت لافابو ومن الاحسن القراعي ديال اوني والخرقة باش نغسلو الماعن يدارو التحت يتخباو ديري شي ساعة تكون فيها فواكه في الكوزينة ايلا عنك الشرجم ديري ليه شي خامية بتوب خاص بالكوزينة لي عودة ان شاء الله ولادك ماشي مشكل يلعبو و ضروري غيرونو ليك السيجور و لكن عوديهم علي النظام ملي يساليو اللعب ديالهم يجمعو اللعاب ديالهم و يقادو بلاصتهم واخا باقيين صغار ولفيهم هادشي من دابا انتي راجلك ما تيكونش فالدار السيمانة كلها خصك الجمعة و السبت و الاحد اللي تيجي فيهم راجلك تكوني مقادة كلشي خودي ورقة و ستيلو و ديري جدول ديال الشقا و ساليه فالصباح راه ايلا قابلتي الانترنيت ما غتقادي والو ديما الشغال قاديهم فالصباح بمري و غيشيط ليك الوقت ارا ما تكونيكطاي فيقي فالصباح بكري نيشان سيري للكوزينة ديري المقراج فوق النار لاتاي او للقهوة و او الحليب سيري للحمام غسلي وجهك و مشطي شعرك و رجعي للكوزينة و جدي الفطور ديري اتاي يتشحر و ما تبقايش واقفة عليه وجدي الخبز……….. حطي الفطور فوق الطبلة و سيري فيقي الوليدات يمشيو للحمام يغسلو و ……. فهاد الاتناء حلي الشراجم و هزي الاغطية لوحيهم فالنوافد بلا ما تجمعي البيت و سيرو فطرو من بعد لبسي وليداتك و ايلا كانو كبار شوية عوديهم يلبسو بوحدهم و سيفطيهم للمدرسة او الحضانة و رجعي للدار لبسي طابلية ديالك و قادي السيجور و شطبيه دوزي دابا للحمام اعزكم الله.الحمام ديما تكوني حاطة فيه قرعة يكون فيها خليط من جافيل والصابون وسنكروا وثقبيها من الفوق ويكون معاها شيفونة باش غا تحكي.غا ترشي الخليط و تحكي دغيا لافابو وتواليت وتمسحي لمراية بشي فوطة صغيرة لي حتى هي خليها في الحمام ديما وغا تجفيه فقط بجفاف العمود.مغاتفوتيش فيه 10 دقايق.مضليش تحكي تما.حكا خفيفة من بعد ما شطبتي غرفة الجلوس و جففتي الحمام شطبي الكولوار من بعد دوزي للكوزينة ديري الماء يطيب الا غا تحتاجيه لنصيب الغذاء.مسحي الطبلة هي الاولى وقديها.من بعدها دوزي للبوطاجي رجعي كل حاجة لبلاصتها ونتي كتجمعي فالماعن لي خاسهم يتغسلو في الحوض.مسحي البوطاجي.من بعد بداي تنصبي الغذاء ديالك.ايه دابا غا تنصبيه باش يطيب على خاطرو وباش تستغلي الوقت محدك في الكوزينة.نتي كتنصبي وفي نفس الوقت كتغسلي الماعن.ماعن الفطور والماعن لي غا تخدمي.اي حاجة ساليتي بيها غسليها في البلاص.وقلنا مضيعيش الوقت عرفي كيديري تستاغليه.مضليش تحركي في الغذاء ولا واقفا على البصلة تسنايها تشحر…مغاتفوتيش نصف ساعة مبين الغذاء وغسيل الاواني…من بعد غا تجفي الكوزينة ودوزي للبيت النعاس ديالك و ديال اطفالك بيتك جمعيها وشطبيها ومسحي الغبرة متفوتيش فيها 10 دقايق.غرفة الاطفال كذلك تجمعيها وتشطبيها ومتفوتيش فيها 10 دقايق حتى هي.وديري فبالك ديما انه الا علمتي ولادك هما يجمعو حوايجهم ويقادو بيتهم غا يجيك كلشي ساهل و منضم و كنتمني يعجبك هاد البروگرم راني كتبت جريدة ههههه

