ملحقة عقد البيع

السلا م عليكم و رحمة الله تعالي و بركاته
أريد أن أستشير المستشارين افي القانون حول موضو ع و أتمنى أن تفيدوني جزاكم الله خيرا
الموضوع هو أن شخصا من العائلة باع منزلا غير كامل في البناء و غير مسجل في المحافظة العقارية بعقد مصادق عليه بين الطرفين في بداية سنة 1989 .
وهذا الشخص توفي سنة 2024.
و خلال هذه المدة كلها لم يسجل المالك الجديد هذا العقار و في بداية سنة 2024 طالب المشتري ورثة الهالك بإنجاز ملحق عقد ط§ظ„ط¨ظٹط¹ من جديد قصد تسجيله في المحافظة العقارية .
اذا ثمت استجابة مطلب هذا المالك الجديد ماذا يترتب عنه فيما يخص ضريبة الأرباح و تابعاتها بالنسبة للورثة ؟؟؟؟؟
شكرا و جعله الله في ميزان حسناتكم

---

lgprm ur] hgfdu

الموضوع هام جدا

نتمنى تفيدك شي أخت
يرفع للأهمية

شكرا أختي جزاك الله خيرا

اختي نصيحة يشوفو شي نوتير هو يعطيهم الجواب الكافي

الله يسهل للجميع

شكرا أختي وريدة بارك الله فيك
الورثة مشاو عند نوتير و فهمو كلشي و لكن بغاو يتأكدو مزيان لأن هاد شي مامفيهش اللعب شنو غيكون اذا ثمت استجابة مطلب هذا المالك الجديد ماذا يترتب عنه فيما يخص ضريبة الأرباح و تابعاتها بالنسبة للورثة ؟؟؟؟؟
خصوصا أن هاذ المنزل الغير الكامل في البناءما ورثوهش و ما شدوش فلوسو هاد شي كلو دارو الأب المتوفى هما ماكانوش عارفين حتى الأب ديالهم واش كان عندو شي ملك و باعو هاد شي وقع في 1989و الأب توفى 2024 و مالك الجديد في 2024 عاد ناض بغى يسجل هذه مدة 12 عام فين كان ..كان ناعس هاد المدة كلها عاد فاق هو لدار الخطأ و مسجلش ملي كان صاحب الملك مزال في الحياة ..

منكرهش شي مستشارة قانونية تكون في المنتدى و تجاوبني لأن المضوع مهم بزاف بزاف
و شكرا

نفس الشيء اختي واقع لينا كان بابا الله يرحمو عندو ارض ديال البني وباعها ومولها الي شراها ما حفظهاش المهم مالي المحافضه طلبات بالتحفبض خرجات في اسم بابا الله يرحمو يعني بهكدا انا الورتا الي غادي تولي ديالنا فمول الأرض بنا فيها دار وكلشي المهم جا عندنا باش نمشيو نحفوها ليه ونسنيو ليه لكن الصراحه حنا خفنا قلنا حتى نشوفو خصوصا انو ما عاقلينش على بابا مالي باعها كنا صغار وخفنا حتى من ضريبه لنخلصوها وحنا ما درنا لا بيدنا ولا برجلينا من بعد هو معجبوش الحال بغانا نسنيو ليهم بلا ما نسولو كانو باغي يقولبنا والغلط منو في الأول وباغينا حنا الي نخلصوه فمشا رفع دعوى علينا في المحكمه كل واحد بسميتو يعني على الورته كلهم وبقات تتجينا ستداء لدار ومتنمشيوش شي ربعات المرات ودابا توقف وما عرفنا شنو دار فيها

اختي دفعوا بتقادم التزامكم كورثة …هادي نصيحتي مرور كتر من 15 سنة يسقط هاد الالتزام في التقادم وب التالي منين تردو عليهم تشبتو بالتقادم هدا اولا وعموما اختي راه اي حكم سلبي لن ينفد الا في حدود الارث لي ورثتوه …هو تانضن تايطالبكم بتتمة عقد البيع و تسليمو وثيقة ضرورية و بالنسبة للضريبة اختي تانضن حتى هي تقادمت …سيري اختي عند محامي ماشي موثق

السلام عليكم
ختي هما الورثة ماحضر للبيع يعني مملزومين اخلصو، لشر الدار يطلب لهم اسنو ليه الملحق، وتحمل هو الضريبة، بحكم هو المستفيد والله يعوض عليه.

الورثة خلف عام ..ملزومون بالحقوق و الواجبات في حدود الميراث الى قبلو بيه…..هادشي لي تانعرف اختي