مـــســــابقة تـــزيــيــن الطـــورطـــات حصريا على أناقة عربية الجزء الأول

120 دقيق
120 غ سكر
4 بيضات
فاني

لتعليقات ممكن تكتبو في الموضوع الآخر

مشرفاتي الكريمات، هذه مشاركتي في المسابقة، أتمنى أن تنال الاستحسان منكن ومن أخواتي العضوات

1* الجينواز (أو البيسكوي)

الجينواز البيضاء: 120غ سكر + 4 بيضات + 1 كيس ڤانيليا + 120غ دقيق + رشة ملح

الجينواز البنية: 120غ سكر + 4 بيضات + 30غ كاكاو + 90غ دقيق + رشة ملح

النتيجة

نقطع كل واحدة إلى قطعتين

نحط جميع القطع فوق بعضها وصاوبت ڭاباري من الكرطون نزلتو فوق منهم وقطعت على حسب شكل الكرطون

نخلي كلشي على جنب

2* البرالين

250غ لوز + 130غ سكر + 2 معالق كبار ماء (الوصفة للمشرفة أم هداية جزاها الله خيرا)
في مقلاة ما كتلصقش نعمل الماء والسكر حتى يغلاو ثم نضيف اللوز، الصور كتبين بعض المراحل

نطحنوه ملي يبرد ونحتافظو بيه على جنب

3 * الكريما

نطلع القشدة الطرية وحدها، ثم نضيف ليها 2 معالق كبار سكر ڭلاصي مغربل ونزيد نطلعها

ثم نضيف عليها البرالين غبرة ونخلط

4* "كولي" الفريز

صاوبتو بكونقتير الفريز مع شوية عصير، وطحنتو باش يمتازج ويعطي قوام جميل

نخليه على جنب

5 * المونطاج

عملت الأساس من قطعة كرطون وغلفتها بورق الألمنيوم
ننزل أول قطعة خارجية بنية، ونسقيها مزيان بعصير الفواكه (نفسو لي عملت مع كولي الفريز)

نعمل شوية كريما على الجوانب الداخلية

ثم ننزل القطعة الداخلية بلون مغاير (أبيض) ونسقيها بالعصير

نعمل طبقة من الكريما

ثم طبقة من الفريز الطري مقطع صغير

ثم ننزل قطعة جينواز خارجية بيضاء (لون مغاير على القطعة الخارجية لي عملنا لتحت) ونسقيها بالعصير
نفس الشيء: نذهن بالكريما الجوانب الداخلية ثم ننزل القطعة الداخلية من لون بني ونسقيها، ثم طبقة كريما ثم طبقة فريز وهكذا…

حتى ننهي قطع الجينواز لي عندي… ونغطي الطورطة كلها بالكريما، وندخلها للثلاجة على الأقل ساعة قبل ما نمر للمرحلة النهائية

6 * التزيين

جهزت كريما أخرى وأضفت عليها كمية قليلة من البرالين باش يبان الفرق فاللون
للأسف إضافة البرالين لكريما التزيين ما كانتش فكرة مزيانة لأنها كتعذب لما نبغيو نخرجوها بالجيب الحلواني.. ففقدت التحكم في التزيين

خرجت الطورطة من الثلاجة ولصقت ليها اللوز إيفيلي محمر على الجوانب

ثم زينت بالكريما كيفما قدرت، لأن وجود البرالين فعلا مشكلة يعيق خروج الكريمة بشكل جميل

عملت الكولي ديال الفريز وسط المساحة المحددة بالكريما

ثم تزيين نهائي بالفواكه حسب الرغبة