الجدول لي كنظم بيه وقتي في أغلبية الاحيان وسيرتو الى مشا الريزو ههههههههههه https://www.anaqamaghribia.com/vb/sho…=394979&page=2

هواحد الجدول أو برنامج للاكل بسيط وضريف وراه مفيهش الكوليستيرول الفطور الغدا العشاء بكري الاتنين فرماج + خبز+ أتاي طاجين بالخضرة والدجاج دانون +لوز وكاوكاو التلاتاء ليمونة +تمر+أتاي+خبز طاجين بصوص والكفتة+شلاضة الحريرة +التمر الاربعاء دانون + تمر +خبز القطنية + شلاضة مقيلة بالحيمات طراف+شلاضة الخميس بيضة مصلوقة+ أتاي وخبز طاجين اللحم بالخضر حسوة والتمر الجمعة زيت العود+الخبز + أتاي مرة كسكس مرة تردة مرة بيتزا مرة بطبوط بالخضر والدجاد أو الطون بلبولة باللبن أو كسكس باللبن او شلاضة بالخضر السبت كاس حليب +تمر +خبز طاجين باللحم والخضر شوربة العدس الاحد أملو +خبز+ أتاي الحوت في الفرن +شلاضة بيض ومطيشة الفطور الغدا العشاء بكري الاتنين زيت الزيتون+ خبز+ أتاي حوتة في الفران بالجزر والبطاطا الحريرة والتمر التلاتاء فرماج +أتاي+خبز اللحم بالوبيا الخضرة+ شلاضة الحسوة +التمر الاربعاء دانون + تمر +خبز طاجين كفتة السردين+ شلاضة مقيلة بالحيمات طراف+شلاضة الخميس بيضة مصلوقة+ أتاي وخبز القطنية وشلاضة بيتزا+شلاضة الجمعة زيت الزيتون+الخبز + أتاي الكسكس بلبولة باللبن أو كسكس باللبن او شلاضة بالخضر السبت كاس حليب +تمر +خبز طاجين الدجاج بالجلبانة والبطاطا شوربة العدس الاحد أملو +خبز+ أتاي السفة المدفونة +شلاضة بيض ومطيشة

برنامج الاخت مدام فاتي الله يحفظها ويجازيها كل خير ٍفي الأيام العادية من غير الويكآند برنامجي كالآتي: الاستيقاظ مع الخامسة صباحا : صلاة الفجر مع الذكر ثم تهيئ وجبة الفطور بسرعة وتناوله مع زوجي ثم جمع طاولة الفطور وغسل الأواني السابعة صباحا الخروج من البيت في اتجاه العمل وأنا في الحافلة كنحرس دائما نقرا شي كتاب او الاستماع لدرس في التنمية البشرية لابراهيم الفقي أو أحمد عمارة أو درس ديني لأن الطرق عندي طويلة 40دقيقة وصدقوني هاد الوقت قريت فيه كتب بزاف كنوصل للعمل مع الثامنة لأنه كنحرص نوصل للعمل ديالي في الوقت المحدد عندي التوقيت المستمر من الثامنة الى الرابعة والنصف وأحيانا الخامسة حسب ظروف العمل . بالنسبة للعمل ديالي كنبغي نكون متميزة فيه وناجحة لهذا كنحرص ندير تكوينات وتدريبات من أجل تنمية مداركي المهنية. الخامسة كنرجع في الحافلة نقرا أو نسمع درس في البورتابل كنوصل داري مع السادسة كندخل مباشرة للكوزينة ههههههههه نطيب العشا نجمع الدار وكندوز تجفيفة خفيفة للدار نجمع الكوزينا ندير الحوايج في لاماشين هادشي كلو ما نفوتش فيه ساعة كنخل ندوش ونتوضا استعدادا لصلاة المغرب لأن راجلي ما كيدخلش للدار حتى السابعة والنصف. كيدخل راجلي نشربو قهوة نتفرجو في التلفاز من بعد نصلي العشا والشفع والوتر قراءة القرآن وتفسيره وتدبره ولو آية واحدة أحرص على هذه العادة صدقوني راها شي حاجة رائعة جدا ما كيجي يدوز شهر حتى كتلقاي راسك عرفتي تفسير ديال 30آية على الأقل وكذلك تدبرها والتفكر في ملكوت الله ( الأذكار كنديرهوم وأنا كنشتغل في البيت وأنا في الطريق الى بيتي ). كنجلس مع راجلي شوية واخة كنكون عياااااانة بزاف غير الله يسمح ليا منو ولكن راه من حقو نعطيه وقتو ثم كنحط العشا ومن بعد نجمع الماعن ونغسلهوم ونوجد الغدا ديال لغد ليه لندي أنا وراجلي لأننا كنتغداو في الخدمة ونوجد صينية ديال الفطور ديال الصباح باش يسهل عليا في الأمر. هذا هو برنامجي بعجالة شديدة. أما بالنسبة للسبت والأحد فله برنامج خاص غدا ان شاء الله نكتبو لأني دابة خاصني نخرج من الخدمة .

بالنسبة لطريقتي في التخمال البنات أنا بادية التخمال بحكم يدي بوحدي وحتى من راجلي كيحفظ مبغيتش نبرزطو فكل صباح ومع الشقا العادي ديالي كندير حاجة وفالاجوندة دايرة * بيت النعاس (نطوي ماريويا – نطوي ماريو راجلي – نطرف الكوافوزات – نصبن الحوايج – نصبن المانطة رقم كدا نهز البيت – نحك الحايط – نرجع البيت) * بيت الجلوس ( نجمع البيت -نرقد الطلامط – نحك البيت – نصبن طلامط – نصبن الزربية- نرجع البيت) * الصالون ( نهز الصالون – -نرقد الطلامط – نحك البيت – نصبن طلامط نصبن الزربية – نصبن الخامية ولاناب – نشمس المخاد – نرجع البيت) * الكوزينة ( نخمل البلاكار تلفوق – نخمل بلاكار لتحت – نحك التلاجة – نحك الفران – نحك الحايط والبوطاجي – نصبن الخوامي وسرابت ) * الحمام أغلبية تنساليه فنهار واحد هادشي لي كتبت راه كندير غي بحاجة بحاجة ولي درتها كندرب عليها بستيلو هاد الطريقة كتحفزني بزاف وحيت يدي بوحدي

التخمال الهام لهومة المعيگيزات كيف صبحتو اليوم لباس عليكم الجو سخن وزوين وغير ديال جميع الدار والتخمال والتصبين ههههه ياك التخمال راه هاذا وقتو والصيف ورمضان على الابواب وباش معروف الصيف غير بالضياف ورمضان مكاين وقت للتخمال بحرا نتكافاو مع ميمي, فرمضان كنشقاو غير على الكرش تقول واش عمرنا كلينا يا لطيف هههه اوا فينما بانت ليكم شي معكازة جيبوها ليا نجبد ليها لودينات هههه نبداو كل نهار شي حاجة ولو بسيطة حتى نساليو وراه عندكم الوقت الكاااااااااافي وطبعا افكاركم غادي نحتاجو ليها لي عندها شي طريقة فعالة لشي حاجة تكتبها لينا وحتى انا مغاديش نقصر من جهدي لعيونكم يالاه مرحبا باللي جا وجاب وحتى لي جا بيديه مرحبا والف مرحبا غير حيدو عليكم العكز وكونو حادكات ومتولات يلاه راه غوزيل دارت فينا النفس هههههه راه التنظيف والتنظيم ماشي غير للضياف حتى لاصحاب الدار راه النقا زوين يالاه الى العمل باراكا من النعاس ديرو النفس ولي عندها شي شطابة تشدها اه نسيت ما قلت ليكم عمركم ما تنوضو للتخمال مرة وحدة ديرو حاجة بحاجة باش ما تعياوش و تكرهو التخمال يلاه نبداو علي بركة الله من الكوزينة الكوزينة يا الكوزينة هاد المكان ايلا تقاد نص الدار تتقاد ههههه نخرجو گاع الماعن اللي تحت البلاكار اغلبية تيكون التحت السطولة ديال الدقيق و المونة و مواد التنضيف نخرجو كلشي و نحيدو اللي زايد گاع الدخشيش نلوحوه عمركم تبقاو غار تخشيو بحال القنية اللي زايد لوحوه نفرغو لبرامل بعد ماغسلناهم و نشفوهم مزيااااان ونعرضوهم للشمس باش ميغملوش الدقيق ايوا قلنا نمشيو لبلاكار تحت بوتاجي ونحيدو منو روينة لماعن ونظفو بجافيل وسانيكروا ونخليوه ينشف ثم ندخلو ليه برامل الدقيق وايضا بوديزات زيت العود و لوسيور نعسلوهم من برا ونفرشو ليهم بلاطو و نحطوهم حدا الدقيق هادشي نديروه النهار الاول النهار التاني نحكو البوطاجي مزيااااان حيت هو ساحة المعركة غنديرو فيه الماعن باش يتسقطرو نجبدو الماعن اللي فالبلاكار نمسحو البلاكار بالخل مزياااااان و نخليوه ينشف من بعد نمسحوه بالجفاف فيه سانيكروا او روح ديال سانيكروا من الافضل ونغسلو الماعن مزيان الا تحرقات ليكم شي طنجرة ما عليكم غير ديرو فيها الما والملح وخلوها تغلي وغسلوها من بعد عااادي كتولي جديدة البراد الا كحال ليكم من الداخل ما عليكم غير ديرو فيه الماء + الحامض وخليوه يترقد وحكوه بالجيكس من الداخل وشوفو الوسوخاااات وكيولي يشعل وحتى من برا حكوه بقشور الحامض وعاد غسلوه كيولي جديد الا تصداو ليكم المعالق والمواس قسمو بصلة على 2 وحكوهم بيها مزياااااان ونزيدو شويا سنيدة ونحكو وغادي يزول غسلو الماعن مزيان بالطريقة المعروفة و حطوهم يتسقطرو و سيرو لمكينة الصابون نضفوها مزيان و گاع دوك الجفافات و الشراوط ديروهم يترقدو ملي ينشفو الحوايج رتبوهم بهاد الطريقة اللي كنت قلت ليكم البلاكارات ندرو الطباسل ف جهة والكيسان ف جهة والبرارد والطيرموسلت بوحدهم والطناجر الزجاج بوحدو والبديع بوحدو والاينوكس بوحدو الفراشي والمعالق ايلا ما كانوش المجورا شري المجورة صغار ديال البلاستك وديرهم فيه فوق البلاكار نعملو طوجنات صغار ديال الفخار ديكور الماعن د اينوكس ديال العراضات غلفهم بالبلاستك الغدائي حينت دهون الطياب صعيبة ف التنضيف بالنسبة للقطاني و ليباط ديروهم فدوك البواطات ديال البلاستيك االقريعات ديال العطرية من الاحسن نجمعوهم في شبكة كبيرة و ندخلوهم للبلاكار باش نجبدوهم بسهولة ايوا ا الحادگات يلاه شاركونا تجاربكن و نصائحكم انا راني عييت من الكتابة ايمتا غنشد التقاعد

ماما أمينة الله ايجازيها بالخير هانا نشارك معاكوم بشي طابلويات عني فالاكسيل كنمشي عليهوم j كتعني يومي s كتعني اسبوعي M كتعني شهري

ماما أمينة